ಕೌಶಲ್ - ಕತ್ರಿನಾ ಕೈಫ್​ ವಿವಾಹ ಸುದ್ದಿಗೆ ನಟ ವಿಕ್ಕಿ ಪ್ರತಿಕ್ರಿಯಿಸಿದ್ದು ಹೀಗೆ..!

ವಿಕ್ಕಿ ಕೌಶಲ್ ಹಾಗೂ ನಟಿ ಕತ್ರಿನಾ ಕೈಫ್ ನಡುವೆ ಪ್ರೇಮಾಂಕುರವಾಗಿದ್ದು, ಸದ್ಯದಲ್ಲೇ ವಿವಾಹವಾಗಲಿದ್ದಾರೆ ಎಂಬ ಸುದ್ದಿ ಹರಿದಾಡುತ್ತಿದೆ. ಜೊತೆಗೆ ಎರಡೂ ಕಡೆಯ ಕುಟುಂಬಸ್ಥರು ಸಹ ಮಾತುಕತೆ ನಡೆಸಿದ್ದಾರೆ ಎನ್ನಲಾಗಿತ್ತು. ಈ ಬಗ್ಗೆ ಕೇಳಲಾದ ಪ್ರಶ್ನೆಗೆ ವಿಕ್ಕಿ ನಗುವಿನಲ್ಲೇ ಉತ್ತರಿಸಿದ್ದಾರೆ.

ಮುಂಬೈ: ಬಾಲಿವುಡ್ ಅಂಗಳದಲ್ಲಿ ಈಗ ಬಿಸಿ ಬಿಸಿ ಚರ್ಚೆಯಾಗ್ತಿರೋದು ನಟ ವಿಕ್ಕಿ ಕೌಶಲ್ (Actor Vicky Kaushal) ಹಾಗೂ ಕತ್ರಿನಾ ಕೈಫ್ (Katrina Kaif) ಮದುವೆ ಬಗ್ಗೆ. ಆದರೆ ಇಬ್ಬರಲ್ಲೂ ಈ ಸುದ್ದಿಗೆ ಯಾವುದೇ ಉತ್ತರವಿಲ್ಲ. ನಿನ್ನೆ ನಟಿ ಸಾರಾ ಅಲಿ ಖಾನ್ (Sara Ali Khan) ಜೊತೆ ಕಾಣಿಸಿಕೊಂಡ ವಿಕ್ಕಿಗೆ ಪತ್ರಕರ್ತರೊಬ್ಬರು ಈ ಬಗ್ಗೆ ಪ್ರಶ್ನೆ ಕೇಳಿದ್ದಾರೆ.

‘ವಿಕ್ಕಿ ಸರ್ ನಿಮ್ಮ ಮದುವೆ ಯಾವಾಗ..?’ ಎಂದಾಗ, ನಟ ವಿಕ್ಕಿ ಹಾಗೂ ಸಾರಾ ಅಲಿ ಖಾನ್ ನಗುತ್ತಾ ಮುಂದೆ ಸಾಗಿದ್ದಾರೆ. ಆದರೆ, ವರದಿಗಳ ಪ್ರಕಾರ ವಿಕ್ಕಿ ಮತ್ತು ಕತ್ರಿನಾ ಇದೇ ಡಿಸೆಂಬರ್​​​ನಲ್ಲಿ ವಿವಾಹವಾಗಲಿದ್ದಾರಂತೆ. ಹೀಗಂತ ಬಾಲಿವುಡ್​ನಲ್ಲಿ ಸುದ್ದಿ ಜೋರಾಗಿದ್ದು, ಇಬ್ಬರು ಸಹ ವಿವಾಹಕ್ಕೆ ಒಪ್ಪಿದ್ದಾರೆ ಎಂಬ ಸುದ್ದಿ ಹರಿದಾಡುತ್ತಿದೆ.

ದೀಪಾವಳಿ ವೇಳೆ ಕತ್ರಿನಾ ಆಪ್ತ ನಿರ್ದೇಶಕ ಕಬೀರ್ ಖಾನ್ (Director Kabir Khan) ಅವರ ನಿವಾಸದಲ್ಲಿ ಕತ್ರಿನಾ ತಾಯಿ ಸುಝೇನ್ ಹಾಗೂ ವಿಕ್ಕಿ ಕೌಶಲ್ ಪೋಷಕರ ಸಮ್ಮುಖದಲ್ಲೇ ಮಾತುಕತೆಯಾಗಿದೆ ಎಂಬ ಗುಸು ಗುಸು ಹರಿದಾಡುತ್ತಿದೆ.

ಆದರೆ, ಈ ಕುರಿತು ನಟ - ನಟಿಯ ಕಡೆಯಿಂದ ಯಾವುದೇ ಹೇಳಿಕೆಗಳು ಈವರೆಗೂ ಹೊರಬಿದ್ದಿಲ್ಲ. ಆದರೆ ಇವರಿಬ್ಬರು ವಿವಾಹವಾಗುವುದು ಖಚಿತ ಎಂಬುದಾಗಿ ಬಾಲಿವುಡ್ ಮಂದಿ ಮಾತನಾಡಿಕೊಳ್ಳುತ್ತಿದ್ದಾರೆ.

ಇದನ್ನೂ ಓದಿ:ದೇಶಕ್ಕೆ ನಿಜವಾದ ಸ್ವಾತಂತ್ರ್ಯ ಸಿಕ್ಕಿದ್ದು 2014 ರಲ್ಲಿ: ವಿವಾದಾತ್ಮಕ ಹೇಳಿಕೆ ಮೂಲಕ ಟ್ರೋಲ್​ಗೆ ಗುರಿಯಾದ ಕಂಗನಾ ರಣಾವತ್