ಚಿನ್ನಸ್ವಾಮಿ ಅಂಗಣದಲ್ಲಿ ಅಭಿಮನ್ಯುವಿಗೆ ಹ್ಯಾಟ್ರಿಕ್‌: 252 ರನ್ನಿಗೆ ತಮಿಳುನಾಡು ಸರ್ವಪತನ

ಟಾಸ್ ಸೋತು ಮೊದಲು ಬ್ಯಾಟಿಂಗ್​ ಮಾಡಿದ ದಿನೇಶ್ ಕಾರ್ತಿಕ್ ಪಡೆಗೆ ಉತ್ತಮ ಆರಂಭ ದೊರೆಯಲಿಲ್ಲ. 24 ರನ್ನಿಗೆ ಮೊದಲ 2 ವಿಕೆಟ್ ಕಳೆದುಕೊಂಡು ಸಂಕಷ್ಟದಲ್ಲಿದ್ದಾಗ ಅಭಿನವ್ ಮುಕುಂದ್ ಹಾಗೂ ಬಾಬಾ ಅಪರಾಜಿತ್ ಉತ್ತಮ ಜೊತೆಯಾಟ ನಡೆಸಿದರು.

ಬೆಂಗಳೂರು: ಇಲ್ಲಿನ ಚಿನ್ನಸ್ವಾಮಿ ಮೈದಾನದಲ್ಲಿ ನಡೆಯುತ್ತಿರುವ ವಿಜಯ್ ಹಜಾರೆ ಟೂರ್ನಿಯ ಫೈನಲ್ ಪಂದ್ಯದಲ್ಲಿ ತಮಿಳುನಾಡು ತಂಡ ನಿಗದಿತ 49.5 ಓವರ್​ನಲ್ಲಿ 7 ವಿಕೆಟ್ ನಷ್ಟಕ್ಕೆ 252 ರನ್ನಿಗೆ ಅಲೌಟ್ ಆಗಿದೆ.

ಟಾಸ್ ಸೋತು ಮೊದಲು ಬ್ಯಾಟಿಂಗ್​ಗೆ ಇಳಿದ ದಿನೇಶ್ ಕಾರ್ತಿಕ್ ಪಡೆಗೆ ಉತ್ತಮ ಆರಂಭ ದೊರೆಯಲಿಲ್ಲ. 24 ರನ್ನಿಗೆ ಮೊದಲ 2 ವಿಕೆಟ್ ಕಳೆದುಕೊಂಡು ಸಂಕಷ್ಟದಲ್ಲಿದ್ದಾಗ ಅಭಿನವ್ ಮುಕುಂದ್ ಹಾಗೂ ಬಾಬಾ ಅಪರಾಜಿತ್ ಉತ್ತಮ ಜೊತೆಯಾಟ ನಡೆಸಿದರು.

ಆರಂಭಿಕ ಅಭಿನವ್ ಮುಕುಂದ್ 85 ಹಾಗೂ ಅಪರಾಜಿತ್ 7 ಬೌಂಡರಿ ನೆರವಿನಿಂದ 66 ರನ್ ಕಲೆಹಾಕಿದರು. ನಂತರದಲ್ಲಿ ಆಲ್​ರೌಂಡರ್ ವಿಜಯ್ ಶಂಕರ್ 38 ಹಾಗೂ ಶಾರುಖ್ ಖಾನ್ 27 ರನ್ ಸಿಡಿಸಿ ತಂಡ ಗೌರವ ಮೊತ್ತ ಏರಿಕೆಗೆ ಕಾರಣರಾದರು.

ಕರ್ನಾಟಕದ ಪರ ಅಭಿಮನ್ಯು ಮಿಥುನ್ ಹ್ಯಾಟ್ರಿಕ್ ಸಹಿತ 5 ಹಾಗೂ ವಿ.ಕೌಶಿಕ್ 2 ವಿಕೆಟ್ ಕಿತ್ತು ಮಿಂಚಿದರು.