ನವದೆಹಲಿ:ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿ ಹಾಗೂ ಪಾಕಿಸ್ತಾನದ ಯುವ ಬ್ಯಾಟ್ಸ್ಮನ್ ಬಾಬರ್ ಅಜಮ್ ನನಗೆ ಸಚಿನ್ ತೆಂಡೂಲ್ಕರ್ರನ್ನು ನೆನೆಪಿಸುತ್ತಿದ್ದಾರೆ ಎಂದು ವಿಂಡೀಸ್ ಮಾಜಿ ಬೌಲರ್ ಇಯಾನ್ ಬಿಷಪ್ ಹೇಳಿದ್ದಾರೆ.
"ವಿರಾಟ್ ಕೊಹ್ಲಿ, ಬಾಬರ್ ಅಜಮ್, ಸ್ಟ್ರೈಟ್ಲೈನ್ನಲ್ಲಿ ಆಡುವುದನ್ನು ಗಮನಿಸಿದರೆ ನನಗೆ ಸಚಿನ್ ತೆಂಡೂಲ್ಕರ್ ನೆನಪಾಗ್ತಾರೆ. ನಾನು ಬೌಲಿಂಗ್ ಮಾಡಿದ ಅತ್ಯುತ್ತಮ ಬ್ಯಾಟ್ಸ್ಮನ್ ಎಂದರೆ ಸಚಿನ್. ಅವರು ಯಾವಾಗಲೂ ಸ್ಟ್ರೈಟ್ಲೈನ್ನಲ್ಲಿಯೇ ಆಡುತ್ತಿದ್ದರು. ಇದೀಗ ಈ ಇಬ್ಬರು ವ್ಯಕ್ತಿಗಳು ಆ ಶೈಲಿಯನ್ನು ಪ್ರಸ್ತುತಪಡಿಸುತ್ತಿದ್ದಾರೆ ಎಂದು ಬಿಷಪ್ ತಿಳಿಸಿದ್ದಾರೆ.
ಕೊಹ್ಲಿ ಮತ್ತು ಬಾಬರ್ರಲ್ಲಿ ಅತ್ಯುತ್ತಮ ಬ್ಯಾಟ್ಸ್ಮನ್ ಯಾರು? ಎಂಬುದಕ್ಕೆ ಬಿಷಪ್, ಪಾಕಿಸ್ತಾನಿ ಬಾಬರ್ ಉತ್ತಮ ಟಿ20 ಬ್ಯಾಟ್ಸ್ಮನ್. ಕೊಹ್ಲಿ ಏಕದಿನ ಕ್ರಿಕೆಟ್ನಲ್ಲಿ ಅತ್ಯುತ್ತಮ ಬ್ಯಾಟ್ಸ್ಮನ್ ಎಂದು ಹೇಳಿದರು.
ಬಿಷಪ್ ಭಾರತದ ವೇಗಿ ಬುಮ್ರಾ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. "ಜಸ್ಪ್ರೀತ್ ಬುಮ್ರಾ ಒಂದು ಪೀಳಿಗೆಯ ಪ್ರತಿಭೆ, ಅವರ ಎಲ್ಲಾ ಸ್ವರೂಪಗಳಿಗೆ ಹೊಂದಿಕೊಳ್ಳುವ ಸಾಮರ್ಥ್ಯ ಅದ್ಭುತವಾಗಿದೆ. ಕಗಿಸೊ ರಬಾಡ ಅವರ ಬೌಲಿಂಗ್ಗೆ ನಾನು ಪ್ರಭಾವಶಾಲಿಯಾಗಿದ್ದೇನೆ. ಪ್ರಸ್ತುತ ನಾನು ನೋಡಿದ ಹಾಗೆ ವೇಗದ ಬೌಲಿಂಗ್ ಮತ್ತೆ ಪ್ರಭಾವಶಾಲಿಯಾಗುತ್ತಿದೆ. ಅದು ನನ್ನನ್ನು ರೋಮಾಂಚನಗೊಳಿಸುತ್ತದೆ "ಎಂದು ಅವರು ಹೇಳಿದರು.
