ಇದೀಗ ಎಲ್ಲಾ ಕಡೆ ರೈತ ಪರ ಹೋರಾಟದ ಬಗ್ಗೆ ಟ್ವೀಟ್ ವಾರ್ ನಡೆಯುತ್ತಿದೆ. ಅದ್ರಲ್ಲೂ ರಿಹನ್ನ ಟ್ವೀಟ್ ಮಾಡಿದ ನಂತ್ರ ಬಾಲಿವುಡ್ ತಾರೆಯರ ಟ್ವೀಟ್ ಜಟಾಪಟಿ ಜೋರಾಗಿಯೇ ನಡೆಯುತ್ತಿದೆ. ಬಾಲಿವುಡ್ನಲ್ಲಿ ಕೆಲವರು ಪರವಾಗಿ ವಾದ ಮಾಡಿದ್ರೆ ಮತ್ತೂ ಕೆಲವರು ರಿಹನ್ನಗೆ ವಿರೋಧ ವ್ಯಕ್ತ ಪಡಿಸುತ್ತಿದ್ದಾರೆ.
ಬಾಲಿವುಡ್ ಬೆನ್ನು ಮೂಳೆ ಭದ್ರವಾಗಿಲ್ಲ : ಟಾಂಗ್ ಕೊಟ್ಟ ರಮ್ಯಾ
ಬಾಲಿವುಡ್ ನಟ-ನಟಿಯರ ನಡೆಸುತ್ತಿರುವ ಟ್ವೀಟ್ ಬಗ್ಗೆ ನಟಿ ರಮ್ಯಾ ವ್ಯಂಗ್ಯವಾಡಿದ್ದಾರೆ. ಈ ಬಗ್ಗೆ ಟ್ವಿಟ್ ಮಾಡಿದ್ದು, ಬಾಲಿವುಡ್ಗೆ ಬೆನ್ನು ಮೂಳೆ ಇಲ್ಲ ಎಂದು ಕಿಡಿಕಾರಿದ್ದಾರೆ.
ಬಾಲಿವುಡ್ ಬೆನ್ನು ಮೂಳೆ ಭದ್ರವಾಗಿಲ್ಲ : ಟಾಂಗ್ ಕೊಟ್ಟ ರಮ್ಯಾ
ಇದರ ಬೆನ್ನಲ್ಲೆ ಪರಿಸರ ಹೋರಾಟಗಾರ್ತಿ ಗ್ರೆಟಾ ಟ್ವೀಟ್ ಒಂದನ್ನು ಮಾಡಿದ್ದು, ಶಾಂತಿಯುತ ಹೋರಾಟಕ್ಕೆ ಬೆಂಬಲವಾಗಿರುವುದಾಗಿ ಹೇಳಿರುವ ಅವರು, 'ಯಾವುದೇ ರೀತಿಯ ದ್ವೇಷ, ಬೆದರಿಕೆಗಳು ಅಥವಾ ಮಾನವ ಹಕ್ಕುಗಳ ಉಲ್ಲಂಘನೆಗಳು ಅದನ್ನು ಎಂದಿಗೂ ಬದಲಾಯಿಸುವುದಿಲ್ಲ ಎಂದಿದ್ದಾರೆ. ಇದಾದ ಮೇಲೆ ಗ್ರೇಟಾ ಮೇಲೆ ದೆಹಲಿ ಪೊಲೀಸರು ಎಫ್ಐಆರ್ ಕೂಡ ದಾಖಲಿಸಿದ್ದಾರೆ.
ಈ ಬಗ್ಗೆ ಟ್ವೀಟ್ ಮಾಡಿರುವ ಕನ್ನಡದ ನಟಿ ರಮ್ಯಾ, ಗ್ರೆಟಾ ಮಾಡಿದ್ದ ಟ್ವೀಟ್ ಅನ್ನು ಹಂಚಿಕೊಂಡು, 'ಬಾಲಿವುಡ್‌ಗಿಂತಲೂ ಹೆಚ್ಚು ಗಟ್ಟಿ ಬೆನ್ನುಮೂಳೆ ಇದೆ' ಎಂದಿದ್ದಾರೆ. ಈ ಮೂಲಕ ಬಾಲಿವುಡ್ಗೆ ಗಟ್ಟಿಯಾದ ಬೆನ್ನು ಮೂಳೆ ಇಲ್ಲ. ಅವರಿಗೆ ಹೋಲಿಸಿದ್ರೆ ಗ್ರೇಟಾ ತುಂಬಾ ಶಕ್ತಿಶಾಲಿ ಎಂದು ಬರೆದಿದ್ದಾರೆ ರಮ್ಯಾ. ಆ ಮೂಲಕ ಬಾಲಿವುಡ್‌ನ ಹಲವರಿಗೆ ಆತ್ಮಗೌರವ ಇಲ್ಲ, ಪುಕ್ಕಲರು ಎಂದು ಪರೋಕ್ಷವಾಗಿ ಹೇಳಿದ್ದಾರೆ.