ರಾಜ್ಕುಮಾರ್ ಮೊಮ್ಮಗ ನಟಿಸುತ್ತಿರುವ 'ಯುವ ರಣಧೀರ ಕಂಠೀರವ' ಕನ್ನಡ ಚಿತ್ರರಂಗ ಮಾತ್ರವಲ್ಲದೆ ಸೌತ್ ಸಿನಿಮಾ ಇಂಡಸ್ಟ್ರಿಯಲ್ಲಿ ಸಖತ್ ಸೌಂಡ್ ಮಾಡ್ತಿದೆ. ರಾಘವೇಂದ್ರ ರಾಜ್ಕುಮಾರ್ ಕಿರಿಯ ಮಗ ಯುವ ರಾಜ್ಕುಮಾರ್ ಈ ಸಿನಿಮಾ ಮ‌ೂಲಕ ಕನ್ನಡ ಚಿತ್ರರಂಗಕ್ಕೆ ಗ್ರ್ಯಾಂಡ್ ಎಂಟ್ರಿ ಕೊಡ್ತಾ ಇದ್ದಾರೆ.
ಈಗಾಗಲೇ ಯುವ ರಣಧೀರ ಕಂಠೀರವ ಸಿನಿಮಾದ ಮೇಕಿಂಗ್ ಟೀಸರ್ಅನ್ನು ಯೂಟ್ಯೂಬ್ನಲ್ಲಿ ಮಿಲಿಯನ್ಗಟ್ಟಲೆ ಜನರು ನೋಡಿ ಮೆಚ್ಚಿಕೊಂಡಿದ್ದಾರೆ. ಈ ಟೀಸರ್ ನೋಡಿ ಈಗಾಗಲೇ ತೆಲುಗು ಚಿತ್ರರಂಗದ ಸ್ಟಾರ್ ನಿರ್ದೇಶಕರಾದ ವಿ.ವಿ.ವಿನಾಯಕ್, ಮೆಹರ್ ರಮೇಶ್ ಹಾಗೂ ಸುಕುಮಾರ್, ಯುವ ರಾಜ್ಕುಮಾರ್ ನಟನೆಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಈಗ ಸೌತ್ ಸಿನಿಮಾ ಇಂಡಸ್ಟ್ರಿಯ ಖ್ಯಾತ ನಿರ್ದೇಶಕ ಎಸ್.ಎಸ್.ರಾಜಮೌಳಿಯವರನ್ನು ಯುವ ರಾಜ್ಕುಮಾರ್ ಭೇಟಿ ಮಾಡಿದ್ದಾರೆ. ರಾಜ್ ಕುಟುಂಬದ ಕುಡಿಯಾಗಿರೋ ಯುವ ರಾಜ್ಕುಮಾರ್ ಅಭಿನಯದ ಚೊಚ್ಚಲ ಚಿತ್ರದ ಟೀಸರ್ಅನ್ನು ರಾಜಮೌಳಿಗೆ ತೋರಿಸಿದ್ದಾರೆ. ಈ ಟೀಸರ್ ನೋಡಿದ ರಾಜಮೌಳಿ, ಯುವನ ಮೇಕ್ ಓವರ್ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ರಾಜಮೌಳಿ ಭೇಟಿಯಾದ ಅಣ್ಣಾವ್ರ ಮೊಮ್ಮಗ ಆರ್ಆರ್ಆರ್ ಸಿನಿಮಾ ಶೂಟಿಂಗ್ ಸೆಟ್ನಲ್ಲಿ ಯುವ ರಾಜ್ಕುಮಾರ್, ನಿರ್ದೇಶಕ ಪುನೀತ್ ರುದ್ರನಾಗ್ ಮತ್ತು ಯುವ ಸ್ನೇಹಿತರು ರಾಜಮೌಳಿಯವರನ್ನು ಮೀಟ್ ಮಾಡಿದ್ದಾರೆ. ಬಳಿಕ ತಾತನ ಬಗ್ಗೆ ಸಂಪೂರ್ಣ ಮಾಹಿತಿ ಇರುವ ಪುಸ್ತಕವನ್ನು ಯುವ ರಾಜ್ಕುಮಾರ್ ರಾಜಮೌಳಿಗೆ ನೀಡಿದ್ದಾರೆ.
ರಾಜಮೌಳಿ ಭೇಟಿಯಾದ ಅಣ್ಣಾವ್ರ ಮೊಮ್ಮಗ ರಾಜಮೌಳಿ ಭೇಟಿಯಾದ ಅಣ್ಣಾವ್ರ ಮೊಮ್ಮಗ
