ಇತರರನ್ನು ಸ್ವಾಗತಿಸಲು ನಮಸ್ಕರಿಸಿ ಅಂತಿದ್ದಾರೆ ದೀಪಿಕಾ ದಾಸ್​​​!

ಬಿಗ್​ ಬಾಸ್​​ ಖ್ಯಾತಿಯ ದೀಪಿಕಾ ದಾಸ್​​ ಕೋವಿಡ್​​ 19(ಕೊರೊನಾ ವೈರೆಸ್​​) ತಡೆಗಟ್ಟುವ ಬಗ್ಗೆ ಇನ್​ಸ್ಟಾಗ್ರಾಮ್​ನಲ್ಲಿ ಕೆಲವು ಮಾಹಿತಿಯನ್ನು ಹಂಚಿಕೊಂಡಿದ್ದಾರೆ.

ಎಲ್ಲ ಕಡೆ ಕೇಳಿ ಬರುತ್ತಿರುವ ಒಂದೇ ಒಂದು ಮಾತು ಎಂದರೆ ಕೊರೊನಾ. ಕೊರೊನಾ ಬಗ್ಗೆ ಪೂರ್ತಿ ಮಾಹಿತಿ ಅರಿಯದ ಮಂದಿ ಭಯದಿಂದ ನಲುಗಿ ಹೋಗಿದ್ದಾರೆ. ಆದ್ರೆ ಈ ಬಗ್ಗೆ ಯಾರು ಕೂಡ ಹೆದರಬೇಕಾಗಿಲ್ಲ. ಬದಲಿಗೆ ಇದು ಬಾರದಂತೆ ತಡೆಯಲು ಕೆಲವೊಂದು ಮುಂಜಾಗ್ರತೆಯನ್ನು ಮಾಡಬೇಕು ಎಂದು ಕಿರುತೆರೆ ನಟಿ ದೀಪಿಕದಾಸ್​ ಹೇಳಿದ್ದಾರೆ.

ಬಿಗ್ ಬಾಸ್ ಬೆಡಗಿ ದೀಪಿಕಾ ದಾಸ್ ಕೊರೊನಾದ ಬಗ್ಗೆ ಮಾತನಾಡಿದ್ದು, ಎಚ್ಚರವಿರಲಿ ಭಯಬೇಡ. ವೈಯಕ್ತಿಕ ಸ್ವಚ್ಛತೆಯನ್ನು ಕಾಪಾಡಿಕೊಳ್ಳಿ. ಕೆಲಸದ ಸ್ಥಳವನ್ನು ಸ್ವಚ್ಛವಾಗಿಡಿ. ಸೋಂಕು ಪೀಡಿತರ ಸಂಪರ್ಕದಿಂದ ದೂರವಿರಿ. ಸರ್ಕಾದ ಆದೇಶಗಳನ್ನು ಪಾಲಿಸಿ ಎಂದು ಇನ್​ಸ್ಟಾಗ್ರಾಮ್​ನಲ್ಲಿ ಮನವಿ ಮಾಡಿದ್ದಾರೆ.