ಬೆಂಗಳೂರು:ಕರ್ನಾಟಕ ಪ್ರೀಮಿಯರ್ ಲೀಗ್ನಲ್ಲಿ ಬಳ್ಳಾರಿ ಟಸ್ಕರ್ಸ್ ತಂಡದ ಆಲ್ರೌಂಡರ್ ಕೃಷ್ಣಪ್ಪ ಗೌತಮ್ ಒಂದೇ ಪಂದ್ಯದಲ್ಲಿ ಭರ್ಜರಿ ಶತಕ ಹಾಗೂ 8ವಿಕೆಟ್ ಪಡೆದುಕೊಂಡು ಟಿ-20 ಇತಿಹಾಸದಲ್ಲೇ ಹೊಸ ದಾಖಲೆ ಬರೆದಿದ್ದಾರೆ.
ಶತಕ, 8ವಿಕೆಟ್ಕ್ಕಿಂತಲೂ ನನ್ನ ಗರ್ಲ್ಫ್ರೆಂಡ್ ನಕ್ಕಿದ್ದು ತುಂಬಾ ಖುಷಿ ನೀಡ್ತು: ಕೆ.ಗೌತಮ್!
ಕರ್ನಾಟಕ ಪ್ರೀಮಿಯರ್ ಲೀಗ್ನಲ್ಲಿ ಹೊಸ ಇತಿಹಾಸ ಬರೆದಿರುವ ಬಳ್ಳಾರಿ ಟಸ್ಕರ್ಸ್ ತಂಡದ ಆಲ್ರೌಂಡರ್ ಕೃಷ್ಣಪ್ಪ ಗೌತಮ್, ತಮ್ಮ ಶತಕ ಹಾಗೂ 8ವಿಕೆಟ್ ಪಡೆದುಕೊಂಡಿರುವುದಕ್ಕಿಂತಲೂ ಗರ್ಲ್ಫ್ರೆಂಡ್ ನಕ್ಕಿರುವುದು ತುಂಬಾ ಖುಷಿ ನೀಡಿದೆ ಎಂದು ಹೇಳಿದ್ದಾರೆ.
ಕೃಷ್ಣಪ್ಪ ಗೌತಮ್
ಬೆಂಗಳೂರಿನ ಎಂ ಚಿನ್ನಸ್ವಾಮಿ ಮೈದಾನದಲ್ಲಿ ಶಿವಮೊಗ್ಗ ತಂಡದ ವಿರುದ್ಧ ನಡೆದ ಪಂದ್ಯದಲ್ಲಿ 13 ಸಿಕ್ಸರ್, 7 ಬೌಂಡರಿ ಸೇರಿದಂತೆ ಕೇವಲ 39 ಎಸೆತಗಳಲ್ಲಿ ಶತಕ ಸಿಡಿಸಿ ಮಿಂಚಿದ್ದರು. ಜತೆಗೆ 2016ರಲ್ಲಿ ಮಯಾಂಕ್ ಅಗರ್ವಾಲ್ ಸಿಡಿಸಿದ್ದ 119ರನ್ ದಾಖಲೆ ಬ್ರೇಕ್ ಮಾಡಿದ್ದಾರೆ. ಒಟ್ಟು 56 ಎಸೆತಗಳಲ್ಲಿ 13 ಸಿಕ್ಸರ್ ಮತ್ತು 7 ಬೌಂಡರಿಗಳ ನೆರವಿನಿಂದ 134 ರನ್ ಗಳಿಸಿದರು.
ಇದೇ ವಿಷಯವಾಗಿ ಅವರ ಬಳಿ ಕೇಳಿದಾಗ ಈ ಪಂದ್ಯವನ್ನ ನಾನು ಸಾಯುವವರೆಗೂ ಮರೆಯುವುದಿಲ್ಲ. ಪಂದ್ಯದ ವೇಳೆ ನನಗೆ ಸಪೋರ್ಟ್ ಮಾಡಿರುವ ಎಲ್ಲ ಅಭಿಮಾನಿಗಳಿಗೂ ಧನ್ಯವಾದ ಎಂದಿರುವ ಅವರು, ಪಂದ್ಯದಲ್ಲಿ ಶತಕ ಸಿಡಿಸಿರುವುದು ಹಾಗೂ 8ವಿಕೆಟ್ ಪಡೆದುಕೊಂಡಿರುವುದಕ್ಕಿಂತಲೂ ನನ್ನ ಗರ್ಲ್ಫ್ರೆಂಡ್ ನಗು ನೋಡಿ ತುಂಬಾ ಖುಷಿ ಆಯಿತು ಎಂದು ತಿಳಿಸಿದ್ದಾರೆ.