2ನೇ ಇನ್ನಿಂಗ್ಸ್​ನಲ್ಲಿ ಡಿಕ್ಲೇರ್​ ಘೋಷಿಸದಿರಲು ರಿಷಭ್ ಪಂತ್ ಭೀತಿ ಕಾರಣ: ಜೋ ರೂಟ್​

ಎಂಎ ಚಿದಂಬರಂ ಕ್ರೀಡಾಂಗಣದಲ್ಲಿ ನಡೆದ ಮೊದಲ ಟೆಸ್ಟ್​ ಪಂದ್ಯದಲ್ಲಿ ಭಾರತವನ್ನು 227 ರನ್​ಗಳಿಂದ ಮಣಿಸಿದೆ. ಜೇಮ್ಸ್​ ಆ್ಯಂಡರ್ಸನ್ ಮತ್ತು ಜ್ಯಾಕ್​ ಲೀಚ್​ ಅವರ ಅದ್ಭುತ ಬೌಲಿಂಗ್ ದಾಳಿಯ ನೆರವಿನಿಂದ ಭಾರತವನ್ನು 192 ರನ್​ಗಳಿಗೆ ಆಲೌಟ್ ಮಾಡಿ ದಿಗ್ವಿಜಯ ಸಾಧಿಸಿದೆ.

ಚೆನ್ನೈ: ರಿಷಭ್ ಪಂತ್ ನಮಗೆ ಬಹುದೊಡ್ಡ ಸವಾಲಾಗಿದ್ದ ಕಾರಣ ಎರಡನೇ ಇನ್ನಿಂಗ್ಸ್​ನಲ್ಲಿ 400ಕ್ಕೂ ಹೆಚ್ಚು ರನ್​ ಮುನ್ನಡೆ ಸಾಧಿಸಿದರೂ ಡಿಕ್ಲೇರ್ ಘೋಷಿಸಲಿಲ್ಲ ಎಂದು ಇಂಗ್ಲೆಂಡ್ ತಂಡದ ನಾಯಕ ಜೋ ರೂಟ್​ ಒಪ್ಪಿಕೊಂಡಿದ್ದಾರೆ.

ಎಂಎ ಚಿದಂಬರಂ ಕ್ರೀಡಾಂಗಣದಲ್ಲಿ ನಡೆದ ಮೊದಲ ಟೆಸ್ಟ್​ ಪಂದ್ಯದಲ್ಲಿ ಭಾರತವನ್ನು 227 ರನ್​ಗಳಿಂದ ಮಣಿಸಿದೆ. ಜೇಮ್ಸ್​ ಆ್ಯಂಡರ್ಸನ್ ಮತ್ತು ಜ್ಯಾಕ್​ ಲೀಚ್​ ಅವರ ಅದ್ಭುತ ಬೌಲಿಂಗ್ ದಾಳಿಯ ನೆರವಿನಿಂದ ಭಾರತವನ್ನು 192 ರನ್​ಗಳಿಗೆ ಆಲೌಟ್ ಮಾಡಿ ದಿಗ್ವಿಜಯ ಸಾಧಿಸಿದೆ.

" ನಾವು ಮೊದಲೇ ಡಿಕ್ಲೇರ್ ಘೋಷಿಸಬಹುದಿತ್ತು. ಖಚಿತವಾಗಿ ನಾವು ಅದಕ್ಕೆ ಸಾಕಷ್ಟು ರನ್​ ಹೊಂದಿದ್ದೆವು. ಆದರೆ, ನಾನು ಈ ಪಂದ್ಯದಲ್ಲಿ ಸ್ಪಷ್ಟ ಫಲಿತಾಂಶವನ್ನು ಪಡೆಯಬೇಕೆಂದು ಬಯಸಿದ್ದೆ. ಜೊತೆಗೆ ನಮ್ಮ ಬೌಲರ್​ಗಳಿಗೆ ಮತ್ತಷ್ಟು ಸಮಯವನ್ನು ಒದಗಿಸಿಕೊಡಲು ಬಯಸಿದ್ದೆ. ಹಾಗಾಗಿ 400ರನ್​ ದಾಟುತ್ತಲೇ ಸ್ಕೋರ್​ ಗತಿಯನ್ನು ಹೆಚ್ಚಿಸಲು ವೇಗವಾಗಿ ಬ್ಯಾಟಿಂಗ್​ ಮಾಡಲು ನಿರ್ದರಿಸಿದ್ದೆವು" ಎಂದು ವರ್ಚುಯಲ್​ ಸುದ್ದಿಗೋಷ್ಠಿಯಲ್ಲಿ ರೂಟ್ ತಿಳಿಸಿದ್ದಾರೆ.

ಜೊತೆಗೆ ರಿಷಭ್ ಪಂತ್ ಒಂದು ಸೆಷನ್ ಬ್ಯಾಟಿಂಗ್ ಮಾಡಿದರೆ, ಪಂದ್ಯದ ಗತಿಯನ್ನ ಆಸಕ್ತಿದಾಯಕವಾಗಿ ಬದಲಾಯಿಸಬಲ್ಲರು. ಅದಕ್ಕಾಗಿ ನಮ್ಮ ಬೌಲರ್​ಗಳು ಒತ್ತಡಕ್ಕೆ ಒಳಗಾಗುವುದನ್ನು ನಾನು ಕಾಣಲು ಬಯಸಲಿಲ್ಲ. ಈ ಕಾರಣಕ್ಕೆ ನಾವು ಡಿಕ್ಲೇರ್ ಘೋಷಿಸಲಿಲ್ಲ ಎಂದು ರೂಟ್​ ತಿಳಿಸಿದ್ದಾರೆ.

ಅಲ್ಲದೆ ಹೆಚ್ಚುರನ್​ ಕಲೆ ಹಾಕಿದರೆ, ಬೌಲರ್​ಗಳು ಸುಲಭವಾಗಿ ಬೌಲಿಂಗ್​ ಮಾಡಿ ವಿಕೆಟ್​ ಪಡೆಯುವ ಮಾರ್ಗಗಳತ್ತಾ ಹೆಚ್ಚು ಗಮನ ಹರಿಸುತ್ತಾರೆ ಎಂಬುವುದು ನನ್ನ ಉದ್ದೇಶವಾಗಿತ್ತು. ನಾವು ಎದುರಾಳಿಯ 10 ವಿಕೆಟ್​ಗಳನ್ನು ಪಡೆಯಲು ಅವಕಾಶಗಳನ್ನು ಸೃಷ್ಟಿಸಲು ಬಯಸಬೇಕಿತ್ತು. ಇದಕ್ಕಾಗಿ ಶಿಸ್ತುಬದ್ಧ ಬೌಲಿಂಗ್ ಮಾಡುವುದು ಹಾಗೂ ಸಿಕ್ಕ ಅವಕಾಶಗಳನ್ನು ತೆಗೆದುಕೊಳ್ಳಬೇಕೆಂಬುದು ನನ್ನ ಆಲೋಚನೆಯಾಗಿತ್ತು. ಹಾಗಾಗಿ ಡಿಕ್ಲೇರ್​ ಘೋಷಿಸಲಿಲ್ಲ. ಆದರೂ ಪಂದ್ಯದಲ್ಲಿ ಸುಲಭ ಜಯ ಸಾಧಿಸಿರುವುದು ಖುಷಿ ತಂದಿದೆ ಎಂದು ತಿಳಿಸಿದ್ದಾರೆ.

ಇದನ್ನು ಓದಿ:ನಾಯಕನಾಗಿ ಇಂಗ್ಲೆಂಡ್​ ಪರ ಹೆಚ್ಚು ಪಂದ್ಯಗಳನ್ನು ಗೆದ್ದ ದಾಖಲೆಗೆ ಪಾತ್ರರಾದ ಜೋ ರೂಟ್​