ಅಂಧತ್ವ ಮೆಟ್ಟಿನಿಂತ ಪಿಯಾನೋ ವಿಶ್ವನಾಥ್​​ಗೆ ಯುವರಾಜ ಫಿದಾ!

ನಿಖಿಲ್​ ಕುಮಾರಸ್ವಾಮಿಯ ಅಂಧ ಅಭಿಮಾನಿಯೊಬ್ಬರು ಸೀತಾರಾಮ ಕಲ್ಯಾಣ ಸಿನಿಮಾ ಹಾಡಿಗೆ ಪಿಯಾನೋ ನುಡಿಸಿದ್ದಾರೆ. ಈ ಕಲೆಗೆ ನಿಖಿಲ್​​ ಫಿದಾ ಆಗಿದ್ದಾರೆ..

ನಟ ನಿಖಿಲ್​​ ಕುಮಾರಸ್ವಾಮಿ ಪಿಯಾನೋ ವಿಶ್ವನಾಥ್ ಎಂಬುವರ ಪ್ರತಿಭೆಗೆ ಫಿದಾ ಆಗಿದ್ದಾರೆ. ಒಂದು ಅಚ್ಚರಿ ಸಂಗತಿ ಅಂದ್ರೆ ಎರಡು ಕಣ್ಣು ಕಾಣದ ವಿಶ್ವನಾಥ್, ನಿಖಿಲ್ ಕುಮಾರಸ್ವಾಮಿ ನಟನೆಯ ಸೀತಾರಾಮ ಕಲ್ಯಾಣ ಸಿನಿಮಾದ ಹಾಡನ್ನ ಬಹಳ ಅದ್ಭುತವಾಗಿ ನುಡಿಸಿದ್ದಾರೆ‌.

ಪ್ರತಿಭೆಗೆ ಅಂಧತ್ವ ಅಡ್ಡಿಯಲ್ಲ ಎಂಬುದು ಈ ಪಿಯಾನೋ ವಿಶ್ವನಾಥ್ ನೋಡಿದ್ರೆ ಗೊತ್ತಾಗುತ್ತೆ. ಹೀಗಾಗಿ ನಿಖಿಲ್, ವಿಶ್ವನಾಥ್ ಹಾಕಿರುವ ಟ್ಯೂನ್​​ಗೆ ಮನ ಸೋತಿದ್ದಾರೆ‌.

ಈ ಬಗ್ಗೆ ಹೇಳಿರುವ ನಿಖಿಲ್​​, ಕಣ್ಣಿಲ್ಲದಿದ್ದರೂ ಅಪೂರ್ವ ಪ್ರತಿಭೆಯಾಗಿರುವ ವಿಶ್ವನಾಥ್, ಹಾಸನದ ಈಜಿಪುರದವರಂತೆ. ಇಂದು ಆಕಸ್ಮಿಕವಾಗಿ ಭೇಟಿಯಾಯಿತು. ಇವರು ಇಂಪಾಗಿ ನುಡಿಸೋ ಪಿಯಾನೋ‌ಗೆ ನಾನು ಮನಸೋತಿರುತ್ತೇನೆ. ದೈಹಿಕ ನ್ಯೂನತೆಗಳಿದ್ದರೂ ಸಾಧಿಸುವ ಛಲವಿರುವವರಿಗೆ ಯಾವುದು ಅಡ್ಡಿಯಾಗುವುದಿಲ್ಲ.

ಇವರ ಸಾಧನೆ ವಿಕಲಚೇತನರಿಗೆ ಅಲ್ಲ ಎಲ್ಲರಿಗೂ ನೀವು ಸ್ಫೂರ್ತಿ ಅಂತಾ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.