ಇತ್ತೀಚೆಗೆ ಬೀಚ್ ವೊಂದರಲ್ಲಿ ಬಿಕಿನಿಯಲ್ಲಿ ಕಾಣಿಸಿಕೊಂಡಿದ್ದ ಶುಭ್ರಾ ಅಯ್ಯಪ್ಪ ಟ್ರೋಲ್ಗೆ ಒಳಗಾಗಿದ್ದರು. ಕೆಲವರು ಈ ದೃಶ್ಯ ಕಂಡು ಕೆಟ್ಟದಾಗಿ ಕಾಮೆಂಟ್ ಮಾಡುವ ಮೂಲಕ ನಟಿಯ ಕಾಲೆಳೆದಿದ್ದರು. ಬಿಕಿನಿ ತೊಟ್ಟ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ಭಾರಿ ಸುದ್ದಿಯಾಗಿತ್ತು.
ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ತಮ್ಮ ಕಾಲೆಳೆದ ನಿಟ್ಟಿಗರ ವಿರುದ್ಧ ಸಿಡಿದೆದ್ದಿರುವ ಶುಭ್ರಾ ಅಯ್ಯಪ್ಪ, ಪೊಲೀಸ್ ಮೆಟ್ಟಿಲು ಏರಿದ್ದಲ್ಲದೇ ಇನ್ಸ್ಟಾಗ್ರಾಮ್ನಲ್ಲಿ ಪೋಸ್ಟ್ವೊಂದನ್ನು ಹಾಕುವ ಮೂಲಕ ಬಾಯಿ ಮುಚ್ಚಿಸಿದ್ದಾರೆ.
ಹೌದು, ನಾನು ನಟಿ, ಹೌದು ನಾನು ಮಾಡೆಲ್ ಸಾರ್ವಜನಿಕ ಜೀವನದಲ್ಲಿರುವಂಥದ್ದನ್ನು ಆಯ್ಕೆ ಮಾಡಿಕೊಂಡಿದ್ದೇನೆ. ಆದರೆ, ನಾನು ಸಾರ್ವಜನಿಕ ಸ್ವತ್ತಲ್ಲ ಎಂದು ಪೋಸ್ಟ್ ಮಾಡುವ ಮೂಲಕ ನೆಟ್ಟಿಗರ ಹರಕು-ಮುರುಕು ಕಾಮೆಂಟ್ಗೆ ಟಾಂಗ್ ಕೊಟ್ಟಿದ್ದಾಳೆ.
ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದ ಬಿಕಿನಿ ತೊಟ್ಟ ವಿಡಿಯೋಗೆ ಕೆಲ ಕಿಡಿಗೇಡಿಗಳು ಆಕೆಯ ಕೆಲವು ಹಾಟ್ ಪೋಟೋಗಳನ್ನು ಜೋಡಿಸಿ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡು ಕೆಟ್ಟದ್ದಾಗಿ ಕಾಮೆಂಟ್ ಮಾಡಿದ್ದರು.
ಕಿಡಿಗೇಡಿಗಳು ಎಸಗಿದ ಈ ಕೃತ್ಯಕ್ಕೆ ಕೆಂಡಮಂಡಲರಾಗಿರುವ ಶುಭ್ರಾ ಅಯ್ಯಪ್ಪ, ತನ್ನ ವೈಯಕ್ತಿಕ ಜೀವನಕ್ಕೆ ಧಕ್ಕೆಯುಂಟಾಗಿದೆ ಎಂದು ಆರೋಪಿಸಿ ಸೈಬರ್ ಕ್ರೈಂ ಠಾಣೆ ಮೆಟ್ಟಿಲೇರಿದ್ದಾರೆ. 'ವಜ್ರಕಾಯ' ಸಿನಿಮಾದಲ್ಲಿ ತೆರೆ ಹಂಚಿಕೊಂಡಿರುವ ಶುಭ್ರಾ, ಸಿನಿಮಾಗಿಂತ ಹೆಚ್ಚಾಗಿ ಬೋಲ್ಡ್ ಫೋಟೊ ಶೂಟ್ಗಳಿಂದಲೇ ಸದ್ದು ಮಾಡುತ್ತಿದ್ದಾರೆ.
