ಬಿಗ್​ಬಾಸ್ ಸೀಸನ್-8ರ​ ವಿನ್ನರ್​ ಪಡೆಯಲಿರುವ ಮೊತ್ತವೆಷ್ಟು ಗೊತ್ತೇ?

ಬಿಗ್​ಬಾಸ್ ಸೀಸನ್ 8ರ ವಿನ್ನರ್​ ಬರೋಬ್ಬರಿ 53 ಲಕ್ಷ ರೂಪಾಯಿ ನಗದು ಪಡೆಯಲಿದ್ದಾರೆ‌. ಅಲ್ಲದೇ, ರನ್ನರ್ ಅಪ್ ಹಾಗೂ ಇತರ ಮೂವರು ಸ್ಪರ್ಧಿಗಳು ಸಹ ಬಹುಮಾನ ಗೆಲ್ಲಲಿದ್ದಾರೆ..

ಬಿಗ್​ಬಾಸ್ ಸೀಸನ್ 8ರ ಅನೇಕ ವಿಶೇಷತೆಯನ್ನು ಒಳಗೊಂಡಿದೆ. ವಿಶೇಷವಾಗಿ ಈ ಸೀಸನ್​ನ ಟಾಪ್ ಐದು ಸ್ಪರ್ಧಿಗಳಿಗೂ ನಗದು ಬಹುಮಾನ ಸಿಗಲಿದೆ. ಈವರೆಗೂ ನಡೆದ ಸೀಸನ್​ಗಳಲ್ಲಿ ವಿನ್ನರ್​ಗಳು 50 ಲಕ್ಷ ರೂಪಾಯಿ ನಗದು ಪಡೆದುಕೊಳ್ಳುತ್ತಿದ್ದರು. ಆದರೆ, ಈ ಬಾರಿ ವಿನ್ನರ್​ ಬರೋಬ್ಬರಿ 53 ಲಕ್ಷ ರೂಪಾಯಿ ನಗದು ಪಡೆಯಲಿದ್ದಾರೆ‌.

ಅಲ್ಲದೇ, ರನ್ನರ್ ಅಪ್ ಕೂಡ 11 ಲಕ್ಷ ರೂಪಾಯಿ ಬಹುಮಾನ ಗೆಲ್ಲಲಿದ್ದಾರೆ. ಇನ್ನು, ಟಾಪ್ 3ನೇ ಸ್ಪರ್ಧಿ 6 ಲಕ್ಷ, ಟಾಪ್ 4ನೇ ಸ್ಪರ್ಧಿ 3.5 ಲಕ್ಷ ಹಾಗೂ ಟಾಪ್ 5ನೇ ಸ್ಪರ್ಧಿ 2.5 ಲಕ್ಷ ರೂಪಾಯಿ ನಗದು ಬಹುಮಾನ ಪಡೆದುಕೊಳ್ಳುತ್ತಿದ್ದಾರೆ. ಈ ವಿಷಯವನ್ನು ಸ್ವತಃ ವೇದಿಕೆ ಮೇಲೆ ನಟ ಸುದೀಪ್ ತಿಳಿಸಿದ್ದಾರೆ.

ಬಿಗ್​ಬಾಸ್ ಸೀಸನ್-8ರ ಟಾಪ್​ ಐದು ಸ್ಪರ್ಧಿಗಳು

ಈ ಬಾರಿ ಬಿಗ್ ಬಾಸ್ ಗೆದ್ದರೆ ಹಣವನ್ನು ಮಂಜು ಏನು ಮಾಡುತ್ತೀರಾ ಎಂದು ಸುದೀಪ್ ಕೇಳಿದಾಗ, ನಮ್ಮ ತಂದೆ ತಾಯಿಯನ್ನು ಇಡೀ ಜೀವನಪೂರ್ತಿ ಚೆನ್ನಾಗಿ ನೋಡಿಕೊಳ್ಳಬೇಕು ಎಂದುಕೊಂಡಿದ್ದೇನೆ ಎಂದು ಮಂಜು ಹೇಳಿದರು. ವೈಷ್ಣವಿ ಗೌಡ ಈ ಹಣದಿಂದ ತಮ್ಮ ತಂದೆ-ತಾಯಿ ಮನೆ ಖರೀದಿಸಬೇಕು ಎಂದುಕೊಂಡಿದ್ದಾರೆ.

ಅದಕ್ಕೆ ನನ್ನ ಸಹಾಯ ಮಾಡುತ್ತೇನೆ ಎಂದಿದ್ದಾರೆ. ದಿವ್ಯಾ ಉರುಡುಗ ಅವರು ನಾನು ಹೊಸ ಬ್ಯುಸಿನೆಸ್ ಆರಂಭಿಸುತ್ತೇನೆ. ನಂತರ ಮನೆಯವರನ್ನು ನೋಡಿಕೊಳ್ಳುತ್ತೇನೆ ಎಂದರು. ಪ್ರಶಾಂತ್ ಸಂಬರಗಿ ಅವರು ಟ್ರಸ್ಟ್ ಮೂಲಕ ಅಗತ್ಯೆ ಇರುವವರಿಗೆ ಸಹಾಯಕ್ಕೆ ಮುಂದಾಗುತ್ತೇನೆ ಎಂದಿದ್ದಾರೆ.