ನಾಳೆಯಿಂದ ಟಿ-20 ಫೈಟ್​: ಹೊಸ ದಾಖಲೆಗಳ ಮೇಲೆ ವಿರಾಟ್​, ರೋಹಿತ್​ ಕಣ್ಣು

ನರೇಂದ್ರ ಮೋದಿ ಅಂತಾರಾಷ್ಟ್ರೀಯ ಮೈದಾನದಲ್ಲಿ ನಾಳೆಯಿಂದ ಭಾರತ-ಇಂಗ್ಲೆಂಡ್ ನಡುವಿನ ಐದು ಟಿ-20 ಪಂದ್ಯಗಳ ಕ್ರಿಕೆಟ್ ಸರಣಿ ಆರಂಭಗೊಳ್ಳಲಿದ್ದು, ಕೆಲವು ಮಹತ್ವದ ದಾಖಲೆಗಳು ನಿರ್ಮಾಣಗೊಳ್ಳಲಿವೆ.

ಅಹಮದಾಬಾದ್​:ಇಂಗ್ಲೆಂಡ್​ ವಿರುದ್ಧ ನಡೆದ ಟೆಸ್ಟ್​ ಕ್ರಿಕೆಟ್​ ಪಂದ್ಯದಲ್ಲಿ ಗೆಲುವು ದಾಖಲಿಸಿರುವ ಟೀಂ ಇಂಡಿಯಾ ಇದೀಗ ನಾಳೆಯಿಂದ ಟಿ-20 ಕ್ರಿಕೆಟ್​ ಸರಣಿಗಾಗಿ ಸಜ್ಜುಗೊಂಡಿದೆ. ನಾಯಕ​ ಹಾಗೂ ಉಪನಾಯಕ ಹೊಸ ದಾಖಲೆ ನಿರ್ಮಿಸುವ ತವಕದಲ್ಲಿದ್ದಾರೆ.

ವಿಶಿಷ್ಠ ದಾಖಲೆ ಮೇಲೆ ರೋಹಿತ್​,ವಿರಾಟ್​ ಕಣ್ಣು

ಟೀಂ ಇಂಡಿಯಾ ಕ್ಯಾಪ್ಟನ್​ ವಿರಾಟ್​ ಕೊಹ್ಲಿ ಸದ್ಯ ಟಿ-20 ಕ್ರಿಕೆಟ್​ನಲ್ಲಿ ಅತಿ ಹೆಚ್ಚು ರನ್​ಗಳಿಕೆ ಮಾಡಿರುವ ಪ್ಲೇಯರ್​​ ಆಗಿದ್ದು, ಇದೀಗ ಆರಂಭಗೊಳ್ಳಲಿರುವ ಸರಣಿಯಲ್ಲಿ 72 ರನ್​​ಗಳಿಕೆ ಮಾಡಿದ್ರೆ 3 ಸಾವಿರ ರನ್​ ಗಳಿಕೆ ಮಾಡಿದಂತಾಗುತ್ತದೆ. ಜತೆಗೆ ಇಷ್ಟೊಂದು ರನ್​ಗಳಿಕೆ ಮಾಡುವ ವಿಶ್ವದ ಮೊದಲ ಪ್ಲೇಯರ್​ ಆಗಲಿದ್ದಾರೆ. ಇದರ ಜೊತೆಗೆ ಮೂರು ಮಾದರಿ ಕ್ರಿಕೆಟ್​ನಲ್ಲಿ 3 ಸಾವಿರ ರನ್​ಗಳಿಕೆ ಮಾಡಿದಂತಾಗುತ್ತದೆ.

ಟಿ-20ಯಲ್ಲಿ ಅತಿ ಹೆಚ್ಚು ರನ್ ಗಳಿಸಿದವರು..​

• ವಿರಾಟ್​ ಕೊಹ್ಲಿ: 2,928
• ಮಾರ್ಟಿನ್​ ಗಪ್ಟಿಲ್​​: 2,839
• ರೋಹಿತ್​​ ಶರ್ಮಾ: 2,773
• ಆ್ಯರೊನ್ ಫಿಂಚ್​: 2,346
• ಶೋಯೆಬ್​ ಮಲಿಕ್​: 2,335 ರನ್​

ಟಿ-20 ಕ್ರಿಕೆಟ್​ ಸರಣಿಯಲ್ಲಿ ವಿರಾಟ್​ 17 ರನ್​ಗಳಿಕೆ ಮಾಡಿದ್ರೆ ಅಂತಾರಾಷ್ಟ್ರೀಯ ಕ್ರಿಕೆಟ್​ನಲ್ಲಿ 12 ಸಾವಿರ ರನ್​ ಮಾಡುವ ಮೂರನೇ ಪ್ಲೇಯರ್​ ಆಗಲಿದ್ದಾರೆ. ಈಗಾಗಲೇ ಆಸ್ಟ್ರೇಲಿಯಾದ ರಿಕಿ ಪಾಂಟಿಂಗ್ ​(15,440 ರನ್​)​ ಹಾಗೂ ಗ್ರೇಮ್​​ ಸ್ಮಿತ್ ​​(14,878 ರನ್​) ಮೊದಲೆರಡು ಸ್ಥಾನಗಳಲ್ಲಿದ್ದಾರೆ.

ಉಪನಾಯಕ ರೋಹಿತ್​​ ಶರ್ಮಾ ಕೂಡ ಹೊಸ ದಾಖಲೆ ನಿರ್ಮಿಸುವ ತವಕದಲ್ಲಿದ್ದು, 13 ಸಿಕ್ಸರ್​ ಸಿಡಿಸಿದ್ರೆ ಮಾರ್ಟಿನ್​ ಗಫ್ಟಿಲ್​ ದಾಖಲೆ ಬ್ರೇಕ್ ಮಾಡಲಿದ್ದಾರೆ. ಸದ್ಯ ಗಫ್ಟಿಲ್​​ 139 ಸಿಕ್ಸರ್​ ಸಿಡಿಸಿದ್ದಾರೆ. ಜತೆಗೆ 67 ರನ್​ಗಳಿಕೆ ಮಾಡಿದ್ರೆ ಗಫ್ಟಿಲ್​ ಟಿ-20 ಒಟ್ಟು ರನ್​ ಸಾಧನೆಯನ್ನು ಮುರಿಯಲಿದ್ದಾರೆ.