ಕಾಲಿವುಡ್​ಗೂ ಕಾಲಿಟ್ಟ ಕಿರಿಕ್ ಬೆಡಗಿ.. ತಮಿಳು ಸ್ಟಾರ್​ ನಟನ ಚಿತ್ರಕ್ಕೆ ರಶ್ಮಿಕಾ ನಾಯಕಿ

ಈ ಹಿಂದೆ ವಿಜಯ್ ಜೊತೆಗೆ ರಶ್ಮಿಕಾ ತೆರೆಹಂಚಿಕೊಳ್ಳಲಿದ್ದಾಳೆ ಎನ್ನುವ ಸುದ್ದಿ ಹರಿದಾಡಿತ್ತು. ಈ ನ್ಯೂಸ್ ಬಂದಷ್ಟೇ ವೇಗವಾಗಿ ಮೂಲೆ ಸೇರಿತ್ತು.

ಕಿರಿಕ್ ಪಾರ್ಟಿ ಸಿನಿಮಾ ನಂತರ ಪರಭಾಷಾ ಚಿತ್ರಗಳಲ್ಲಿ ಸಖತ್ ಡಿಮ್ಯಾಂಡ್ ಹೊಂದಿರುವ ರಶ್ಮಿಕಾ ಮಂದಣ್ಣ ಸದ್ಯ ತಮಿಳು ಚಿತ್ರರಂಗಕ್ಕೆ ಕಾಲಿಡುವ ಸುದ್ದಿ ಕನ್ಫರ್ಮ್​ ಆಗಿದೆ.

ಇದೀಗ ಕಿರಿಕ್ ಬೆಡಗಿ ಸಾನ್ವಿ ತಮಿಳಿನ ಖ್ಯಾತ ಕಾರ್ತಿ ಅಭಿನಯದ ಮುಂದಿನ ಚಿತ್ರಕ್ಕೆ ನಾಯಕಿಯಾಗಿ ಆಯ್ಕೆಯಾಗಿದ್ದಾಳೆ.

ಶಿವಕಾರ್ತಿಕೇಯನ್ ನಟನೆಯ ಸೂಪರ್​ಹಿಟ್ ಸಿನಿಮಾ ರೆಮೋ ನಿರ್ದೇಶನ ಮಾಡಿದ್ದ ಬಕ್ಕಿಯರಾಜ್ ಕಣ್ಣನ್, ಕಾರ್ತಿ ಸಿನಿಮಾಗೆ ಆ್ಯಕ್ಷನ್ ಕಟ್ ಹೇಳಲಿದ್ದಾರೆ.

ಕಾರ್ತಿಯ ಹೊಸ ಸಿನಿಮಾ ದೇವ್ ಕೆಲ ವಾರಗಳ ಹಿಂದೆ ತೆರೆಗೆ ಬಂದಿದ್ದು, ಚಿತ್ರ ಗಲ್ಲಾಪೆಟ್ಟಿಗೆಯಲ್ಲಿ ನೀರಸ ಪ್ರದರ್ಶನ ತೋರಿದೆ. ಈ ಸೋಲಿನ ಬಳಿಕ ಕಾರ್ತಿ ದೊಡ್ಡ ಬ್ರೇಕ್​ನ ನಿರೀಕ್ಷೆಯಲ್ಲಿದ್ದು, ಮುಂಬರುವ ಚಿತ್ರಕ್ಕೆ ನಾಯಕಿ ಫೈನಲ್ ಆಗಿದ್ದು ಟೈಟಲ್ ಇನ್ನೂ ಅಂತಿಮವಾಗಿಲ್ಲ.