ಮುಂಬೈ: ನ್ಯೂಜಿಲ್ಯಾಂಡ್ ವಿರುದ್ಧದ ಏಕದಿನ ಕ್ರಿಕೆಟ್ ಸರಣಿಯಲ್ಲಿ ಟೀಂ ಇಂಡಿಯಾ ಕ್ಲೀನ್ ಸ್ವೀಪ್ ಮುಖಭಂಗ ಅನುಭವಿಸಿದ್ದು, ಮೂರು ಪಂದ್ಯಗಳ ಕ್ರಿಕೆಟ್ ಸರಣಿಯಲ್ಲಿ 3-0 ಅಂತರದಿಂದ ಸರಣಿ ಕೈಚೆಲ್ಲಿ ಮುಖಭಂಗ ಅನುಭವಿಸಿದೆ. ಬ್ಯಾಟಿಂಗ್,ಬೌಲಿಂಗ್ನಲ್ಲಿ ಹೀನಾಯ ಪ್ರದರ್ಶನ ನೀಡಿರುವ ಟೀಂ ಇಂಡಿಯಾ ಕಳಪೆ ಸಾಧನೆ ನಿರ್ಮಿಸಿರುವುದು ಸುಳ್ಳಲ್ಲ.
ಶ್ರೇಯಸ್+ರಾಹುಲ್ ಹೊಡೆದ ರನ್ 421, ಉಳಿದೆಲ್ಲ ಬ್ಯಾಟ್ಸ್ಮನ್ ಸೇರಿ ಹೊಡೆದಿದ್ದು ___ಇಷ್ಟು!
ನ್ಯೂಜಿಲ್ಯಾಂಡ್ ವಿರುದ್ಧದ ಏಕದಿನ ಸರಣಿಯಲ್ಲಿ ಟೀಂ ಇಂಡಿಯಾ ಸರಣಿ ವೈಟ್ವಾಶ್ ಮುಖಭಂಗ ಅನುಭವಿಸಿದ್ದು, ಇದರ ಮಧ್ಯೆ ಮಧ್ಯಮ ಕ್ರಮಾಂಕದ ಬ್ಯಾಟ್ಸ್ಮನ್ ಕೆಎಲ್ ರಾಹುಲ್+ಶ್ರೇಯಸ್ ಅಯ್ಯರ್ ಜೋಡಿ ಎಲ್ಲರ ಮನಗೆದ್ದಿದೆ.
ಶ್ರೇಯಸ್+ರಾಹುಲ್ ಜೋಡಿ
ಇದರ ಮಧ್ಯೆ ಟೀ ಇಂಡಿಯಾ ತಂಡದ ಮಧ್ಯಮ ಕ್ರಮಾಂಕದ ಬ್ಯಾಟ್ಸ್ಮನ್ಗಳಾದ ಕೆಎಲ್ ರಾಹುಲ್ ಹಾಗೂ ಶ್ರೇಯಸ್ ಅಯ್ಯರ್ ಜತೆ ಸೇರಿ 421ರನ್ಗಳಿಕೆ ಮಾಡಿದರೆ, ಉಳಿದ ಪ್ಲೇಯರ್ಸ್ 423 ರನ್ಗಳಿಕೆ ಮಾಡಿದ್ದಾರೆ. ಮೂರು ಏಕದಿನ ಪಂದ್ಯಗಳಿಂದ ಶ್ರೇಯಸ್ ಅಯ್ಯರ್ ಅತಿ ಹೆಚ್ಚು ರನ್ಗಳಿಕೆ ಮಾಡಿದ್ರೆ, ರಾಹುಲ್ ರನ್ಗಳಿಕೆಯಲ್ಲಿ ಎರಡನೇ ಸ್ಥಾನದಲ್ಲಿದ್ದಾರೆ.
ಉಳಿದಂತೆ ಮಯಾಂಕ್, ಪೃಥ್ವಿ ಶಾ, ಕೊಹ್ಲಿ, ಕೇದಾರ್ ಜಾಧವ್ ಪ್ರಮುಖ ಬ್ಯಾಟ್ಸ್ಮನ್ ಸೇರಿ 423ರನ್ಗಳಿಕೆ ಮಾಡಿದ್ದಾರೆ. ಮೂರು ಏಕದಿನ ಪಂದ್ಯಗಳಿಂದ ಅಯ್ಯರ್ 103, 52, 62ರನ್ಗಳಿಕೆ ಮಾಡಿದ್ರೆ, ಕೊನೆ ಪಂದ್ಯದಲ್ಲಿ ರಾಹುಲ್ ಭರ್ಜರಿ ಶತಕ ಸಿಡಿಸಿ ಮಿಂಚಿದ್ದಾರೆ. ಇನ್ನು ಅದ್ಭುತವಾಗಿ ಬ್ಯಾಟಿಂಗ್ ಬೀಸುತ್ತಿರುವ ಮತ್ತೋರ್ವ ಕನ್ನಡಿಗ ಮನೀಷ್ ಪಾಂಡೆ ಅನೇಕ ಪಂದ್ಯಗಳಲ್ಲಿ ಹೊರಗೆ ಉಳಿದು ಕೇವಲ ಬೆಂಚ್ ಕಾಯ್ತಿದ್ದಾರೆ.