ದುಬೈ :ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧದ ಪಂದ್ಯದಲ್ಲಿ ಸೋಲುಂಡಿರುವ ಸನ್ರೈಸರ್ಸ್ ಹೈದರಾಬಾದ್ ತಂಡಕ್ಕೆ ಮತ್ತೊಂದು ಆಘಾತ ಎದುರಾಗಿದೆ. ನಿನ್ನೆಯ ಪಂದ್ಯದ ವೇಳೆ ಹಿಮ್ಮಡಿ ಗಾಯಕ್ಕೆ ತುತ್ತಾಗಿರುವ ಆಸ್ಟ್ರೇಲಿಯಾದ ಆಲ್ರೌಂಡರ್ ಮಿಚೆಲ್ ಮಾರ್ಷ್ ಪ್ರಸಕ್ತ ಆವೃತ್ತಿಯಿಂದಲೇ ಹೊರ ಬೀಳುವ ಸಾಧ್ಯತೆ ಇದೆ ಎನ್ನಲಾಗುತ್ತಿದೆ.
ಸೋಲಿನ ಬೆನ್ನಲ್ಲೇ ಹೈದರಾಬಾದ್ಗೆ ಮತ್ತೊಂದು ಆಘಾತ.. ಸ್ಟಾರ್ ಆಲ್ರೌಂಡರ್ ಟೂರ್ನಿಯಿಂದ್ಲೇ ಔಟ್!?
ಆಲ್ರೌಂಡರ್ ಆಗಿರುವ ಅವರ ಸ್ಥಾನಕ್ಕೆ 2016ರಲ್ಲಿ ಕಪ್ ಗೆಲ್ಲಲು ನೆರವಾಗಿದ್ದ ಬೆನ್ ಕಟಿಂಗ್ ಅವರನ್ನು ಕರೆತರಬೇಕೆಂದು ಅಭಿಮಾನಿಗಳು ಕೇಳಿಕೊಳ್ಳುತ್ತಿದ್ದಾರೆ. ಕೆಲವರು ಇಂಗ್ಲೆಂಡ್ನ ಡೇವಿಡ್ ವಿಲ್ಲೀ ಹಾಗೂ ಆಸ್ಟ್ರೇಲಿಯಾದ ಹಿರಿಯ ಆಲ್ರೌಂಡರ್ ಡೇನಿಯಲ್ ಕ್ರಿಶ್ಚಿಯನ್ ಹೆಸರನ್ನು ಸೂಚಿಸುತ್ತಿದ್ದಾರೆ..
ಮಿಚೆಲ್ ಮಾರ್ಶ್
ಸೋಮವಾರ ಆರ್‌ಸಿಬಿ ವಿರುದ್ಧದ ಪಂದ್ಯದಲ್ಲಿ 5ನೇ ಓವರ್ ಎಸೆಯಲು ಬಂದಿದ್ದ ಮಿಚೆಲ್ ಮಾರ್ಶ್ ಬೌಲಿಂಗ್ ವೇಳೆ ಪಿಚ್ಮೇಲೆ ಜಾರಿ ಬಿದ್ದಿದ್ದರು. ಅವರು ಕೇವಲ 4 ಎಸೆತಗಳನ್ನಷ್ಟೇ ಎಸೆದಿದ್ದರು. ನಂತರ ಮೈದಾನದಿಂದ ಹೊರ ಹೋಗಿದ್ದ ಅವರು 10ನೇ ಬ್ಯಾಟ್ಸ್ಮನ್ ಆಗಿ ಬ್ಯಾಟಿಂಗ್‌ಗೆ ಮರಳಿದ್ರೂ ಯಾವುದೇ ರನ್ಗಳಿಸಲಾಗದೆ ಶೂನ್ಯಕ್ಕೆ ವಿಕೆಟ್ ಒಪ್ಪಿಸಿದ್ದರು. ಇದೀಗ ಟೂರ್ನಿಯಿಲ್ಲಿ ಮಾರ್ಷ್ ಕಾಣಿಸಿಕೊಳ್ಳುವುದು ಅನುಮಾನ ಎಂದು ಪಿಟಿಐ ವರದಿ ಮಾಡಿದೆ.
"ಮಿಚೆಲ್ ಮಾರ್ಶ್ ಅವರ ಗಾಯ ಗಂಭೀರವಾಗಿದೆ ಎಂದು ಕಾಣುತ್ತಿದೆ. ಅವರು ಯಾವುದೇ ಪಂದ್ಯವನ್ನು ಆಡಲಿದ್ದಾರೆ ಎಂಬುದರ ಬಗ್ಗೆ ನಮಗೆ ಖಾತ್ರಿಯಿಲ್ಲ" ಎಂದು ತಂಡದ ಮೂಲಗಳು ಪಿಟಿಐಗೆ ತಿಳಿಸಿವೆ. ಆಲ್ರೌಂಡರ್ ಆಗಿರುವ ಅವರ ಸ್ಥಾನಕ್ಕೆ 2016ರಲ್ಲಿ ಕಪ್ ಗೆಲ್ಲಲು ನೆರವಾಗಿದ್ದ ಬೆನ್ ಕಟಿಂಗ್ ಅವರನ್ನು ಕರೆತರಬೇಕೆಂದು ಅಭಿಮಾನಿಗಳು ಕೇಳಿಕೊಳ್ಳುತ್ತಿದ್ದಾರೆ. ಕೆಲವರು ಇಂಗ್ಲೆಂಡ್ನ ಡೇವಿಡ್ ವಿಲ್ಲೀ ಹಾಗೂ ಆಸ್ಟ್ರೇಲಿಯಾದ ಹಿರಿಯ ಆಲ್ರೌಂಡರ್ ಡೇನಿಯಲ್ ಕ್ರಿಶ್ಚಿಯನ್ ಹೆಸರನ್ನು ಸೂಚಿಸುತ್ತಿದ್ದಾರೆ.