ಸೌರವ್​ ಗಂಗೂಲಿ ಕುಟುಂಬದ ನಾಲ್ವರಿಗೆ​ ಕೋವಿಡ್​ 19 ಪಾಸಿಟಿವ್​

ಬಿಸಿಸಿಐ ಅಧ್ಯಕ್ಷ ಸೌರವ್​ ಗಂಗೂಲಿ ಅವರ ಅಣ್ಣ ಸ್ನೇಹಶೀಷ್​ ಗಂಗೂಲಿ ಅವರ ಮಡದಿಗೆ ಕೋವಿಡ್​ 19 ಪರೀಕ್ಷೆಯಲ್ಲಿ ಧನಾತ್ಮಕ ವರದಿ ಬಂದಿದೆ ಎಂದು ಬಿಸಿಸಿಐ ಹಿರಿಯ ಅಧಿಕಾರಿ ತಿಳಿಸಿದ್ದಾರೆ.

ಕೋಲ್ಕತ್ತಾ: ಬೆಂಗಾಲ್​ ಕ್ರಿಕೆಟ್​ ಅಸೋಸಿಯೇಷನ್​ನ ಕಾರ್ಯದರ್ಶಿ ಸ್ನೇಹಶಿಶ್​​ ಗಂಗೂಲಿ ಅವರ ಕುಟುಂಬದ ಸದಸ್ಯರೊಬ್ಬರಿಗೆ ಕೋವಿಡ್ 19 ಪಾಸಿಟಿವ್ ವರದಿ ಬಂದಿದೆ ಎಂದು ಶುಕ್ರವಾರ ರಾಜ್ಯ ಆರೋಗ್ಯ ಇಲಾಖೆ ದೃಢಪಡಿಸಿದೆ.

ಬಿಸಿಸಿಐ ಅಧ್ಯಕ್ಷ ಸೌರವ್​ ಗಂಗೂಲಿ ಅಣ್ಣ ಸ್ನೇಹಶಿಶ್​​ ಅವರ ಪತ್ನಿಗೆ ಕೋವಿಡ್​ 19 ಸೋಕು ಹರಡಿದೆ ಎಂದು ಆರೋಗ್ಯ ಇಲಾಖೆಯ ಹಿರಿಯ ಅಧಿಕಾರಿ ಹೇಳಿದ್ದಾರೆ. ಸ್ನೇಹಶೀಷ್ ಪತ್ನಿಗೂ ಮುನ್ನ ಕಳೆದ ವಾರ ಅವರ ಅತ್ತೆ ಮತ್ತ ಮಾವ ಇಬ್ಬರ ವರದಿ ಕೂಡ ಪಾಸಿಟಿವ್​ ಬಂದಿತ್ತು ಎಂದು ಅವರು ತಿಳಿಸಿದ್ದಾರೆ.

ಇದರ ಜೊತೆಗೆ ಸ್ನೇಹಶೀಷ್​ರ ಮೊಮಿನ್ಪುರದ ನಿವಾಸದಲ್ಲಿ ವಾಸಿಸುತ್ತಿದ್ದ ಮನೆಯ ಕೆಲಸದವರಿಗೂ ಕೊವೀಡ್​ ಪಾಸಿಟಿವ್​ ವರದಿ ಬಂದಿದೆ. ಅವರೆಲ್ಲರೂ ಖಾಸಗಿ ನರ್ಸಿಂಗ್​ ಹೋಮ್​ನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ಅಧಿಕಾರಿ ಹೇಳಿದ್ದಾರೆ.

ಮಾಜಿ ರಣಜಿ ಕ್ರಿಕೆಟಿಗರಾಗಿರುವ ಸ್ನೇಹಶಿಶ್​ ಅವರಿಗೆ ಕೋವಿಡ್​ ಪರೀಕ್ಷೆಯಲ್ಲಿ ನಕಾರಾತ್ಮಕ ವರದಿ ಬಂದಿದೆ. ಅವರಿಗೆ ಮನೆಯಲ್ಲೇ ಪ್ರತ್ಯೇಕವಾಗಿರಲು ಸೂಚಿಸಲಾಗಿದೆ ಎಂದು ಹಿರಿಯ ಅಧಿಕಾರಿ ತಿಳಿಸಿದ್ದಾರೆ.

"ನಾಲ್ವರಿಗೂ ಕೋವಿಡ್​ 19 ಕೆಲವು ಲಕ್ಷಣಗಳು ಕಂಡು ಬಂದಿದ್ದರಿಂದ ಅವರು ತಮ್ಮ ಸಮಸ್ಯೆಗಳ ಬಗ್ಗೆ ಹೇಳಿಕೊಂಡಿದ್ದರು. ಅವರು ಗಂಗೂಲಿ ಅವರು ಪೂರ್ವಜರು ವಾಸಿಸುವ ಮನೆಯಲ್ಲಿ ಇರಲಿಲ್ಲ, ಬೇರೊಂದು ನಿವಾಸದಲ್ಲಿದ್ದರು. ಪಾಸಿಟಿವ್ ವರದಿ ಬಂದ ನಂತರ ನಾಲ್ವರನ್ನು ಖಾಸಗಿ ನರ್ಸಿಂಗ್ ಹೋಮ್​ಗೆ ಸ್ಥಳಾಂತರಿಸಲಾಯಿತು" ಎಂದು ಇಲಾಖೆಯ ಹಿರಿಯ ಅಧಿಕಾರಿ ಮಾಹಿತಿ ನೀಡಿದ್ದಾರೆ.

ಎಲ್ಲರಿಗೂ ಚಿಕಿತ್ಸೆ ನೀಡುವ ಮುನ್ನ ಶನಿವಾರ ಮತ್ತೊಂದು ಸುತ್ತಿನ ಪರೀಕ್ಷೆ ನಡೆಸಲಾಗುವುದು ಎಂದು ನರ್ಸಿಂಗ್​ ಹೋಮ್​ ಮೂಲದಿಂದ ತಿಳಿದು ಬಂದಿದೆ.