ಬಾಲಿವುಡ್ ಲೈವ್‌ವೈರ್ ಸ್ಟಾರ್ ರಣವೀರ್ ಸಿಂಗ್ ಅವರ ಮುಂದಿನ ಚಿತ್ರ 'ಜಯೇಶ್‌ಭಾಯ್ ಜೋರ್ದಾರ್' ಮೇ 13 ರಂದು ತೆರೆಗೆ ಬರಲು ಸಿದ್ಧವಾಗಿದೆ. ಈ ಮೊದಲು ಚಿತ್ರವನ್ನು ಫೆಬ್ರವರಿಯಲ್ಲಿ ಬಿಡುಗಡೆ ಮಾಡಲು ಯೋಜಿಸಲಾಗಿತ್ತು. ಆದರೆ ನಾನಾ ಕಾರಣಗಳಿಂದ ಮುಂದೂಡಲಾಗಿತ್ತು. ಇದೀಗ ರಿಲೀಸ್ ಡೇಟ್ ಫಿಕ್ಸ್ ಆಗಿದೆ.
ಜಯೇಶ್‌ಭಾಯ್ ಪಾತ್ರದ ಬಗ್ಗೆ ವಿವರಣೆ ನೀಡಿರುವ ರಣವೀರ್ ಸಿಂಗ್, "ಜಯೇಶ್ ನೀವಂದುಕೊಂಡಂತೆ ಟಿಪಿಕಲ್ ಜೀವನದ ಹೀರೋ ಅಲ್ಲ, ಆದರೆ ಕಥೆಯ ಹಾದಿಯಲ್ಲಿ ಅವನು ಮಾಡಿದ್ದು ವೀರೋಚಿತವಾಗಿದೆ. ನಾನು ಆ ಪಾತ್ರಕ್ಕೆ ಆಕರ್ಷಿತನಾಗಿದ್ದೆ. ಈ ಚಿತ್ರದ ಭಾಗವಾಗಲು ನಾನು ಸ್ಥಳದಲ್ಲೇ ಒಪ್ಪಿಕೊಂಡೆ. ಜಯೇಶ್ ನಾನು ಹಿಂದೆಂದೂ ಪ್ರಯತ್ನಿಸದ ಪಾತ್ರವಾಗಿದೆ. ಅವನು ನಾಯಕನಾಗಿ ವಿಕಸನಗೊಳ್ಳುತ್ತಾನೆ ಮತ್ತು ಅವನ ಪಯಣ ಗಮನಾರ್ಹ ಮತ್ತು ನಿಜವಾಗಿಯೂ ಸೂಪರ್. ಅವನು ಅಸಾಂಪ್ರದಾಯಿಕ ಪ್ರಕಾರದ ಸೂಪರ್ ಹೀರೋ" ಎಂದು ಹೇಳಿದ್ದಾರೆ.