ಶ್ರೀನಗರ ಕಿಟ್ಟಿ ಹೀರೋ ಆಗಿ ನಟಿಸಿ ಮೂರು ವರ್ಷಗಳ ಮೇಲಾಗಿದೆ. 'ಸಿಲಿಕಾನ್ ಸಿಟಿ' ಚಿತ್ರದಲ್ಲಿ ಕಡೆಯದಾಗಿ ಹೀರೋ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದ ಕಿಟ್ಟಿ, ಆ ನಂತರ ಪೋಷಕ ಪಾತ್ರಗಳಿಗೆ ಸೀಮಿತವಾಗಿದ್ದರು. ಈಗ ಮೂರು ವರ್ಷಗಳ ನಂತರ 'ಗೌಳಿ' ಎಂಬ ಚಿತ್ರದಲ್ಲಿ ಹೀರೋ ಆಗಿ ರೀ ಎಂಟ್ರಿ ಕೊಡುತ್ತಿದ್ದಾರೆ.
'ಗೌಳಿ' ಚಿತ್ರದ ಚಿತ್ರೀಕರಣ ಮುಂದಿನ ತಿಂಗಳು ಅಧಿಕೃತವಾಗಿ ಪ್ರಾರಂಭವಾಗಲಿದೆ. ಶುಕ್ರವಾರ ಚಿತ್ರದ ಪೋಸ್ಟರ್ವೊಂದು ಬಿಡುಗಡೆಯಾಗಿದ್ದು, ಹಲವರ ಹುಬ್ಬೇರಿಸಿದೆ. ಸಖತ್ ರಗಡ್ ಲುಕ್ನಲ್ಲಿ ಕಿಟ್ಟಿ ಕಾಣಿಸಿಕೊಂಡಿದ್ದು, ಈ ಚಿತ್ರದ ಬಗ್ಗೆ ಕುತೂಹಲ ಕೆರಳಿಸಿದೆ. 'ಅವತಾರ ಪುರುಷ' ಮತ್ತು 'ವೀರಂ' ಚಿತ್ರಗಳಿಗಾಗಿ ಕಿಟ್ಟಿ ಉದ್ದಗಡ್ಡ ಬಿಟ್ಟಿದ್ದು, 'ಗೌಳಿ' ಚಿತ್ರದಲ್ಲೂ ಅದೇ ಲುಕ್ನಲ್ಲಿ ಮುಂದುವರೆಯಲಿದ್ದಾರೆ.