ಚಾಂಗ್ಜೌ: ಭಾರತದ ನಂಬರ್ ಒನ್ ಶೆಟ್ಲರ್ ವಿಶ್ವಚಾಂಪಿಯನ್ ಪಿ.ವಿ. ಸಿಂಧು ಚೈನಾ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯಲ್ಲಿ ಚೀನಾದ ಲಿ ಕ್ಸುಯೆರುಯಿ ಅವರನ್ನು ಮಣಿಸಿ ಶುಭಾರಂಭ ಮಾಡಿದ್ದಾರೆ.
ಕಳೆದ ತಿಂಗಳಷ್ಟೇ ವಿಶ್ವಚಾಂಪಿಯನ್ ಆಗಿರುವ ಸಿಂಧು ಮಾಜಿ ಒಲಿಂಪಿಕ್ ಚಿನ್ನದ ಪದಕ ವಿಜೇತೆ ಲಿ ಕ್ಸುಯೆರುಯಿ ವಿರುದ್ಧ 21-18, 21-12 ರ ನೇರ ಸೆಟ್ಗಳಲ್ಲಿ ವಿಜಯ ಸಾಧಿಸಿದರು.
ಮೊದಲ ಗೇಮ್ನಲ್ಲಿ ಸಿಂಧುಗೆ ಲೀ ಪ್ರಬಲ ಪೈಪೋಟಿ ನೀಡಿದರಾದರೂ, ಎರಡನೇ ಸೆಟ್ನಲ್ಲಿ ಪ್ರಾಬಲ್ಯ ಸಾಧಿಸಿದ 21-12 ರಲ್ಲಿ ಗೆದ್ದು ಎರಡನೇ ಸುತ್ತಿಗೆ ಎಂಟ್ರಿಕೊಟ್ಟರು.
ಇದಕ್ಕೂ ಮುನ್ನ ನಡೆದ ಪಂದ್ಯದಲ್ಲಿ ವಿಶ್ವದ ನಂಬರ್ 8 ಶ್ರೇಯಾಂಕ ಹೊಂದಿರುವ ಸೈನಾ ನೆಹ್ವಾಲ್ ಥಾಯ್ಲೆಂಡ್ನ ಬುಸಾನನ್ ಒಂಗ್‌ಬಮ್ರಂಗ್‌ಫಾನ್ ವಿರುದ್ಧ 10-21 17-21ರಲ್ಲಿ ಸೋತು ಟೂರ್ನಿಯಿಂದ ಹೊರ ಬಿದ್ದರು.