ಬಿಗ್ಬಾಸ್ ಮನೆಯಲ್ಲಿ ಅಸಮಾಧಾನದ ಹೊಗೆ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದೆ. ನಿಧಿ ಸುಬ್ಬಯ್ಯ ಸೇರಿದಂತೆ ಮನೆಯ ಹಲವು ಸದಸ್ಯರು ಪ್ರಶಾಂತ್ ಸಂಬರ್ಗಿ ವಿರುದ್ಧ ಅಸಮಾಧಾನಗೊಂಡಿದ್ದಾರೆ.
ಪ್ರಶಾಂತ್ ಸಂಬರ್ಗಿ ಮನೆಯವರಿಗಾಗಿ ತುಪ್ಪ ಉಪಯೋಗಿಸಿ ಹೊಸ ಅಡುಗೆ ಮಾಡಿದ್ದಾರೆ. ಶುಭಾ ಪೂಂಜಾ, ನಿಧಿ, ಚಂದ್ರಕಲಾ ಮೋಹನ್ ಮನೆಯಲ್ಲಿರುವ ತುಪ್ಪ ಖಾಲಿ ಆಗಿದೆ ಎಂದು ಹೇಳಿದ್ದಾರೆ. ಈ ವೇಳೆ ಮನೆ ಮಂದಿ ಎಲ್ಲ ಪ್ರಶಾಂತ್ ಮಾಡಿಕೊಟ್ಟಿರುವ ತಿಂಡಿಯನ್ನು ತಿಂದು ಮತ್ತೆ ತುಪ್ಪವನ್ನು ಖಾಲಿ ಮಾಡಿದ್ದೀರಾ ಎಂದು ಬೆರಳು ಮಾಡಿ ತೋರಿಸಿದ್ದಾರೆ. ಒಬ್ಬರು ಒಂದೊಂದು ರೀತಿಯಾಗಿ ಮಾತನಾಡಿದ್ದಾರೆ. ಸಂಬರಗಿ ಮಾತ್ರ ನಾನು ತುಪ್ಪವನ್ನು ಬಳಕೆಯೆ ಮಾಡಿಲ್ಲ ಎಂದು ಜಾರಿಕೊಂಡ್ರು.
ಇನ್ನು ಎಲ್ಲ ಸ್ಪರ್ಧಿಗಳನ್ನು ನಾಮಿನೇಟ್ ಮಾಡಿದ ಬಳಿಕ ಬಿಗ್ ಬಾಸ್ ಚದುರಂಗದಾಟದ ಮೂಲಕ ಸ್ಪರ್ಧಿಗಳಿಗೆ ಕ್ಯಾಪ್ಟೆನ್ಸಿ ಕಂಟೆಂಡರ್ ಟಾಸ್ಕ್ ನೀಡಿದ್ದರು. ಇದಕ್ಕೂ ಮುನ್ನ ತಮಗೆ ಯಾರು ಪ್ರತಿಸ್ಪರ್ಧಿ, ಯಾರು ಪ್ರತಿಸ್ಪರ್ಧಿ ಅಲ್ಲ ಎಂಬ ಬಗ್ಗೆ ಆಯ್ಕೆಯ ಅವಕಾಶ ನೀಡಿದ್ದರು. ಸ್ಪರ್ಧಿಗಳ ಆಯ್ಕೆಯ ಆಧಾರದ ಮೇಲೆ ಬಿಳಿ ಮತ್ತು ಕಪ್ಪು ತಂಡಗಳನ್ನು ರಚಿಸಲಾಗಿದ್ದು, ಚದುರಂಗದಾಟದಲ್ಲಿ ಶಮಂತ್ ಹಾಗೂ ಪ್ರಶಾಂತ್ ಆಟದಿಂದ ಹೊರ ಹೋಗಿದ್ದಾರೆ.
ಶಂಕರ್ ಅವರು ನೀಡಿದ ಟಾಸ್ಕ್ನಲ್ಲಿ ಶಮಂತ್ ಉತ್ತಮವಾಗಿ ಆಡಿದರೂ ಕೂಡ ಒಂದು ಪ್ರಶ್ನೆಗೆ ಉತ್ತರಿಸುವಲ್ಲಿ ಸೋತು ಹೊರಹೋಗಿದ್ದಾರೆ. ರಾಜೀವ್ ಕೂಡ ಬಾಸ್ಕೆಟ್ ಬಾಲ್ ಆಟದಲ್ಲಿ ಸೋತು ನಿರ್ಗಮಿಸಿದರು. ಹಾಗೆಯೇ, ಚಂದ್ರಕಲಾ ನೀಡಿದ ಚೆಕ್ ಮೇಟ್ ಗೆ ಪ್ರಶಾಂತ್ ಚೆಂಡನ್ನು ಎತ್ತಿ ಹಾಕುವಲ್ಲಿ ವಿಫಲರಾದರು. ಹೀಗಾಗಿ ನಿನ್ನೆ ನಡೆದ ಆಟದಲ್ಲಿ ಕಪ್ಪು ಹಾಗೂ ಬಿಳುಪು ತಂಡದ ಕೆಲ ಸದಸ್ಯರು ಹೊರಹೋಗಿದ್ದಾರೆ.
