ಕೆಲವು ಸೆಲಬ್ರಿಟಿಗಳು ಸಿಂಪಲ್ ಲೈಫ್ಸ್ಟೈಲ್ಗೆ ಹೊಂದಿಕೊಂಡಿದ್ದರೆ ಮತ್ತೆ ಕೆಲವರಂತೂ ದುಂದುವೆಚ್ಚ ಮಾಡುವ ಮೂಲಕ ಹಣವನ್ನು ಹುಣಿಸೆ ಬೀಜದಂತೆ ಖರ್ಚು ಮಾಡುತ್ತಾರೆ. ಇನ್ನು ಕೆಲವರು ಪಾರ್ಟಿಯಲ್ಲಿ ಉಂಡು, ತಿಂದು, ಪ್ಲೇಟ್ಗಳನ್ನು ಬಿಸಾಡಿ ಒಡೆದು ವೇಸ್ಟ್ ಮಾಡುತ್ತಾರೆ.
ಪಾರ್ಟಿಯಲ್ಲಿ ತಿಂದು, ಪ್ಲೇಟ್ ಒಡೆದು ನೆಟಿಜನ್ಸ್ ಕೆಂಗಣ್ಣಿಗೆ ಗುರಿಯಾದ ಶಿಲ್ಪಾ ಶೆಟ್ಟಿ
ದುಬೈನ ಗ್ರೀಕ್ ರೆಸ್ಟೋರೆಂಟ್ ಒಂದರಲ್ಲಿ ಶಿಲ್ಪಾ ಶೆಟ್ಟಿ ಡಿನ್ನರ್ ಮುಗಿಸಿ ಪ್ಲೇಟ್ ಒಡೆದು ಸ್ನೇಹಿತರೊಂದಿಗೆ 'ಪ್ಲೇಟ್ ಸ್ಮ್ಯಾಶಿಂಗ್ ಡ್ಯಾನ್ಸ್' ಮಾಡಿದ್ದಾರೆ. ಶಿಲ್ಪಾ ವರ್ತನೆಗೆ ನೆಟಿಜನ್ಗಳು ಬೇಸರ ವ್ಯಕ್ತಪಡಿಸಿದ್ದು, ಇತರರಿಗೆ ಮಾದರಿಯಾಗಬೇಕಾದ ಸೆಲಬ್ರಿಟಿಗಳೇ ಹೀಗೆ ತಪ್ಪು ಮಾಡಿದರೆ ಹೇಗೆ ಎಂದು ಪ್ರಶ್ನಿಸಿದ್ದಾರೆ.
ಶಿಲ್ಪಾ ಶೆಟ್ಟಿ
ಇತ್ತೀಚೆಗೆ ಬಾಲಿವುಡ್ ನಟಿ ಶಿಲ್ಪಾ ಶೆಟ್ಟಿ ಕೂಡಾ ಇದೇ ರೀತಿ ರೆಸ್ಟೋರೆಂಟ್ ಒಂದರಲ್ಲಿ ಪ್ಲೇಟ್ ಒಡೆದು, ಡ್ಯಾನ್ಸ್ ಮಾಡಿ ನೆಟ್ಟಿಗರ ಆಕ್ರೋಶಕ್ಕೆ ಬಲಿಯಾಗಿದ್ದಾರೆ. ದುಬೈನ ರೆಸ್ಟೋರೆಂಟ್ ಒಂದರಲ್ಲಿ ಇತ್ತೀಚೆಗೆ ಶಿಲ್ಪಾಶೆಟ್ಟಿ ಊಟಕ್ಕೆ ಹೋಗಿದ್ದಾರೆ. ಇದೊಂದು ಗ್ರೀಕ್ ರೆಸ್ಟೋರೆಂಟ್. ಗ್ರೀಕ್ ರೆಸ್ಟೋರೆಂಟ್ನಲ್ಲಿ ಈ ರೀತಿ ಪ್ಲೇಟ್ ಒಡೆದು ಅದರ ಸುತ್ತ ಡ್ಯಾನ್ಸ್ ಮಾಡುವುದನ್ನು 'ಪ್ಲೇಟ್ ಸ್ಮ್ಯಾಶಿಂಗ್ ಡ್ಯಾನ್ಸ್' ಎಂದು ಕರೆಯುತ್ತಾರೆ. ಊಟ ಮಾಡಿದಾಗ ಪ್ಲೇಟ್ ತೊಳೆಯುವ ಬದಲು ಕೆಲವೊಮ್ಮೆ ಈ ರೀತಿ ಒಡೆಯಲಾಗುತ್ತದೆ. ಶಿಲ್ಪಾಶೆಟ್ಟಿ ಕೂಡಾ ರೆಸ್ಟೋರೆಂಟ್ನಲ್ಲಿ ಊಟ ಮಾಡಿ ಇತರರಂತೆ ಪ್ಲೇಟ್ ಒಡೆದು ಸ್ನೇಹಿತರೊಂದಿಗೆ ಡ್ಯಾನ್ಸ್ ಮಾಡಿದ್ದಾರೆ. ಈ ವಿಡಿಯೋವನ್ನು ಶಿಲ್ಪಾ ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಶೇರ್ ಮಾಡಿಕೊಂಡಿದ್ದಾರೆ.
ವಿಡಿಯೋ ಜೊತೆಗೆ 'ಪ್ಲೇಟ್ ಒಡೆಯುವ ಮೂಲಕ ನಿಮ್ಮ ಋಣಾತ್ಮಕ ಭಾವನೆಯನ್ನೂ ತೊಡೆದು ಹಾಕಿ. ಪ್ಲೇಟ್ ಒಡೆದು ತೊಳೆಯುವುದರಿಂದ ತಪ್ಪಿಸಿಕೊಳ್ಳಿ, ಪಾರ್ಟಿಯನ್ನು ಬಹಳ ಎಂಜಾಯ್ ಮಾಡಿದೆ. ಇಂತಹ ಖುಷಿ ದಿನಗಳು ಮತ್ತೆ ಮತ್ತೆ ಬರುತ್ತಿರಲಿ' ಎಂದು ಬರೆದುಕೊಂಡಿದ್ದಾರೆ. ಆದರೆ ಶಿಲ್ಪಾ ಅವರ ಈ ವಿಡಿಯೋಗೆ ನೆಟ್ಟಿಗರು ಕೋಪ ವ್ಯಕ್ತಪಡಿಸಿದ್ದಾರೆ. 'ಹಣ ಉಳಿಸಿ ಬಡವರಿಗೆ ಸಹಾಯ ಮಾಡಿ' , 'ಪ್ಲೇಟ್ ವೇಸ್ಟ್ ಮಾಡುವಾಗ ಅದನ್ನು ತಯಾರಿಸುವವರ ಶ್ರಮ ಎಷ್ಟಿರುತ್ತದೆ ನೀವು ಅರ್ಥ ಮಾಡಿಕೊಳ್ಳಬೇಕು' 'ಇತರರಿಗೆ ಮಾದರಿಯಾಗಬೇಕಾದ ಸೆಲಬ್ರಿಟಿಗಳೇ ಹೀಗೆ ತಪ್ಪು ಮಾಡಿದರೆ ಹೇಗೆ' ಎಂದು ವಿಧವಿಧವಾಗಿ ಕಮೆಂಟ್ ಮಾಡಿದ್ದಾರೆ.