ಮುಂಬೈ: ಕ್ರಿಕೆಟ್ ಕ್ರೀಡಾ ಜಗತ್ತಿನಲ್ಲಿ ಜಂಟಲ್ಮ್ಯಾನ್ ಗೇಮ್ ಎಂದು ಕರೆಸಿಕೊಂಡಿದೆ. ವಯಸ್ಸಿನ ಮಿತಿಯಿಲ್ಲದೇ ಕೋಟ್ಯಂತರ ಮಂದಿ ಅಭಿಮಾನಿಗಳಲ್ಲಿ ತನ್ನತ್ತಾ ಆಕರ್ಷಿಸಿಕೊಂಡಿರುವ ಕ್ರಿಕೆಟ್ ವಿಕಲಚೇತನರನ್ನೂ ಬಿಟ್ಟಿಲ್ಲ ಎಂಬುವುದಕ್ಕೆ ಕ್ರಿಕೆಟ್ ದೇವರು ಶೇರ್ ಮಾಡಿಕೊಂಡಿರುವ ವಿಡಿಯೋ ಸಾಕ್ಷಿಯಾಗಿದೆ.
ಎರಡು ಕಾಲು ಸರಿಯಿಲ್ಲದಿದ್ದರೂ ಕ್ರಿಕೆಟ್ ಮೇಲಿನ ಪ್ರೇಮದಿಂದ ತನ್ನ ಸ್ನೇಹಿತರೊಂದಿಗೆ ಮೈದಾನದಲ್ಲಿ ತವಳಿಕೊಂಡೇ ಕ್ರಿಕೆಟ್ ಆಡುತ್ತಿರುವ ಬಾಲಕನ ವಿಡಿಯೋವನ್ನು ಸಚಿನ್ ತೆಂಡೂಲ್ಕರ್ ಟ್ವೀಟ್ ಮಾಡಿದ್ದು, " 2020ಕ್ಕೆ ಕಾಲಿಡಲು ನಿಮಗೆ ಈ ವಿಡಿಯೋ ಸ್ಫೂರ್ತಿಯಾಗಲಿ" ಎಂದು ತಮ್ಮ ಅಭಿಮಾನಿಗಳಿಗೆ ಭಾವನಾತ್ಮಕವಾಗಿ ಹೊಸ ವರ್ಷಕ್ಕೆ ಶುಭಾಶಯ ಕೋರಿದ್ದಾರೆ.