ಕನ್ನಡದ ಟೀಸರ್ ಮತ್ತು ಟ್ರೇಲರ್ಗಳು ಬೇರೆ ಭಾಷೆಗಳಲ್ಲಿ ದೊಡ್ಡ ಹವಾ ಎಬ್ಬಿಸುತ್ತಿವೆ. ಶುಕ್ರವಾರವಷ್ಟೇ ಶ್ರೀಮುರಳಿ ಅಭಿನಯದ 'ಮದಗಜ' ಮತ್ತು ಧ್ರುವ ಸರ್ಜಾ ಅಭಿನಯದ 'ಪೊಗರು' ಚಿತ್ರದ ತೆಲುಗು ಟೀಸರ್ಗಳು ಬಿಡುಗಡೆಯಾಗಿವೆ. ಈ ಪೈಕಿ ಧ್ರುವ ಸರ್ಜಾ, ಶ್ರೀಮುರಳಿ ಅವರನ್ನು ಹಿಂದಿಕ್ಕಿ ಸಖತ್ ಹವಾ ಎಬ್ಬಿಸಿದ್ದಾರೆ.
'ಮದಗಜ' ಚಿತ್ರದ ಟೀಸರ್ ಮೊದಲು ಬಿಡುಗಡೆಯಾಯಿತು. ಶುಕ್ರವಾರ ಬೆಳಗ್ಗೆ 10:10ಕ್ಕೆ ಯೂಟ್ಯೂಬ್ನ ಆನಂದ್ ಆಡಿಯೋದ ಚಾನಲ್ನಲ್ಲಿ ಬಿಡುಗಡೆಯಾಯಿತು. ಇನ್ನು, 'ಪೊಗರು' ಚಿತ್ರದ ತೆಲುಗು ಟೀಸರ್ ಅದಾಗಿ ಎರಡು ಗಂಟೆಗಳ ನಂತರ ಬಿಡುಗಡೆಯಾಯಿತು.
ಇದೀಗ ಒಂದು ದಿನದ ನಂತರ 'ಪೊಗರು' ಚಿತ್ರದ ಟೀಸರ್ ನಾಲ್ಕು ಲಕ್ಷಕ್ಕೂ ಹೆಚ್ಚು ಹಿಟ್ಸ್ ಪಡೆದ್ರೆ, 'ಮದಗಜ' ಚಿತ್ರದ ಟೀಸರ್ ಒಂದು ಪ್ಲಸ್ ಲಕ್ಷ ಹಿಟ್ಸ್ ಪಡೆದಿದೆ. ಈ ಮೂಲಕ ಧ್ರುವ ಸರ್ಜಾ ಈ ರೇಸ್ನಲ್ಲಿ ಮುಂದಿದ್ದಾರೆ.
ಇದನ್ನೂ ಓದಿ : ‘ಒನ್ ಕಟ್, ಟೂ ಕಟ್’ ಚಿತ್ರದ ಮೂಲಕ ಮತ್ತೆ ಒಂದಾದ ಪುನೀತ್ - ಡಾನಿಷ್ ಸೇಠ್
ಶ್ರೀಮುರಳಿ ಮತ್ತು ಧ್ರುವ ಸರ್ಜಾ ಅವರ ಚಿತ್ರಗಳು ಈ ಹಿಂದೆ ತೆಲುಗು ಭಾಷೆಗಳಿಗೆ ಡಬ್ ಆಗಿದ್ದರೂ, ಇದೇ ಮೊದಲ ಬಾರಿಗೆ ಕನ್ನಡದ ಚಿತ್ರಗಳು ಬಿಡಗುಡೆಯಾಗುವುದಕ್ಕಿಂತ ಮುಂಚೆಯೇ ಡಬ್ ಆಗಿ, ಕನ್ನಡದ ಜೊತೆಗೆ ಏಕಕಾಲಕ್ಕೆ ಬಿಡುಗಡೆಯಾಗುತ್ತಿವೆ. ಹಾಗಾಗಿ, ಈ ಎರಡೂ ಚಿತ್ರಗಳು, ಇಬ್ಬರು ಸ್ಟಾರ್ಗಳ ಪಾಲಿಗೆ ಬಹಳ ಮಹತ್ವದ್ದಾಗಿವೆ.