ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ನಟನೆಯಲ್ಲಿ ಮಾತ್ರವಲ್ಲದೇ ನಿರ್ದೇಶನದಲ್ಲೂ ಸೈ ಅನಿಸಿಕೊಂಡವರು. ಹಿಟ್ ಚಿತ್ರಗಳ ನಿರ್ದೇಶನ ಮಾಡಿರುವ ಕಿಚ್ಚ "ಮಾಣಿಕ್ಯ" ಚಿತ್ರದ ನಂತರ ಡೈರೆಕ್ಷನ್‌ನಿಂದ ಕೊಂಚ ದೂರ ಉಳಿದಿದ್ದು ನಟನೆಯಲ್ಲಿ ಬ್ಯುಸಿಯಾಗಿದ್ದಾರೆ.
ಆದರೆ, ಅಭಿಮಾನಿಗಳು ಸುದೀಪ್ ಯಾವಾಗ ನಿರ್ದೇಶನ ಮಾಡ್ತಾರೆ ಎಂದು ಕಾಯ್ತಿದ್ದು, ಈಗ ಅಭಿಮಾನಿಗಳ ಆಸೆಗೆ ಕಿಚ್ಚ ಕೊಂಚ ನಿರಾಸೆ ಮೂಡಿಸಿದ್ದಾರೆ. ಯಾಕಂದ್ರೆ, ಸುದೀಪ್ಗೆ ಸದ್ಯ ಡೈರೆಕ್ಟರ್ ಕ್ಯಾಪ್ ತೊಡುವ ಆಲೋಚನೆ ಇಲ್ವಂತೆ.
ಸದ್ಯ ನಾನು ಒಳ್ಳೊಳ್ಳೆ ನಿರ್ದೇಶಕರ ಜೊತೆ ಸಿನಿಮಾ ಮಾಡ್ತಿದ್ದೀನಿ. ಅಲ್ಲದೆ ನಾನು ಯಾವಾಗ ನಿರ್ದೇಶನ ಮಾಡ್ತೀನಿ ಅಂದ್ರೇ ನನ್ನ ಮಾರ್ಕೆಟ್ ಡೌನ್ ಆಗ್ತಿದೆ ಎಂಬುದು ಗೊತ್ತಾದಾಗ ನಾನು ಡೈರೆಕ್ಷನ್ ಮಾಡ್ತೀನಿ. ಆಟೋಗ್ರಾಫ್ ಹಾಗೂ ಶಾಂತಿನಿವಾಸ ಸಿನಿಮಾಗಳನ್ನು ಬಿಟ್ರೇ ನಾನು ನಿರ್ದೇಶನ ಮಾಡಿದ ಎಲ್ಲಾ ಚಿತ್ರಗಳು ಅನಿರೀಕ್ಷಿತವಾಗಿ ನಿರ್ಮಾಪಕರಿಗೋಸ್ಕರ ಎಂದಿದ್ದಾರೆ.
ಸದ್ಯ ಕನ್ನಡದಲ್ಲಿ ಒಳ್ಳೆಯ ನಿರ್ದೇಶಕರಿದ್ದಾರೆ. ಅವರ ಜೊತೆ ಕೆಲಸ ಮಾಡೋಣ. ಯುವ ನಿರ್ದೇಶಕರು ನನಗೆ ಸಾಕಷ್ಟು ಕಥೆಗಳನ್ನು ಮಾಡ್ತಿದ್ದಾರೆ. ಸದ್ಯಕ್ಕೆ ಅವರ ಜೊತೆ ವರ್ಕ್ ಮಾಡ್ತೀನಿ. ನನ್ನ ನಿರ್ದೇಶನ ಅವಶ್ಯಕತೆ ಇದೆ ಅನಿಸಿದಾಗ ಖಂಡಿತ ನಾನು ನಿರ್ದೇಶನ ಮಾಡ್ತೀನಿ. ಡೈರೆಕ್ಷನ್ ಪ್ಯಾಷನ್ ಅಷ್ಟೇ.. ಸದ್ಯಕ್ಕೆ ನನಗೆ ಅದು ಅನಿವಾರ್ಯತೆ ಇಲ್ಲ ಎಂದು ಕಿಚ್ಚ ಸುದೀಪ್ ಹೇಳಿದರು.