ಅವನೇ ಶ್ರೀಮನ್ನಾರಾಯಣ ಚಿತ್ರದ ಮೂಲಕ ಕನ್ನಡ ಸಿನಿ ರಂಗದಲ್ಲಿ ಹೊಸ ಅಲೆಯನ್ನು ಸೃಷ್ಟಿ ಹಾಕಿರುವಂತಹ ನಟ ರಕ್ಷಿತ್ ಶೆಟ್ಟಿ ನಮ್ ಏರಿಯಾದಲ್ಲೊಂದು ದಿನ ಸಿನಿಮಾದ ಮೂಲಕ ಬಣ್ಣದ ಲೋಕಕ್ಕೆ ಬಂದವರು. ಮನೋಜ್ಞ ಅಭಿನಯದ ಮೂಲಕ ಮನ ಸೆಳೆದಿರುವ ರಕ್ಷಿತ್, ಪ್ರೇಕ್ಷಕರಿಗೆ ಪರಿಚಿತರಾದುದು ಸಿಂಪಲ್ಲಾಗ್ ಒಂದು ಲವ್ ಸ್ಟೋರಿಯ ಕುಶಾಲ್ ಆಗಿ. ಮುಂದೆ ಉಳಿದವರು ಕಂಡಂತೆ, ಕಿರಿಕ್ ಪಾರ್ಟಿ, ಗೋಧಿ ಬಣ್ಣ ಸಾಧಾರಣ ಮೈಕಟ್ಟು, ವಾಸ್ತುಪ್ರಕಾರ ಸಿನಿಮಾಗಳಲ್ಲಿ ಅಭಿನಯಿಸಿದ ರಕ್ಷಿತ್ ಶೆಟ್ಟಿ ಇದೀಗ ಕಿರುತೆರೆಗೆ ಬರಲಿದ್ದಾರೆ.
ರಕ್ಷಿತ್ ಶೆಟ್ಟಿ ಯಾವ ಧಾರಾವಾಹಿಯಲ್ಲಿ ಅಭಿನಯಿಸುತ್ತಿಲ್ಲ. ಬದಲಿಗೆ ಜೀ ಕನ್ನಡ ವಾಹಿನಿಯಲ್ಲಿ ವಾರಾಂತ್ಯದಲ್ಲಿ ಪ್ರಸಾರವಾಗುತ್ತಿರುವ ಹೊಚ್ಚ ಹೊಸ ರಿಯಾಲಿಟಿ ಶೋ ಕಾಫಿ ವಿತ್ ಅನು ಕಾರ್ಯಕ್ರಮದಲ್ಲಿ ಅತಿಥಿಯಾಗಿ ಭಾಗವಹಿಸುತ್ತಿದ್ದಾರೆ. ಕಾಫಿ ವಿತ್ ಅನುವಿನಲ್ಲಿ ಅನುಶ್ರೀಯೊಂದಿಗೆ ಕಾಫಿ ಕುಡಿಯುತ್ತಾ ಒಂದಷ್ಟು ಸಮಯವನ್ನು ಸಂತಸದಿಂದ ಕಳೆದಿದ್ದಾರೆ.