ಆನೆ ಹೆಜ್ಜೆಗೆ ದಾಖಲೆಗಳು ಉಡೀಸ್​... ಟ್ರೇಲರ್​ ವೀಕ್ಷಣೆಯಲ್ಲೂ ಯಜಮಾನ ಹವಾ!

ಶಿವನಂದಿ, ಬಸಣ್ಣಿ, ಒಂದು ಮುಂಜಾನೆ ಹಾಗೂ ಯಜಮಾನ ಶೀರ್ಷಿಕೆ ಗೀತೆಗಳು ಒಂದೊಂದಾಗಿ ರಿಲೀಸ್ ಆಗಿದ್ದವು. ಅಂತೆಯೇ ಒಂದೊಂದು ಹಾಡು ಬಿಡುಗಡೆಯಾದಾಗಲೂ ವೀಕ್ಷಣೆಯ ಅಂಕಿ-ಸಂಖ್ಯೆಗಳು ಬ್ರೇಕ್ ಆಗುತ್ತಿದ್ದವು. ಆದರೆ ಟ್ರೇಲರ್ ಇವೆಲ್ಲವನ್ನೂ ಮೀರಿಸಿದೆ.

ಯಜಮಾನ.. ಇದೊಂದು ಸಿನಿಮಾ ಬಹುಶಃ ಚಾಲೆಂಜಿಂಗ್​ಸ್ಟಾರ್ ದರ್ಶನ್ ಸಿನಿಬದುಕಿನಲ್ಲಿ ಮತ್ತೊಂದು ಮೈಲಿಗಲ್ಲಾಗುವ ಸೂಚನೆ ನೀಡಿದೆ. ಇಂದು ಬಿಡುಗಡೆಯಾದ ಟ್ರೇಲರ್​ಗೆ ದೊರೆತಿರುವ ಭರ್ಜರಿ ಪ್ರತಿಕ್ರಿಯೆಗಳೇ​​ ಇದಕ್ಕೆ ಸಾಕ್ಷಿ ಹೇಳುತ್ತಿವೆ.

ಶಿವನಂದಿ, ಬಸಣ್ಣಿ, ಒಂದು ಮುಂಜಾನೆ ಹಾಗೂ ಯಜಮಾನ ಶೀರ್ಷಿಕೆ ಗೀತೆಗಳು ಒಂದೊಂದಾಗಿ ರಿಲೀಸ್ ಆಗಿದ್ದವು. ಅಂತೆಯೇ ಒಂದೊಂದು ಹಾಡು ಬಿಡುಗಡೆಯಾದಾಗಲೂ ವೀಕ್ಷಣೆಯ ಅಂಕಿ-ಸಂಖ್ಯೆಗಳು ಬ್ರೇಕ್ ಆಗುತ್ತಿದ್ದವು. ಆದರೆ ಟ್ರೇಲರ್ ಇವೆಲ್ಲವನ್ನೂ ಮೀರಿಸಿದೆ.

ಇಂದು ಬೆಳಗ್ಗೆ 10 ಗಂಟೆಗೆ ಸರಿಯಾಗಿ ಯಜಮಾನ ಚಿತ್ರದ ಟ್ರೇಲರ್​ ರಿಲೀಸ್ ಆಗಿತ್ತು. ಇದಕ್ಕಾಗಿ ಕಾತರದಿಂದ ಕಾದಿದ್ದ ದಚ್ಚು ಫ್ಯಾನ್ಸ್​ ಒಮ್ಮೆಲೇ ಯುಟ್ಯೂಬ್​ಗೆ ಲಗ್ಗೆ ಇಟ್ಟಿದ್ದಾರೆ. ಪರಿಣಾಮ ಕೇವಲ 55 ನಿಮಿಷಕ್ಕೆ ಒಂದು ಮಿಲಿಯನ್ ಮಂದಿ ವೀಕ್ಷಣೆ ಮಾಡಿದ್ದರು.

ಆನೆ ಹೆಜ್ಜೆಗೆ ಯುಟ್ಯೂಬ್ ಜಾಮ್​​..!

ರಜಿನೀಕಾಂತ್​ ಚಿತ್ರದ ಟ್ರೇಲರ್​ ಬಿಡುಗಡೆಯಾದಾಗ ಯುಟ್ಯೂಬ್​​ ಜಾಮ್ ಆಗೋದು ಸಾಮಾನ್ಯ. ಆದರೆ ಕನ್ನಡದ ಸ್ಟಾರ್​ ಓರ್ವನ ಟ್ರೇಲರ್​ ಅಬ್ಬರಕ್ಕೆ ಇಂದು ಯುಟ್ಯೂಬ್​ ವೀಕ್ಷಣೆಯ ಸಂಖ್ಯೆ ಸ್ಪಷ್ಟವಾಗಿ ದೊರೆಯುತ್ತಿರಲಿಲ್ಲ. ಈ ವಿಚಾರದಿಂದ ಯಜಮಾನ ಚಿತ್ರ ಚಂದನವನದಲ್ಲಿ ಭಾರಿ ನಿರೀಕ್ಷೆ ಮೂಡಿಸಿದೆ ಎನ್ನುವುದು ಸ್ಪಷ್ಟವಾಗಿದೆ.

ಯಜಮಾನ ಚಿತ್ರವನ್ನು ವಿ.ಹರಿಕೃಷ್ಣ ಹಾಗೂ ಪಿ.ಕುಮಾರ್​ ನಿರ್ದೇಶನ ಮಾಡಿದ್ದಾರೆ. ಚಿತ್ರದಲ್ಲಿ ದರ್ಶನ್ ಜೊತೆಯಲ್ಲಿ ರಶ್ಮಿಕಾ ಮಂದಣ್ಣ, ತಾನ್ಯಾ ಹೋಪ್​, ಠಾಕೂರ್​ ಅನೂಪ್ ಸಿಂಗ್, ಧನಂಜಯ್​, ದೇವರಾಜ್​,ರವಿಶಂಕರ್​​ ಸೇರಿದಂತೆ ಕಲಾವಿದರ ದಂಡೇ ಇದೆ. ಯಜಮಾನ ಸಿನಿಮಾ ಮಾರ್ಚ್​ ಒಂದರಂದು ಥಿಯೇಟರ್​ಗೆ ಕಾಲಿಡಲಿದೆ.