ನವದೆಹಲಿ: ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಹಾಲಿ ಚಾಂಪಿಯನ್ ಸಿಎಸ್ಕೆ ಉತ್ತಮ ಆರಂಭ ಪಡೆದುಕೊಂಡಿದೆ. ಟೂರ್ನಿಯಲ್ಲಿ ಈಗಾಗಲೇ ತಾನು ಆಡಿರುವ ಎರಡು ಪಂದ್ಯಗಳಲ್ಲೂ ಗೆಲುವು ದಾಖಲು ಮಾಡಿದೆ.
ಜಗತ್ತಿನ ಬೆಸ್ಟ್ ಕ್ಯಾಪ್ಟನ್ ನಮ್ಮ ತಂಡ ಮುನ್ನಡೆಸುತ್ತಿದ್ದಾರೆ: ಧೋನಿ ಬಗ್ಗೆ ಡ್ವೇನ್ ಬ್ರಾವೋ ಮೆಚ್ಚುಗೆ
ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಕ್ಯಾಪ್ಟನ್ ಧೋನಿ ಬಗ್ಗೆ ಸಹ ಆಟಗಾರ, ಆಲ್ರೌಂಡರ್ ಡ್ವೇನ್ ಬ್ರಾವೋ ಮೆಚ್ಚುಗೆ ಮಾತನಾಡಿದ್ದು, ಜಗತ್ತಿನ ಬೆಸ್ಟ್ ಕ್ಯಾಪ್ಟನ್ ನಮ್ಮ ತಂಡ ಮುನ್ನಡೆಸುತ್ತಿದ್ದಾರೆ ಎಂದಿದ್ದಾರೆ.
ಸಿಎಸ್ಕೆ ಪ್ಲೇಯರ್ ಡ್ವೇನ್ ಬ್ರಾವೋ,ಕ್ಯಾಪ್ಟನ್ ಧೋನಿ
ನಿನ್ನೆ ಫಿರೋಜ್ ಷಾ ಕೋಟ್ಲಾ ಮೈದಾನದಲ್ಲಿ ಡೆಲ್ಲಿ ಕ್ಯಾಪಿಟಲ್ ವಿರುದ್ಧ ಗೆದ್ದ ಬಳಿಕ ತಂಡದ ಪ್ಲೇಯರ್ ಡ್ವೇನ್ ಬ್ರಾವೋ ಮಾತನಾಡಿದ್ದಾರೆ. ತಂಡವನ್ನ ವಿಶ್ವದ ಬೆಸ್ಟ್ ಕ್ಯಾಪ್ಟನ್ ಮುನ್ನಡೆಸುತ್ತಿದ್ದು, ಅದರ ಭಾಗವಾಗಿರುವುದು ನಿಜಕ್ಕೂ ಸಂತಸದ ಸಂಗತಿ ಎಂದಿದ್ದಾರೆ. ಮೈದಾನದಲ್ಲಿ ಅವರು ತೆಗೆದುಕೊಳ್ಳುವ ನಿರ್ಧಾರ ನಿಜಕ್ಕೂ ಉತ್ತಮವಾಗಿರುತ್ತವೆ.
ವಿಶ್ವವೇ ಧೋನಿಯನ್ನ ಕ್ಯಾಪ್ಟನ್ ಕೂಲ್ ಎಂದು ಕರೆಯುತ್ತದೆ. ಅದಕ್ಕೆ ಅವರು ಅರ್ಹವಾಗಿದ್ದಾರೆ. ಮೈದಾನದಲ್ಲಿ ನಮ್ಮ ತಂಡ ಫಾಸ್ಟೆಸ್ಟ್ ತಂಡವಾಗಿಲ್ಲದಿರಬಹುದು ಆದರೆ ಸ್ಟಾರ್ಟೆಸ್ಟ್ ತಂಡವಾಗಿದೆ ಎಂದಿದ್ದಾರೆ.12ನೇ ಆವೃತ್ತಿಯಲ್ಲಿ ಸಿಎಸ್ಕೆ ಉದ್ಘಾಟನಾ ಪಂದ್ಯದಲ್ಲಿ ಆರ್ಸಿಬಿ ವಿರುದ್ಧ ತದನಂತರ ಡೆಲ್ಲಿ ವಿರುದ್ಧ ಗೆಲುವು ದಾಖಲು ಮಾಡಿದೆ.