ಸೌತ್ ಆ್ಯಮ್ಟನ್: ಜೋಸ್ ಬಟ್ಲರ್(110) ಅಬ್ಬರದ ಶತಕದ ನೆರವಿನಿಂದ ಪಾಕಿಸ್ತಾನ ವಿರುದ್ಧ ಇಂಗ್ಲೆಂಡ್ 12 ರನ್ಗಳ ರೋಚಕ ಜಯ ಸಾಧಿಸಿ ಸರಣಿಯಲ್ಲಿ 1-0ಯಲ್ಲಿ ಮುನ್ನಡೆ ಸಾಧಿಸಿದೆ.
ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಇಂಗ್ಲೆಂಡ್ಗೆ ಆರಂಭಿಕರಾದ ಜಾಸನ್ ರಾಯ್ 87, ಬ್ಯಾರ್ಸ್ಟೋವ್ 51 ರನ್ಗಳಿಸಿ ಉತ್ತಮ ಆರಂಭ ಒದಗಿಸಿದರು. ಇವರಿಬ್ಬರ ನಂತರ ಬಂದ ಜೋ ರೂಟ್ 40 ರನ್ಗಳಿಸಿ ಔಟಾದರು. ನಂತರ ಒಂದಾದನಾಯಕ ಇಯಾನ್ ಮಾರ್ಗನ್ 48 ಎಸೆತಗಳಲ್ಲಿ 6ಬೌಂಡರಿ ಒಂದು ಸಿಕ್ಸರ್ ಸೇರಿದಂತೆ ಔಟಾಗದೆ 71, ಹಾಗೂ ವಿಕೆಟ್ ಕೀಪರ್ ಜೋಸ್ ಬಟ್ಲರ್ 55 ಎಸೆತಗಳಲ್ಲಿ 6 ಬೌಂಡರಿ ಹಾಗೂ 9 ಸಿಕ್ಸರ್ ಸಹಿತ 110ರನ್ ಸಿಡಿಸಿ 373 ರನ್ಗಳ ಬೃಹತ್ ಮೊತ್ತ ದಾಖಲಿಸಲು ನೆರವಾದರು.
ಪಾಕ್ ಪರ ಶಾಹೀನ್ ಆಫ್ರಿದಿ, ಹಸನ್ ಅಲಿ, ಯಾಸಿರ್ ಶಾ ತಲಾ ಒಂದು ವಿಕೆಟ್ ಪಡೆದರು.
374 ರನ್ಗಳ ಗುರಿ ಬೆನ್ನೆಟ್ಟಿದ ಪಾಕ್ ಕೂಡ ಉತ್ತಮ ಪೈಪೋಟಿ ನಡೆಸಿತು. ಆರಂಭಿಕರಾದ ಇಮಾಮ್ ಉಲ್ ಹಕ್ 35, ಫಾಖರ್ ಜಮಾನ್ 138 ರನ್ಗಳಿಸಿದರೆ , ಬಾಬರ್ ಅಜಾಮ್ 51, ಆಸಿಫ್ ಅಲಿ 51 ಸರ್ಫರಾಜ್ ಅಹ್ಮದ್ 41 ರನ್ಗಳಿಸಿ ಗೆಲುವಿಗಾಗಿ ಪ್ರತಿರೋಧ ತೋರಿದರು. ಆದರೆ ಪಾಕ್ ತಂಡ 50 ಓವರ್ಗಳಲ್ಲಿ 361 ರನ್ಗಳಿಸಲಷ್ಟೇ ಶಕ್ತವಾಗಿ 12 ರನ್ಗಳಿಂದ ರೋಚಕ ಸೋಲನುಭವಿಸಿತು.
ಭರ್ಜರಿ ಬ್ಯಾಟಿಂಗ್ ನಡೆಸಿದ ಫಾಖರ್ ಜಮಾನ್ 104 ಎಸೆತಗಳಲ್ಲಿ 138 ರನ್ಗಳಿಸಿದರು. ಇವರ ಇನಿಂಗ್ಸ್ನಲ್ಲಿ 4 ಸಿಕ್ಸರ್,12 ಬೌಂಡರಿಗಳಿದ್ದವು. ಕೊನೆಯಲ್ಲಿ ಅಬ್ಬರಿಸಿದ ಆಸಿಫ್ ಅಲಿ 36 ಎಸೆತಗಳಲ್ಲಿ 4 ಸಿಕ್ಸರ್,2 ಬೌಂಡರಿ ಸಿಡಿಸಿ ತಂಡವನ್ನು ಗೆಲುವಿನ ಸನಿಹ ತಂದರೂ, ಗೆಲುವಿನ ಗಡಿ ದಾಟುವಲ್ಲಿ ವಿಫಲರಾದರು.
ಇಂಗ್ಲೆಂಡ್ ಪರ ಉತ್ತಮ ಬೌಲಿಂಗ್ ಪ್ರದರ್ಶನ ತೋರಿದ 2 ವಿಕೆಟ್ ಪಡೆದರು. ಕ್ರಿಸ್ ವೋಕ್ಸ್ 1,ಆದಿಲ್ ರಶೀದ್ 1, ಲೈಮ್ ಪ್ಲಂಕೇಟ್ 2, ಮೊಯಿನ್ ಅಲಿ 1 ವಿಕೆಟ್ ಪಡೆದರೂ ದಾರಾಳವಾಗಿ ರನ್ ಬಿಟ್ಟಕೊಟ್ಟು ದುಬಾರಿಯಾದರು.