ರಾಜಸ್ಥಾನ​ ರಾಯಲ್ಸ್​ ತಂಡದ ಫೀಲ್ಡಿಂಗ್​ ಕೋಚ್​ಗೆ ಕೊರೊನಾ

ತಮಗೆ ಕೋವಿಡ್ ಪಾಸಿಟಿವ್​ ಬಂದಿರುವ ವಿಚಾರವನ್ನು ಟ್ವಿಟರ್​ ಮೂಲಕ ಬಹಿರಂಗಪಡಿಸಿರುವ ದಿಶಾಂತ್,​ ತಮ್ಮ ಜೊತೆ ಸಂಪರ್ಕದಲ್ಲಿದ್ದವರಿಗೂ ಪರೀಕ್ಷೆ ಮಾಡಿಸಿಕೊಳ್ಳುವಂತೆ ಮನವಿ ಮಾಡಿದ್ದಾರೆ.

ನವದೆಹಲಿ: ರಾಜಸ್ಥಾನ​ ರಾಯಲ್ಸ್ ತಂಡದ​ ಫೀಲ್ಡಿಂಗ್ ಕೋಚ್​ ದಿಶಾಂತ್​ ಯಗ್ನಿಕ್​ಗೆ ಕೊರೊನಾ ತಗುಲಿದೆ.

ತಮಗೆ ಕೋವಿಡ್​ ಪಾಸಿಟಿವ್​ ಬಂದಿರುವ ವಿಚಾರವನ್ನು ಟ್ವಿಟರ್​ ಮೂಲಕ ಬಹಿರಂಗಪಡಿಸಿರುವ ದಿಶಾಂತ್,​ ತಮ್ಮ ಜೊತೆ ಸಂಪರ್ಕದಲ್ಲಿದ್ದವರಿಗೂ ಪರೀಕ್ಷೆ ಮಾಡಿಸಿಕೊಳ್ಳುವಂತೆ ಮನವಿ ಮಾಡಿದ್ದಾರೆ.

"ನನಗೆ ಕೋವಿಡ್​ ಟೆಸ್ಟ್​ನಲ್ಲಿ ಪಾಸಿಟಿವ್​ ವರದಿ ಬಂದಿದೆ. ದಯವಿಟ್ಟು ಕಳೆದ 10 ದಿನಗಳಲ್ಲಿ ನನ್ನ ಜೊತೆಯಲ್ಲಿ ಸಂಪರ್ಕಕ್ಕೊಳಗಾಗಿರುವ ಎಲ್ಲರೂ ಕೋವಿಡ್​ ಟೆಸ್ಟ್​ ಮಾಡಿಸಿ. ಬಿಸಿಸಿಐ ಪ್ರೋಟೋಕಾಲ್​ಗಳ ಪ್ರಕಾರ ನಾನು 14 ದಿನಗಳ ಕಾಲ ಕ್ವಾರಂಟೈನ್​ನಲ್ಲಿರಲಿದ್ದೇನೆ. ಯುಎಇಗೆ ತೆರಳುವ ರಾಜಸ್ಥಾನ ರಾಯಲ್ಸ್​ ತಂಡವನ್ನು ಸೇರಿಕೊಳ್ಳಬೇಕಾದರೆ ನಾನು 2 ಕೋವಿಡ್​ ಪರೀಕ್ಷೆಯಲ್ಲಿ ನೆಗೆಟಿವ್​ ಫಲಿತಾಂಶ ಪಡೆಯಬೇಕಿದೆ. ನಿಮ್ಮ ಶುಭಾಶಯ ಮತ್ತು ಆಶೀರ್ವಾದಕ್ಕೆ ಧನ್ಯವಾದಗಳು" ಎಂದು ದಿಶಾಂತ್​ ಟ್ವೀಟ್​ ಮಾಡಿದ್ದಾರೆ.

ಪ್ರೋಟೋಕಾಲ್​ಗಳ ಪ್ರಕಾರ ದಿಶಾಂತ್​ ಯಗ್ನಿಕ್​ 14 ದಿನಗಳ ಕಾಲ ಸ್ವಯಂ ಕ್ವಾರಂಟೈನಲ್ಲಿರಬೇಕು. ಮತ್ತು ಎರಡು ಕೋವಿಡ್​ ಟೆಸ್ಟ್​ಗಳಲ್ಲಿ ನೆಗೆಟಿವ್​ ಫಲಿತಾಂಶ ಪಡೆದರೆ ಮಾತ್ರ ಅವರು ಯುಎಇಗೆ ತೆರಳಲು ಅರ್ಹರಾಗಲಿದ್ದಾರೆ.