ನವದೆಹಲಿ: ಭಾರತ ತಂಡ ಆಲ್ರೌಂಡರ್ ಯುವರಾಜ್ ಸಿಂಗ್ ಟಿ20 ಕ್ರಿಕೆಟ್ ಇತಿಹಾಸದಲ್ಲಿ 6 ಬಾಲಿಗೆ 6 ಸಿಕ್ಸರ್ಸ್ ಸಿಡಿಸಿ ಇಂದಿಗೆ 13 ವರ್ಷಗಳು ತುಂಬಿವೆ. ಈ ಮಧುರ ನೆನೆಪನ್ನು ಸಾಮಾಜಿಕ ಜಾಲಾತಾಣದಲ್ಲಿ ಯುವಿ ಶೇರ್ ಮಾಡಿಕೊಂಡಿದ್ದಾರೆ.
2007ರ ಟಿ20 ವಿಶ್ವಕಪ್ನಲ್ಲಿ ಇಂಗ್ಲೆಂಡ್ ತಂಡ ಸ್ಟುವರ್ಟ್ ಬ್ರಾಡ್ ಎಸೆದ ಓವರ್ನಲ್ಲಿ ಎಲ್ಲಾ ಎಸೆತಗಳನ್ನು ಬೌಂಡರಿ ಗೆರೆ ದಾಟಿಸಿ ಕ್ರಿಕೆಟ್ ಲೋಕವನ್ನೇ ಯುವರಾಜ್ ಸಿಂಗ್ ಬೆಚ್ಚಿ ಬೆರಗಾಗುವಂತೆ ಮಾಡಿದ್ದರು.
ಈ ಮಧುರ ಕ್ಷಣವನ್ನು ಇನ್ಸ್ಟಾಗ್ರಾಮ್ನಲ್ಲಿ ಶೇರ್ ಮಾಡಿಕೊಂಡಿರುವ ಲೆಜೆಂಡ್, "13 ವರ್ಷಗಳು, ಸಮಯ ಹೇಗೆ ಹಾರುತ್ತಿದೆ" ಎಂದು ಕಾಮೆಂಟ್ ಮಾಡಿಕೊಂಡಿದ್ದಾರೆ. ಇದಕ್ಕೆ ತಮಾಷೆಯಾಗಿ ಪ್ರತಿಕ್ರಿಯಿಸಿರುವ ಸಿಕ್ಸರ್ಸ್ ಹೊಡೆಸಿಕೊಂಡಿದ್ದ ಬ್ರಾಡ್, ಸಮಯ ಆ ರಾತ್ರಿ ಚೆಂಡು ಹಾರುತ್ತಿದ್ದಕ್ಕಿಂತಲೂ ವೇಗವಾಗಿ ಹಾರುತ್ತಿದೆ" ಎಂದಿದ್ದಾರೆ. ಇದಕ್ಕೆ ಮತ್ತೆ ಯುವಿ ಕೂಡ ತಮಾಷೆಯಿಂದಲೇ ಉತ್ತಿರಿಸಿದ್ದು, ಆ ಒಂದು ರಾತ್ರಿ ನಾವು ಮರೆಯಲಾಗುವುದಿಲ್ಲ ಗೆಳೆಯ ಎಂದು ಕಾಲೆಳೆದಿದ್ದಾರೆ.
ಯುನಿವರ್ಸಲ್ ಬಾಸ್ ಕ್ರಿಸ್ ಗೇಲ್ ಕೂಡ ಲೆಜೆಂಡರಿ ಎಂದು ಕಾಮೆಂಟ್ ಮಾಡಿದ್ದಾರೆ. ಭಾರತ ತಂಡದ ಮಾಜಿ ಆಟಗಾರ ಗಂಭೀರ್, ಹರ್ಭಜನ್ ಸಿಂಗ್ ಸೇರಿದಂತೆ ಹಲವಾರು ಕ್ರಿಕೆಟ್ ದಿಗ್ಗಜರು ಇದು ಅದ್ಭುತ ನೆನೆಪು ಎಂದು ಕಾಮೆಂಟ್ ಮಾಡಿದ್ದಾರೆ.
ಆ ಪಂದ್ಯದಲ್ಲಿ ಯುವರಾಜ್ ಸಿಂಗ್ (58) ಕೇವಲ 12 ಎಸತಗಳಲ್ಲಿ ಅರ್ಧಶತಕ ದಾಖಲಿಸಿದ್ದರು. ಗೌತಮ್ ಗಂಭೀರ್ 58, ವೀರೇಂದ್ರ ಸೆಹ್ವಾಗ್ 68 ರನ್ ಸಿಡಿಸಿದ್ದರು. ಈ ಮೂವರ ಅರ್ಧಶತಕಗಳ ನೆರವಿನಿಂದ ಭಾರತ 20 ಓವರ್‌ಗೆ 4 ವಿಕೆಟ್ ಕಳೆದು 218 ರನ್ ಬಾರಿಸಿತ್ತು. ಗುರಿ ಬೆನ್ನಟ್ಟಿದ ಇಂಗ್ಲಂಡ್ 20 ಓವರ್‌ಗೆ 6 ವಿಕೆಟ್ ಕಳೆದು 200 ರನ್ ಗಳಿಸಿ 18 ರನ್‌ಗಳ ಸೋಲುಕಂಡಿತ್ತು.