ಮುಂಬೈ: ಬಾಂಗ್ಲಾದೇಶ ಆಯೋಜಿಸಲಿರುವ ಏಷ್ಯಾ ಇಲೆವೆನ್ ಮತ್ತು ವರ್ಲ್ಡ್ ಇಲೆವೆನ್ ನಡುವಿನ 3 ಪಂದ್ಯಗಳ ಟಿ-20 ಸರಣಿಗೆ 15 ಸದಸ್ಯರ ತಂಡ ಪ್ರಕಟಿಸಿದ್ದು, ಇದರಲ್ಲಿ ಭಾರತದ 6 ಆಟಗಾರರು ಅವಕಾಶ ಗಿಟ್ಟಿಸಿಕೊಂಡಿದ್ದಾರೆ.
ಬಾಂಗ್ಲಾದೇಶದ ರಾಷ್ಟ್ರಪಿತ ಎಂದು ಕರೆಯಲ್ಪಡುವ ಬಂಗಬಂಧು ಶೇಖ್ ಮುಜಿಬುರ್ ರಹಮಾನ್ ಅವರ 100ನೇ ಜನ್ಮ ದಿನಾಚರಣೆಯ ಅಂಗವಾಗಿ ಬಾಂಗ್ಲಾದೇಶ ಕ್ರಿಕೆಟ್ ಐಸಿಸಿ ಅನುಮತಿ ಪಡೆದು ಈ ಟೂರ್ನಿಯನ್ನು ಆಯೋಜನೆ ಮಾಡುತ್ತಿದೆ.
ಮಂಗಳವಾರ ಘೋಷಿಸಿದ 15 ಸದಸ್ಯರ ತಂಡದಲ್ಲಿ ಏಷ್ಯಾ ಇಲೆವೆನ್ ತಂಡದ ಪರ ಟೀಂ ಇಂಡಿಯಾದ ಆರು ಆಟಗಾರರು ಸೇರಿದ್ದಾರೆ. ಆದರೆ ಈ ಟೂರ್ನಿಯಲ್ಲಿ ವಿರಾಟ್ ಕೊಹ್ಲಿ ಭಾಗವಹಿಸಲು ಇನ್ನು ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ ಎಂದು ಬಿಸಿಸಿಐ ತಿಳಿಸಿದೆ. ಇನ್ನು ಶ್ರೀಲಂಕಾದ ಇಬ್ಬರು, ಅಫ್ಘಾನಿಸ್ತಾನದ ಇಬ್ಬರು, ಬಾಂಗ್ಲಾದೇಶದ 4 ಹಾಗೂ ನೇಪಾಳದ ಏಕೈಕ ಆಟಗಾರನಾಗಿ ಸಂದೀಪ್ ಲೆಮಿಚ್ಚಾನೆ ಅವಕಾಶ ಪಡೆದಿದ್ದಾರೆ.
ವಿಶ್ವ ಇಲೆವೆನ್ ತಂಡವನ್ನು ಘೋಷಣೆ ಮಾಡಿದ್ದು, ಇದರಲ್ಲಿ ವಿಂಡೀಸ್ ದಿಗ್ಗಜ ಕ್ರಿಸ್ ಗೇಲ್, ಇಂಗ್ಲೆಂಡ್ನ ಜಾನಿ ಬೈರ್ಸ್ಟೋವ್ ಸೇರಿದಂತೆ ವಿವಿಧ ದೇಶಗಳ 12 ಆಟಗಾರರು ಇದ್ದಾರೆ.
ಆದರೆ ಏಷ್ಯಾ ಇಲೆವೆನ್ನಲ್ಲಿ ಪಾಕಿಸ್ತಾನದ ಯಾವುದೇ ಆಟಗಾರರನ್ನು ಬಿಸಿಬಿ ಸೇರಿಸಿಲ್ಲ. ಪಾಕಿಸ್ತಾನದ ಆಟಗಾರರ ಭಾಗವಹಿಸುವಿಕೆಯನ್ನ ರಾಜಕೀಯ ಕಾರಣಗಳಿಂದ ಬಿಸಿಸಿಐ ವಿರೋಧಿಸಿತ್ತು. ಇದಕ್ಕಾಗಿ ಬಿಸಿಬಿ ಕೂಡ ಪಿಸಿಬಿಗೆ ಯಾವುದೇ ಆಹ್ವಾನ ನೀಡಿಲ್ಲ.
ಏಷ್ಯಾ ಇಲೆವೆನ್: ಕೆ.ಎಲ್.ರಾಹುಲ್, ಶಿಖರ್ ಧವನ್, ವಿರಾಟ್ ಕೊಹ್ಲಿ, ರಿಷಭ್ ಪಂತ್, ಕುಲ್ದೀಪ್ ಯಾದವ್, ಮೊಹಮ್ಮದ್ ಶಮಿ, ತಿಸಾರ ಪೆರೆರಾ, ಲಸಿತ್ ಮಾಲಿಂಗ, ರಶೀದ್ ಖಾನ್, ಮುಜೀಬ್ ಉರ್ ರಹಮಾನ್, ಮುಸ್ತಫಿಜುರ್ ರಹಮಾನ್, ತಮೀಮ್ ಇಕ್ಬಾಲ್, ಲಿಟ್ಟನ್ ದಾಸ್, ಸಂದೀಪ್ ಲೆಮಿಚ್ಚಾನೆ.
ವಿಶ್ವ ಇಲೆವೆನ್: ಅಲೆಕ್ಸ್ ಹೇಲ್ಸ್, ಕ್ರಿಸ್ ಗೆಲ್, ಫಾಫ್ ಡು ಪ್ಲೆಸಿಸ್(ನಾಯಕ), ನಿಕೋಲಸ್ ಪೂರನ್, ಬ್ರೆಂಡನ್ ಟೇಲರ್, ಜಾನಿ ಬೈರ್ಸ್ಟೋವ್, ಕೀರನ್ ಪೊಲಾರ್ಡ್, ಆದಿಲ್ ರಶೀದ್, ಶೆಲ್ಡಾನ್ ಕಾಟ್ರೆಲ್, ಲುಂಗಿ ಎಂಗಿಡಿ, ಆ್ಯಂಡ್ರಿವ್ ಟೈ, ಮಿಚೆಲ್ ಮೆಕ್ಲೆನಾಘನ್‌.
