ಶುರುವಾಯಿತು 'ಬಕೆಟ್' ಚಾಲೆಂಜ್; ಇದರ ಉದ್ದೇಶ ಕೇಳಿದ್ರೆ ನೀವು ಭೇಷ್ ಅಂತೀರಾ

ಸೋಷಿಯಲ್ ಮೀಡಿಯಾದಲ್ಲಿಗ ಸಾಲುಸಾಲು ಸವಾಲುಗಳು. 'ಫಿಟ್ನೆಸ್',​ 'ಒಪನ್ ಬಾಟಲ್ ಕ್ಯಾಪ್'​​, 'ಸಾರಿ ಸವಾಲು'ಗಳ ನಂತರ ಸದ್ಯ 'ಒಂದು ಬಕೆಟ್ ಚಾಲೆಂಜ್' ಶುರುವಾಗಿದೆ.

ಟಾಲಿವುಡ್​ನ ಟಾಪ್ ನಟಿ ಸಮಂತಾ ಅಕ್ಕಿನೇನಿ ಹೀಗೊಂದು ವಿಭಿನ್ನ ಸವಾಲಿಗೆ ಮುಂದಾಗಿದ್ದಾರೆ. ಅವರ ಈ ಚಾಲೆಂಜ್​ನ ಹಿಂದೆ ಪರಿಸರ ಕಾಳಜಿಯೂ ಅಡಗಿದೆ. ಅಷ್ಟಕ್ಕೂ ಏನಿದು ಬಕೆಟ್ ಚಾಲೆಂಜ್​?

ಚಿತ್ರಕೃಪೆ: ಟ್ವಿಟರ್​​

ಸ್ಯಾಮ್ ಕೈತೊಳೆಯಲು, ಹಲ್ಲುಜ್ಜಲು ಹಾಗೂ ಸ್ನಾನ ಮಾಡಲು ಕೇವಲ ಒಂದೇ ಬಕೆಟ್ ನೀರು ಬಳಸಲಿದ್ದಾರೆ. ನಾಳೆ (ಭಾನುವಾರ)ಈ ಚಾಲೆಂಜ್​ನ್ನು ಅವರು ನಿರ್ವಹಿಸಲಿದ್ದಾರೆ. ಒಂದು ಬಕೆಟ್ ನೀರು ಉಪಯೋಗಿಸಿದ ಪೋಟೊಗಳನ್ನು ತಮ್ಮ ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಳ್ಳಲಿದ್ದಾರೆ. ಅಂದು ಸುದೀರ್ಘ ಸ್ನಾನಕ್ಕೆ ಬೈ ಹೇಳಿ ಎಂದಿರುವ ಸಮಂತಾ, ಈ ಸವಾಲು ಸ್ವೀಕರಿಸುವಂತೆ ತಮ್ಮ ಅಭಿಮಾನಿಗಳಿಗೂ ಕರೆ ನೀಡಿದ್ದಾರೆ.

ಸದ್ಯ ಮುತ್ತಿನ ನಗರಿ ಹೈದ್ರಾಬಾದಿನಲ್ಲಿ ನೀರಿನ ಸಮಸ್ಯೆ ತಲೆದೂರಿದೆ. ಲಭ್ಯವಿರುವ ನೀರನ್ನೆ ಮಿತವಾಗಿ ಬಳಸುವುದು ಹೇಗೆ ಎಂಬುದು ಈ ಸವಾಲಿನ ಹಿಂದಿರುವ ಉದ್ದೇಶ. ಇಂತಹ ಮಹತ್ತರ ಕಾರ್ಯವನ್ನು ಕೈಗೆತ್ತಿಕೊಂಡು ಜನರಲ್ಲಿ ನೀರಿನ ಮಿತಬಳಕೆ ಬಗ್ಗೆ ಜಾಗೃತಿ ಮೂಡಿಸುತ್ತಿದ್ದಾರೆ ಈ ಸುಂದರಿ.