ಚಹಾಲ್ ಆಡುವ ಯಾವುದೇ ಯೋಜನೆ ಇರಲಿಲ್ಲ, ಆದರೆ 'ಈ ನಿಯಮ' ನಮಗೆ ವರದಾನವಾಯ್ತು: ಕೊಹ್ಲಿ

ಜಡೇಜಾ ಗಾಯಗೊಂಡು ಪೆವಿಲಿಯನ್​​ಗೆ ಮರಳಿದ ಬಳಿಕ ಅವರ ಸ್ಥಾನ ತುಂಬಿದ ಚಹಾಲ್​ ಉತ್ತಮ ಪ್ರದರ್ಶನ ನೀಡುವ ಮೂಲಕ ಟೀಂ ಇಂಡಿಯಾ 11 ರನ್​ಗಳ ಜಯ ಗಳಿಸಲು ನೆರವಾದರು.

ಕ್ಯಾನ್​ಬೆರಾ: ಯುಜ್ವೇಂದ್ರ ಚಹಾಲ್ ಆಡುವ ಯಾವುದೇ ಯೋಜನೆ ಇರಲಿಲ್ಲ. ಆದರೆ concussion replacement​ ನಿಯಮದ ಪ್ರಕಾರ ಜಡೇಜಾ ಬದಲಿಗೆ ಬೌಲಿಂಗ್​ ಮಾಡಿದ ಅವರು, ಉತ್ತಮ ಪ್ರದರ್ಶನ ತೋರಿದರು ಎಂದು ಟೀಂ ಇಂಡಿಯಾ ನಾಯಕ ವಿರಾಟ್​ ಕೊಹ್ಲಿ ಸಂತಸ ವ್ಯಕ್ತಪಡಿಸಿದ್ದಾರೆ. ಜಡೇಜಾ ಬದಲಿಗೆ ಬೌಲಿಂಗ್​​ ಮಾಡಿದ ಚಹಾಲ್, ಆಸ್ಟ್ರೇಲಿಯಾ ವಿರುದ್ಧದ ಮೊದಲ ಟಿ-20 ಪಂದ್ಯದಲ್ಲಿ ಮ್ಯಾಚ್​ ವಿನ್ನರ್​ ಆಗಿ ಹೊರ ಹೊಮ್ಮಿದ್ದಾರೆ.

ಜಡೇಜಾ ಗಾಯಗೊಂಡು ಪೆವಿಲಿಯನ್​​ಗೆ ಮರಳಿದ ಬಳಿಕ ಅವರ ಸ್ಥಾನ ತುಂಬಿದ ಚಹಾಲ್​ ಉತ್ತಮ ಪ್ರದರ್ಶನ ನೀಡುವ ಮೂಲಕ ಟೀಂ ಇಂಡಿಯಾ 11 ರನ್​ಗಳ ಜಯ ಗಳಿಸಲು ನೆರವಾದರು.

ಜಡೇಜಾ 23 ಎಸೆತಗಳಲ್ಲಿ ಅಜೇಯ 44 ರನ್ ಗಳಿಸುವ ಮೂಲಕ ಭಾರತ ತಂಡ 7 ವಿಕೆಟ್‌ ನಷ್ಟಕ್ಕೆ 161 ರನ್ ಗಳಿಸಿತು. ಜಡೇಜಾ ತಲೆಗೆ ಚೆಂಡು ಬಿದ್ದು ಗಾಯಗೊಂಡ ಕಾರಣ ಅವರ ಸ್ಥಾನ ತುಂಬಿದ ಚಹಾಲ್, 4 ಓವರ್‌ಗಳಲ್ಲಿ 25 ರನ್ ಕೊಟ್ಟು 3 ವಿಕೆಟ್​ ಪಡೆದರು.

ಈ ಕುರಿತು ಮಾತನಾಡಿದ ತಂಡದ ನಾಯಕ ಕೊಹ್ಲಿ, ಚಹಾಲ್ ಆಡುವ ಯಾವುದೇ ಯೋಜನೆ ಇರಲಿಲ್ಲ. ಜಡ್ಡು (ಜಡೇಜಾ) ತಲೆಗೆ ಗಾಯಗೊಂಡ ಕಾರಣ ಚಹಾಲ್ ಆಡಬೇಕಾಯಿತು ಎಂದಿದ್ದಾರೆ.