100 ದಿನಕ್ಕಷ್ಟೇ ಕೋಚ್‌.. ಈ ಬೌಲರ್​ಗೆ ನಿತ್ಯ ₹2.5 ಲಕ್ಷ ಸಂಬಳ ಕೊಡುತ್ತಿದೆ ಬಿಸಿಬಿ!

ಭಾರತದ ಮಾಜಿ ಕ್ರಿಕೆಟಿಗ ಸುನೀಲ್ ಜೋಶಿ ಕೋಚಿಂಗ್​ ಅವಧಿ ಮುಗಿದ ಮೇಲೆ ವೆಟೋರಿಯನ್ನು ಅರೆಕಾಲಿಕ ಕೋಚ್​ ಆಗಿ ಆಯ್ಕೆ ಮಾಡಿಕೊಂಡಿದೆ. ಇದೀಗ ನಿತ್ಯ 2.5 ಲಕ್ಷವೇತನ ಪಡೆಯುವ ಮೂಲಕ ಏಷ್ಯಾದಲ್ಲೇ ದುಬಾರಿ ಕೋಚ್​ ಎನಿಸಿಕೊಂಡಿದ್ದಾರೆ.

ಢಾಕಾ:ಬಾಂಗ್ಲಾದೇಶ ಕ್ರಿಕೆಟ್​ ತಂಡಕ್ಕೆ ಸ್ಪಿನ್​ ಬೌಲಿಂಗ್​ ಕೋಚ್​ ಆಗಿರುವ ಕಿವೀಸ್​ನ ಲೆಜೆಂಡ್​ ಸ್ಪಿನ್ನರ್​ ಡೇನಿಯಲ್​ ವೆಟೋರಿ ಬಿಸಿಬಿಯಿಂದ ಪ್ರತಿದಿನ 2.5 ಲಕ್ಷ ವೇತನ ಪಡೆಯಲಿದ್ದು, ಇವರು ಏಷ್ಯಾದ ದುಬಾರಿ ಬೌಲಿಂಗ್​ ಕೋಚ್​ ಎನಿಸಿಕೊಂಡಿದ್ದಾರೆ.

2020ರ ಟಿ20 ವಿಶ್ವಕಪ್​ವರೆಗೆ ಬಾಂಗ್ಲಾದೇಶ ಕ್ರಿಕೆಟ್​ ತಂಡಕ್ಕೆ ಸ್ಪಿನ್​ ಬೌಲಿಂಗ್​ ಕೋಚ್​ ಆಗಿ ಕಳೆದ ತಿಂಗಳು ವೆಟೋರಿಯವರನ್ನು ಬಿಸಿಬಿ ಆಯ್ಕೆ ಮಾಡಿಕೊಂಡಿತ್ತು. ಅವರಿಗೆ ದಿನದ ಲೆಕ್ಕಾಚಾರದಲ್ಲಿ 3571 ಅಮೆರಿಕನ್​ ಡಾಲರ್ ವೇತನ ನಿಗದಿಮಾಡಲಾಗಿದೆ. ಅಂದರೆ ಭಾರತೀಯ ಲೆಕ್ಕಾಚಾರದಲ್ಲಿ ದಿನಕ್ಕೆ 2.5 ಲಕ್ಷ ರೂ. ಪಡೆದುಕೊಳ್ಳಲಿದ್ದಾರೆ. ಆದರೆ ವೆಟೋರಿ ಶೇ. 30 ರಷ್ಟನ್ನು ತೆರಿಗೆ ರೂಪದಲ್ಲಿ ಕಟ್ಟಲಿದ್ದಾರೆ ಎಂದು ಬಾಂಗ್ಲಾದೇಶದ ಕ್ರಿಕೆಟ್​ ವೆಬ್​ಸೈಟ್​ cricfrenzy ವರದಿ ಮಾಡಿದೆ.

ಭಾರತದ ಮಾಜಿ ಕ್ರಿಕೆಟಿಗ ಸುನೀಲ್ ಜೋಶಿ ಕೋಚಿಂಗ್​ ಅವಧಿ ಮುಗಿದ ಮೇಲೆ ವೆಟೋರಿಯನ್ನು ಅರೆಕಾಲಿಕ ಕೋಚ್​ ಆಗಿ ಆಯ್ಕೆ ಮಾಡಿಕೊಂಡಿದೆ. ಇದೀಗ ₹ 2.5 ಲಕ್ಷವೇತನ ಪಡೆಯುವ ಮೂಲಕ ಏಷ್ಯಾದಲ್ಲೇ ದುಬಾರಿ ಕೋಚ್​ ಎನಿಸಿಕೊಂಡಿದ್ದಾರೆ.

ಐಪಿಎಲ್​ನ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಕ್ಕೆ ಕೋಚ್​ ಆಗಿದ್ದ ವೆಟೋರಿ ಇದೇ ಮೊದಲ ಬಾರಿಗೆ ರಾಷ್ಟ್ರೀಯ ತಂಡದ ಕೋಚ್​ ಆಗಿ ಆಯ್ಕೆಯಾಗಿದ್ದಾರೆ. ಮುಂಬರುವ ಭಾರತ ಪ್ರವಾಸದ ವೇಳೆ ಅವರ ಮೊದಲ ಟಾಸ್ಕ್​ ಶುರುವಾಗಲಿದೆ.