ಜಗ್ಗೇಶ್ ಆಡಿಯೋ ವಿವಾದದ ನಂತರ ಅವರು ವಿಖ್ಯಾತ್ ನಿರ್ಮಾಣದಲ್ಲಿ ನಟಿಸಬೇಕಿದ್ದ 'ರಂಗನಾಯಕ' ಸಿನಿಮಾ ಮುಂದುವರೆಯುವೋ ಇಲ್ಲವೋ ಎಂಬ ಅನುಮಾನ ಎಲ್ಲರಿಗೂ ಕಾಡಿತ್ತು. ಆದರೆ "ಯಾವುದೇ ಕಾರಣಕ್ಕೂ ಸಿನಿಮಾ ನಿಲ್ಲುವುದಿಲ್ಲ, ಸಿನಿಮಾ ಖಂಡಿತ ಮುಂದುವರೆಯಲಿದೆ" ಎಂದು ನಿರ್ದೇಶಕ ಗುರುಪ್ರಸಾದ್ ಸ್ಪಷ್ಟಪಡಿಸಿದ್ದಾರೆ.
ಯಾವುದೇ ಕಾರಣಕ್ಕೂ 'ರಂಗನಾಯಕ' ನಿಲ್ಲುವುದಿಲ್ಲ...ನಿರ್ದೇಶಕ ಗುರುಪ್ರಸಾದ್`
'ರಂಗನಾಯಕ' ಸೆಟ್ ಕೆಲಸಗಳು ನಡೆಯುತ್ತಿದ್ದು ಮುಂದಿನ ತಿಂಗಳು ಚಿತ್ರೀಕರಣ ಪ್ರಾರಂಭವಾಗುವ ಸಾಧ್ಯತೆ ಇದೆ, ಯಾವುದೇ ಕಾರಣಕ್ಕೂ ಸಿನಿಮಾ ನಿಲ್ಲುವುದಿಲ್ಲ. ಈ ಪಾತ್ರಕ್ಕೆ ಜಗ್ಗೇಶ್ ಅವರೇ ಸೂಕ್ತವಾದ ವ್ಯಕ್ತಿ ಎಂದು ನಿರ್ದೇಶಕ ಗುರುಪ್ರಸಾದ್ ಸ್ಪಷ್ಟಪಡಿಸಿದ್ದಾರೆ.
'ರಂಗನಾಯಕ'
ಇದನ್ನೂ ಓದಿ:ರಿಷಭ್ ಶೆಟ್ಟಿ 'ಹೀರೋ' ಚಿತ್ರಕ್ಕೆ ಪ್ರೇಕ್ಷಕರ ಪ್ರತಿಕ್ರಿಯೆ ಹೇಗಿದೆ...?
ಇತ್ತೀಚೆಗೆ ಜಗ್ಗೇಶ್ ವಿಖ್ಯಾತ್ ಜೊತೆ ಮಾತನಾಡಿದ್ದಾರೆ ಎನ್ನಲಾದ ಆಡಿಯೋವೊಂದು ವೈರಲ್ ಆಗಿ ಬಹಳ ವಿವಾದ ಸೃಷ್ಟಿಸಿತ್ತು. ಈ ಆಡಿಯೋವನ್ನು ನಿರ್ಮಾಪಕ ವಿಖ್ಯಾತ್ ಅವರೇ ರಿವೀಲ್ ಮಾಡಿರಬೇಕೆಂಬ ಅನುಮಾನ ಕೂಡಾ ಕಾಡಿತ್ತು. ಆದರೆ ವಿಖ್ಯಾತ್ ಮಾತ್ರ, ಇದಕ್ಕೂ ನನಗೂ ಯಾವುದೇ ಸಂಬಂಧವಿಲ್ಲ ಎಂದು ಸ್ಪಷ್ಟಪಡಿಸಿದ್ದರು. ಕೊನೆಗೆ ವಿವಾದ ತಣ್ಣಗಾಯಿತು. ಆದರೂ ವಿಖ್ಯಾತ್ ಮೇಲೆ ಜಗ್ಗೇಶ್ ಬೇಸರ ಮಾಡಿಕೊಂಡಿರುವುದು ನಿಜ. ಇಷ್ಟೆಲ್ಲಾ ರಾದ್ಧಾಂತವಾದ ನಂತರ ಕೂಡಾ ವಿಖ್ಯಾತ್ ಹಾಗೂ ಜಗ್ಗೇಶ್ ಜೊತೆ ಸೇರಿ ಮೊದಲಿನಂತೆ ಕೆಲಸ ಮಾಡಲು ಸಾಧ್ಯವಾ ಎಂಬ ಪ್ರಶ್ನೆ ಎಲ್ಲರಿಗೂ ಎದುರಾಗಿತ್ತು. ಈ ಬಗ್ಗೆ ಇತ್ತೀಚೆಗೆ ಕುಷ್ಕ ಚಿತ್ರದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ನಿರ್ದೇಶಕ ಗುರುಪ್ರಸಾದ್, "ಯಾವುದೇ ಕಾರಣಕ್ಕೂ ಚಿತ್ರ ನಿಲ್ಲುವುದಿಲ್ಲ. ಈ ಕಥೆಗೆ ಜಗ್ಗೇಶ್ ಅವರೇ ಸೂಕ್ತವಾದ ವ್ಯಕ್ತಿ. ಸದ್ಯಕ್ಕೆ ಚಿತ್ರದ ಸೆಟ್ ಕೆಲಸಗಳು ನಡೆಯುತ್ತಿದ್ದು, ಮುಂದಿನ ತಿಂಗಳು ಚಿತ್ರ ಪ್ರಾರಂಭವಾಗುವ ಸಾಧ್ಯತೆ ಇದೆ" ಎಂದು ಹೇಳಿಕೊಂಡಿದ್ದಾರೆ. ಆದರೆ ಸಿನಿಮಾವನ್ನು ವಿಖ್ಯಾತ್ ಅವರೇ ನಿರ್ಮಿಸಲಿದ್ದಾರಾ ಎಂಬುದು ಮಾತ್ರ ಇನ್ನೂ ಪ್ರಶ್ನೆಯಾಗೇ ಉಳಿದಿದೆ.