ಕೆಜಿಎಫ್​ ನಟಿಯ ಡ್ಯಾನ್ಸ್​ ನೋಡಿ ಮೂಕ ವಿಸ್ಮಿತವಾದ ಬೆಕ್ಕು, ನಾಯಿ... ವಿಡಿಯೋ ವೈರಲ್​

ಲಾಕ್​​ ಡೌನ್​​​ ವೇಳೆ ಬಾಲಿವುಡ್​ ನಟಿ ರವೀನಾ ಟಂಡನ್​​​ ಮಾಡಿರುವ ವಿಡಿಯೋ ಎಲ್ಲೆಡೆ ವೈರಲ್​ ಆಗುತ್ತಿದೆ.

ಕೆಜಿಎಫ್​​ ಸಿನಿಮಾದಲ್ಲಿ ನಟಿಸಿರುವ ಬಾಲಿವುಡ್​​ ಬೆಡಗಿ ರವೀನಾ ಟಂಡನ್​ ಲಾಕ್​ಡೌನ್​​ ವೇಳೆಯನ್ನು ಖುಷಿ ಇಂದಲೇ ಅನುಭವಿಸುತ್ತಿದ್ದಾರೆ. ತಾವು ಎಂಜಾಯ್​ ಮಾಡುತ್ತಿರುವ ವಿಡಿಯೋವನ್ನು ಇನ್​ಸ್ಟಾಗ್ರಾಮ್​ ಖಾತೆಯಲ್ಲಿ ಶೇರ್​​ ಮಾಡಿದ್ದಾರೆ.

ವಿಡಿಯೋದಲ್ಲಿ ರವೀನಾ ಸೋಫ ಮೇಲೆ ಕುಣಿಯುತ್ತಿರುವ, ತುಟಿಗಳಿಗೆ ಲಿಪ್​ಸ್ಟಿಕ್​ ಹಾಕುತ್ತಿರುವ ವಿಡಿಯೋ ಶೇರ್​ ಮಾಡಿದ್ದಾರೆ. ಈ ವಿಡಿಯೋವನ್ನು ಬರೋಬ್ಬರಿ ಮೂರು ಲಕ್ಷ ಜನ ನೋಡಿದ್ದಾರೆ.

ರವೀನಾ ಡ್ಯಾನ್ಸ್​ಅನ್ನು ಅವರ ಸಾಕು ನಾಯಿ ಮತ್ತು ಬೆಕ್ಕುಗಳಾದ ಪೂಮಾ ಹಾಗೂ ಲೂಸಿಫರ್​​​ ನೋಡುತ್ತಾ ಕುಳಿತಿವೆ.

ಇನ್ನು ಕೋವಿಡ್​​ 19 ಬಗ್ಗೆ ಮಾತನಾಡಿರುವ ಬಾಲಿವುಡ್​ ಬೆಡಗಿ, ಕೊರೊನಾ ಬಗ್ಗೆ ಯಾರೂ ವದಂತಿಗಳನ್ನು ಹರಿಬಿಡಬೇಡಿ. ಸತ್ಯಾಂಶಗಳನ್ನು ಮಾತ್ರ ತಿಳಿಸಿ ಎಂದಿದ್ದಾರೆ.

ರವೀನಾ ಅವರು ರಾಕಿಂಗ್​ ಸ್ಟಾರ್​​ ಯಶ್​​ ಅಭಿನಯದ ಕೆಜಿಎಫ್​​ ಚಾಪ್ಟರ್​​ 2 ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.