ಮಯಾಂಕ್​ ಅಗರ್​ವಾಲ್ ಅವ​ರನ್ನು ಟ್ರೋಲ್​ ಮಾಡಿದ ಕೊಹ್ಲಿ, ಇಶಾಂತ್​ ಶರ್ಮಾ

ಸಚಿನ್​​, ಯುವರಾಜ್​ ಸಿಂಗ್​ ಕೂಡ ಕೆಲವು ಟಾಸ್ಕ್​ಗಳನ್ನು ಚಾಲೆಂಜಿಂಗ್​ ಅಗಿ ತೆಗೆದುಕೊಂಡಿದ್ದಲ್ಲದೆ, ಯಶಸ್ವಿಯಾಗಿ ಪೂರೈಸಿ ತಮ್ಮ ಸಾಮಾಜಿಕ ಜಾಲತಾಣದ ಖಾತೆಗಳಲ್ಲಿ ಹಂಚಿಕೊಂಡಿದ್ದರು. ನಂತರ ಹಾರ್ದಿಕ್ ಪಾಂಡ್ಯ-ಕೊಹ್ಲಿ ಕೂಡ ಜಿಮ್​ನಲ್ಲಿ ಪುಶ್ ​ಅಪ್​ ಚಾಲೆಂಜ್​ ನಡೆಸಿದ್ದರು.

ನವದೆಹಲಿ: ಕೊರೊನಾ ಲಾಕ್​ಡೌನ್​ನಿಂದ ಕ್ರಿಕೆಟ್​ ಸ್ಥಗಿತಗೊಂಡಿರುವ ಕಾರಣ ಕ್ರಿಕೆಟಿಗರು ಸಮಯ ಕಳೆಯಲು ಸಾಮಾಜಿಕ ಮಾಧ್ಯಮದ ಮೊರೆ ಹೋಗಿದ್ದಾರೆ. ಇದೇ ಸಂದರ್ಭದಲ್ಲಿ ಕೆಲವು ಸವಾಲುಗಳನ್ನು ಒಬ್ಬರಿಗೊಬ್ಬರು ನೀಡುತ್ತಾ ಅಭಿಮಾನಿಗಳನ್ನು ರಂಜಿಸುತ್ತಿದ್ದಾರೆ.

ಮಯಾಂಕ್​ ಅಗರ್​ವಾಲ್​ ವರ್ಕ್‌ಔಟ್‌

ಕ್ರಿಕೆಟಿಗ ಮಯಾಂಕ್​ ಅಗರ್​ವಾಲ್​ ಜಿಮ್​ನಲ್ಲಿ ತಲೆಕೆಳಗಾಗಿ ನೇತಾಡುವ ವಿಡಿಯೋವನ್ನು ತಮ್ಮ ಇನ್ಸ್ಟಾಗ್ರಾಮ್​ ಖಾತೆಯಲ್ಲಿ ಶೇರ್​ ಮಾಡಿಕೊಂಡಿದ್ದರು. ಈ ವರ್ಕೌಟ್​ ನೋಡಿ ಭಾರತೀಯ ಅಭಿಮಾನಿಗಳು ಅಗರ್​ವಾಲ್​ ಅವರ ಕ್ಷಮತೆಗೆ ಫಿದಾ ಆಗಿದ್ದರು.

ಆದರೆ ಭಾರತ ತಂಡದ ನಾಯಕ ವಿರಾಟ್​​ ಕೊಹ್ಲಿ ಹಾಗೂ ವೇಗಿ ಇಶಾಂತ್​ ಶರ್ಮಾ ಮಯಾಂಕ್​ ಅವರನ್ನು ಟ್ರೋಲ್​ ಮಾಡಿದ್ದಾರೆ. 'ಏನಾಗಿದೆ ಭಾಯ್‌, ನನ್ನ ಪ್ರಕಾರ ಲಾಕ್​ಡೌನ್ ಜನರ​ ಸಂಯಮದ ಮಿತಿಯನ್ನು ಮೀರಿಸಿದೆ' ಎಂದು ಬರೆದುಕೊಂಡಿದ್ದಾರೆ.

ಇಶಾಂತ್ ಪ್ರತಿಕ್ರಿಯಿಸುತ್ತಾ,​ 'ಪ್ರಪಂಚ ಉಲ್ಟಾ ಕಾಣಿಸುತ್ತಿದೆಯಾ ಅಥವಾ ಸರಿಯಾಗಿ ಕಾಣಿಸುತ್ತಿದೆಯಾ' ಎಂದು ಕಾಲೆಳೆದಿದ್ದಾರೆ.