2ನೇ ಮಗುವಿನ ನಿರೀಕ್ಷೆಯಲ್ಲಿ ಕರೀನಾ-ಸೈಫ್​ ಅಲಿ ದಂಪತಿ: ಕರೀನಾ ಮತ್ತೆ ಗರ್ಭಿಣಿ!

ಬಾಲಿವುಡ್​ನ ತಾರಾ ದಂಪತಿಗಳಾಗಿರುವ ಸೈಫ್​ ಅಲಿ ಖಾನ್​ ಹಾಗೂ ಕರೀನಾ ಕಪೂರ್​ ಖಾನ್​ ಜೋಡಿ ಇದೀಗ ಮತ್ತೊಂದು ಗುಡ್​ನ್ಯೂಸ್​ ನೀಡಿದೆ.

ನವದೆಹಲಿ: ಬಾಲಿವುಡ್​ ನಟಿ ಕರೀನಾ ಕಪೂರ್​​ ಖಾನ್​ ಹಾಗೂ ನಟ ಸೈಫ್​ ಅಲಿ ಖಾನ್​ ಇದೀಗ ಮತ್ತೋಮ್ಮೆ ತಂದೆ-ತಾಯಿಯಾಗಲಿದ್ದು, ಕರೀನಾ ಎರಡನೇ ಮಗುವಿಗೆ ಜನ್ಮ ನೀಡಲಿದ್ದಾರೆ.

ಇದಕ್ಕೆ ಸಂಬಂಧಿಸಿದಂತೆ ಉಭಯ ತಾರೆಯರ ಮ್ಯಾನೇಜರ್​ ಜಂಟಿ ಹೇಳಿಕೆ ರಿಲೀಸ್​ ಮಾಡಿದ್ದು, ಕರೀನಾ ಕಪೂರ್​ ಖಾನ್​ ಗರ್ಭಿಣಿಯಾಗಿದ್ದಾರೆ. ಹೀಗಾಗಿ ಪಟೌಡಿ ಕುಟುಂಬಕ್ಕೆ ಶೀಘ್ರದಲ್ಲೇ ಮತ್ತೋರ್ವ ಸದಸ್ಯನ ಎಂಟ್ರಿ ಆಗಲಿದೆ.

2012ರಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿರುವ ಕರೀನಾ-ಸೈಫ್​ಗೆ 2016ರಲ್ಲಿ ತೈಮೂರ್​ ಜನಿಸಿದ್ದಾನೆ. ಈಗಾಗಲೇ ಆತನಿಗೆ 4 ವರ್ಷ ತುಂಬಲಿದ್ದು, ಇದರ ಮಧ್ಯೆ ಮತ್ತೊಂದು ಸಂತೋಷದ ವಿಚಾರ ಹಂಚಿಕೊಂಡಿದ್ದಾರೆ.

ಈಗಾಗಲೇ ಅಮೃತಾ ಸಿಂಗ್​ ಜೊತೆ ಮೊದಲ ಮದುವೆ ಮಾಡಿಕೊಂಡಿರುವ ಸೈಫ್​ ಅಲಿ ಖಾನ್​ಗೆ ಇಬ್ಬರು ಮಕ್ಕಳಿದ್ದಾರೆ.