ಲೀಡ್ಸ್​ನಲ್ಲಿ ವೆಸ್ಟ್​ ಇಂಡೀಸ್​- ಅಫ್ಘನ್​ ಮುಖಾಮುಖಿ.. ಟಾಸ್​​ ಗೆದ್ದ ವೆಸ್ಟ್ ಇಂಡೀಸ್​ ಬ್ಯಾಟಿಂಗ್ ಆಯ್ಕೆ

ಲೀಡ್ಸ್​ ಮೈದಾನದಲ್ಲಿ ಇಂದು ವೆಸ್ಟ್​ ಇಂಡೀಸ್​ ಮತ್ತು ಅಫ್ಘಾನಿಸ್ತಾನ ತಂಡಗಳು ಮುಖಾಮುಖಿಯಾಗುತ್ತಿದ್ದು, ಗೆಲುವಿನೊಂದಿಗೆ ವಿಶ್ವಕಪ್​ ಅಭಿಯಾನಕ್ಕೆ ಅಂತ್ಯ ಹಾಡಲು ನಿರ್ಧಾರಮಾಡಿವೆ.

ಲಂಡನ್​:ಇಲ್ಲಿನ ಲೀಡ್ಸ್​ ಮೈದಾನದಲ್ಲಿ ಇಂದು ವೆಸ್ಟ್​ ಇಂಡೀಸ್​ ಮತ್ತು ಅಫ್ಘಾನಿಸ್ತಾನ ತಂಡಗಳು ಮುಖಾಮುಖಿಯಾಗುತ್ತಿದ್ದು, ಟಾಸ್​​ ಗೆದ್ದ ವೆಸ್ಟ್ ಇಂಡೀಸ್​ ಬ್ಯಾಟಿಂಗ್​ ಆಯ್ದುಕೊಂಡಿದೆ.

ಈಗಾಗಲೆ ವೆಸ್ಟ್​ ಇಂಡೀಸ್​ ಮತ್ತು ಅಫ್ಘನ್​ ತಂಡಗಳು ಸೆಮಿಫೈನಲ್​ ರೇಸ್​ನಿಂದ ಹೊರ ಬಿದ್ದಿದ್ದು, ಉಭಯ ತಂಡಗಳಿಗೂ ಇದು ಅನೌಪಚಾರಿಕ ಪಂದ್ಯವಾಗಿದೆ. ಆದ್ರೆ ಟೂರ್ನಿಯಲ್ಲಿ ಇಲ್ಲಿಯವರೆಗೂ ಒಂದು ಪಂದ್ಯದಲ್ಲಿ ಜಯ ಸಾಧಿಸದ ಅಫ್ಘಾನಿಸ್ತಾನ ತಂಡ ಕೆರಿಬಿಯನ್​ ಪಡೆಯನ್ನ ಮಣಿಸಿ ಗೆಲುವಿನೊಂದಿಗೆ ವಿಶ್ವಕಪ್​ ಅಭಿಯಾನಕ್ಕೆ ಅಂತ್ಯ ಹಾಡುವ ತವಕದಲ್ಲಿದೆ.

ವಿಶ್ವಕಪ್​ ಟೂರ್ನಿ ಆರಂಭಕ್ಕೂ ಮುನ್ನ ಚಾಂಪಿಯನ್​ ಪಟ್ಟ ಅಲಂಕರಿಸುವ ಹುಮ್ಮಸ್ಸಿನಲ್ಲಿದ್ದ ವಿಂಡೀಸ್​ ಪಡೆಗೆ ನಿಯಾಸೆಯಾಗಿದ್ದು, ಇಂದಿನ ಪಂದ್ಯದಲ್ಲಿ ಜಯ ಸಾಧಿಸುವ ವಿಶ್ವಾಸ ಹೊಂದಿದೆ.

ಇದುವರೆಗೂ ಏಕದಿನ ಕ್ರಿಕೆಟ್​ನಲ್ಲಿ ಅಫ್ಘಾನಿಸ್ತಾನ ಮತ್ತು ವೆಸ್ಟ್​ ಇಂಡೀಸ್​ ತಂಡ 5 ಬಾರಿ ಮುಖಾಮುಖಿಯಾಗಿವೆ. ಐದರಲ್ಲಿ ಅಫ್ಘಾನಿಸ್ತಾನ ತಂಡ ಮೂರು ಪಂದ್ಯಗಳಲ್ಲಿ ಜಯ ಸಾಧಿಸಿದೆ. ವಿಂಡೀಸ್​ ಒಂದು ಪಂದ್ಯದಲ್ಲಿ ಗೆಲುವಿನ ನಗೆ ಬೀರಿದ್ದು, ಒಂದು ಪಂದ್ಯ ಯಾವುದೇ ಫಲಿತಾಂಶ ಕಂಡಿಲ್ಲ.