ವಿಜಯ್​ ದೇವರಕೊಂಡ ಪ್ಯಾನ್​ - ಇಂಡಿಯಾ ಸಿನಿಮಾದ ಟೈಟಲ್​​ನ ಫಸ್ಟ್​ ಲುಕ್​ ರಿಲೀಸ್​

ಪುರಿ ಜಗನ್ನಾಥ್ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ವಿಜಯ್ ದೇವರಕೊಂಡ ನಟನೆಯ ಸಿನಿಮಾದ ಸ್ಟನ್ನಿಂಗ್​ ಫಸ್ಟ್​ ಲುಕ್​ನೊಂದಿಗೆ ಟೈಟಲ್ ಬಿಡುಗಡೆ ಮಾಡಲಾಗಿದೆ.

ಹೈದರಾಬಾದ್​:ಅರ್ಜುನ್ ರೆಡ್ಡಿ ಖ್ಯಾತಿಯ ತೆಲುಗು ನಟ ವಿಜಯ್ ದೇವರಕೊಂಡ ಇದೀಗ ಪ್ಯಾನ್ - ಇಂಡಿಯಾ ಸಿನಿಮಾದೊಂದಿಗೆ ಪ್ರೇಕ್ಷಕರನ್ನು ಸೆಳೆಯಲು ಸಜ್ಜಾಗಿದ್ದಾರೆ. ಚಿತ್ರದ ಶೀರ್ಷಿಕೆ ಹಾಗೂ ಫಸ್ಟ್​ ಲುಕ್​ ರಿಲೀಸ್​ ಆಗಿದ್ದು, ಅಭಿಮಾನಿಗಳು ಫುಲ್​ ಖುಷ್​ ಆಗಿದ್ದಾರೆ.

ಸಿನಿಮಾದ ಟೈಟಲ್​​, ಫಸ್ಟ್​ ಲುಕ್​ ರಿಲೀಸ್​

ಪುರಿ ಜಗನ್ನಾಥ್ ನಿರ್ದೇಶನ ಹಾಗೂ ಧರ್ಮ ಪ್ರೊಡಕ್ಷನ್ಸ್ ಬ್ಯಾನರ್​ನಲ್ಲಿ ಮೂಡಿ ಬರುತ್ತಿರುವ ಸಿನಿಮಾಗೆ 'ಲೈಗರ್' ಎಂದು ​ಹೆಸರಿಡಲಾಗಿದೆ. ಬಾಲಿವುಡ್​ ನಟಿ ಅನನ್ಯಾ ಪಾಂಡೆ ಜೊತೆ ದೇವರಕೊಂಡ ಡ್ಯೂಯಟ್​ ಮಾಡಲಿದ್ದಾರೆ. ಚಿತ್ರದಲ್ಲಿ ದೇವರಕೊಂಡ ಸ್ಟಂಟರ್ ಪಾತ್ರವನ್ನು ನಿರ್ವಹಿಸಲಿದ್ದು, ಇದಕ್ಕಾಗಿ ಅವರು ಥಾಯ್ಲೆಂಡ್​​‌ನಲ್ಲಿ ಮಾರ್ಷಲ್​​ ಆರ್ಟ್​ ತರಬೇತಿ ಪಡೆದಿದ್ದಾರೆ.

ಈ ಮೊದಲು 'ಫೈಟರ್' ಎಂದು ಈ ಸಿನಿಮಾಗೆ ಶೀರ್ಷಿಕೆ ನೀಡಲಾಗಿತ್ತು. ಆದರೆ, ಬಾಲಿವುಡ್​ನ ಹೃತಿಕ್ ರೋಷನ್ ಮತ್ತು ದೀಪಿಕಾ ಪಡುಕೋಣೆ ಜೊತೆಯಾಗಿ ನಟಿಸುತ್ತಿರುವ ಚಿತ್ರಕ್ಕೆ ಈಗಾಗಲೇ 'ಫೈಟರ್' ಎಂಬ ಟೈಟಲ್​ ಘೋಷಣೆಯಾಗಿದ್ದರಿಂದ 'ಲೈಗರ್' ಬದಲಾಯಿಸಲಾಗಿದೆ.

ವಿಜಯ್​ ದೇವರಕೊಂಡ - ಅನನ್ಯಾ ಪಾಂಡೆ

'ಲೈಗರ್' - ಹೆಸರು ಸೂಚಿಸುವಂತೆ ಚಿತ್ರದ ಫಸ್ಟ್​ ಲುಕ್​ನಲ್ಲಿ ​ವಿಜಯ್ ದೇವರಕೊಂಡ ಹಿಂಭಾಗದಲ್ಲಿ ಅರ್ಧ ಲಯನ್​ (ಸಿಂಹ) ಹಾಗೂ ಅರ್ಧ ಟೈಗರ್​ (ಹುಲಿ) ಇರುವುದನ್ನು ಕಾಣಬಹುದಾಗಿದೆ.