ಕೆಲ ಸಾರಿ ಎಲ್ಲರಿಗೂ ಹಿನ್ನಡೆ ಆಗುತ್ತದೆ : ಸ್ಮಿತ್ ಪರ ವಾರ್ನರ್ ಬ್ಯಾಟಿಂಗ್‌

ಆಟವಾಡುವಾಗ ಈ ಎಸೆತದಲ್ಲಿ ನೀವು ಔಟ್ ಆಗಬೇಕು ಎಂದು ಬರೆದಿದ್ದರೆ, ಖಂಡಿತವಾಗಿಯೂ ಏನೂ ಮಾಡಲು ಸಾಧ್ಯವಿಲ್ಲ. ಯಾವುದೇ ಬ್ಯಾಟ್ಸ್​​ಮನ್​ ಆದರೂ ವಿಕೆಟ್ ಒಪ್ಪಿಸಲೇಬೇಕು..

ಮೆಲ್ಬೋರ್ನ್ :ಕೆಲವೊಂದು ಸಾರಿ ಎಲ್ಲರೂ ಹಿನ್ನಡೆ ಅನುಭವಿಸುತ್ತಾರೆ. ಸ್ಟೀವ್ ಸ್ಮಿತ್ ಕೂಡ ಇದಕ್ಕೆ ಹೊರತಾಗಿಲ್ಲ. 2019ರ ಆ್ಯಶಸ್ ಟೆಸ್ಟ್ ಸರಣಿ ವೇಳೆ ನಾನೂ ಕೂಡ ವೈಫಲ್ಯ ಅನುಭವಿಸಿದ್ದೆ ಎಂದು ಆಸೀಸ್ ಆರಂಭಿಕ ಆಟಗಾರ ಡೇವಿಡ್ ವಾರ್ನರ್ ಹೇಳಿದ್ದಾರೆ.

ಭಾರತದ ವಿರುದ್ಧದ ಸರಣಿಯಲ್ಲಿ ನಾಲ್ಕು ಇನ್ನಿಂಗ್ಸ್​ಗಳಿಂದ ಕೇವಲ 10 ರನ್ ಗಳಿಸಿರುವ ಸ್ಮಿತ್ 2 ಬಾರಿ ಅಶ್ವಿನ್ ಮತ್ತು ಒಂದು ಬಾರಿ ಬುಮ್ರಾಗೆ ವಿಕೆಟ್ ಒಪ್ಪಿಸಿದ್ದರು. ಆದರೆ, ಸ್ಮಿತ್ ಪರ ಬ್ಯಾಟ್ ಬೀಸಿರುವ ವಾರ್ನರ್, ಅವರ ಬ್ಯಾಟಿಂಗ್ ವಿಧಾನದಲ್ಲಿ ಯಾವುದೇ ಕೊರತೆ ಇಲ್ಲ ಎಂದಿದ್ದಾರೆ. ಯಾಕೆಂದರೆ, ಸಿದ್ಧತೆಯ ವಿಷಯದಲ್ಲಿ ಸ್ಮಿತ್ ಒಂದು ಸಣ್ಣ ಅವಕಾಶವನ್ನೂ ಬಿಡುವುದಿಲ್ಲ ಎಂದಿದ್ದಾರೆ.

"ಐಸಿಸಿ ಟೆಸ್ಟ್ ಶ್ರೇಯಾಂಕದಲ್ಲಿ ಸ್ಮಿತ್​ ಅವರನ್ನು ಹಿಂದಿಕ್ಕಿ ವಿಲಿಯಮ್ಸನ್ ಅಗ್ರಸ್ಥಾನ ಪಡೆದಿದ್ದಾರೆ. ಆದರೆ, ಅಂಕಿ-ಅಂಶಗಳನ್ನು ಗಮನಿಸಿದ್ರೆ ಸ್ಮಿತ್ ಉತ್ತಮ ಆಟಗಾರ. ಟೆಸ್ಟ್ ಪಂದ್ಯದಲ್ಲಿ ಈಗಲೂ 60 ರನ್ ಸರಾಸರಿ ಹೊಂದಿದ್ದಾರೆ.

ಕೆಲ ಸಮಯದಲ್ಲಿ ಎಲ್ಲರೂ ಹಿನ್ನಡೆ ಅನುಭವಿಸುತ್ತಾರೆ. ಸ್ಟೀವ್ ಸ್ಮಿತ್ ಇದಕ್ಕೆ ಹೊರತಾಗಿಲ್ಲ. 2019ರ ಆ್ಯಶಸ್ ಟೆಸ್ಟ್ ಸರಣಿ ವೇಳೆ ನಾನೂ ಕೂಡ ವೈಫಲ್ಯ ಅನುಭವಿಸಿದ್ದೆ" ಎಂದು ತಮ್ಮ ಅನುಭವ ಬಿಚ್ಚಿಟ್ಟಿದ್ದಾರೆ.

ಓದಿನಟರಾಜನ್ ಟೆಸ್ಟ್ ತಂಡ ಸೇರಿದ್ದಕ್ಕೆ ವಾರ್ನರ್ ಹರ್ಷ : ತಂಗರಸು ಬಗ್ಗೆ ಆಸೀಸ್ ಆಟಗಾರನ ಮೆಚ್ಚು ಮಾತು

"ಆಟವಾಡುವಾಗ ಈ ಎಸೆತದಲ್ಲಿ ನೀವು ಔಟ್ ಆಗಬೇಕು ಎಂದು ಬರೆದಿದ್ರೆ, ಖಂಡಿತವಾಗಿಯೂ ಏನೂ ಮಾಡಲು ಸಾಧ್ಯವಿಲ್ಲ. ಯಾವುದೇ ಬ್ಯಾಟ್ಸ್​​ಮನ್​ ಆದರೂ ವಿಕೆಟ್ ಒಪ್ಪಿಸಲೇಬೇಕು" ಎಂದು ಹೇಳಿದ್ದಾರೆ.

ಈಗ ನಡೆಯುತ್ತಿರುವ ಸರಣಿಯಲ್ಲಿ ಸ್ಮಿತ್ ವೈಫಲ್ಯಕ್ಕೆ ಅವರ ಸಿದ್ಧತೆ ಕಾರಣವಲ್ಲ. ಯಾಕೆಂದರೆ, ಅವರು ನೆಟ್ ಬಿಟ್ಟು ಹೊರ ಬರುವುದೇ ಇಲ್ಲ. ತಮ್ಮ ಲೋಪಗಳನ್ನು ಸರಪಡಿಸಲಿಕೊಳ್ಳಲು ಅವರು ಯಾವಾಗಲೂ ಪ್ರಯತ್ನಿಸುತ್ತಲೇ ಇರುತ್ತಾರೆ ಎಂದಿದ್ದಾರೆ.