ಲಂಡನ್‌ನಲ್ಲಿ ಪತಿ ನಿಕ್ ಜತೆ ಹೋಳಿ ಆಚರಿಸಿದ ಪಿಗ್ಗಿ.. ಇಲ್ಲಿದೆ ಕಲರ್​ಫುಲ್​ ಫೋಟೋ

ಲಂಡನ್‌ನಲ್ಲಿ ಪತಿ ನಿಕ್ ಜೊನಾಸ್ ಮತ್ತು ಅತ್ತೆ-ಮಾವನ ಜತೆ ನಟಿ ಪ್ರಿಯಾಂಕಾ ಚೋಪ್ರಾ ಜೊನಾಸ್ ಹೋಳಿ ಆಚರಣೆ ಮಾಡಿದ್ದಾರೆ. ಈ ಬಗ್ಗೆ ಪಿಗ್ಗಿ ತಮ್ಮ ಅಧಿಕೃತ ಸೋಷಿಯಲ್​ ಮೀಡಿಯಾ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.

ಪ್ರಸ್ತುತ ಲಂಡನ್‌ನಲ್ಲಿರುವ ನಟಿ ಪ್ರಿಯಾಂಕಾ ಚೋಪ್ರಾ ಜೊನಾಸ್ ತಮ್ಮ ಅಮೆರಿಕನ್ ಪತಿ ನಿಕ್ ಜೊನಾಸ್ ಮತ್ತು ಅತ್ತೆ-ಮಾವನ ಜತೆ ಹೋಳಿ ಆಚರಣೆ ಮಾಡಿದ್ದಾರೆ.

ಇಂದು ಬೆಳಗ್ಗೆ, ಹೋಳಿ ಆಚರಣೆಯ ವರ್ಣರಂಜಿತ ಚಿತ್ರಗಳನ್ನು ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.

"ಹೋಳಿ ಬಣ್ಣಗಳ ಹಬ್ಬ. ಇದು ನನ್ನ ಮೆಚ್ಚಿನ ಹಬ್ಬಗಳಲ್ಲಿ ಒಂದಾಗಿದೆ" ಎಂದು ಪಿಗ್ಗಿ ಬರೆದಿದ್ದಾರೆ. "ನಾವೆಲ್ಲರೂ ಹೋಳಿ ಹಬ್ಬವನ್ನು ನಮ್ಮ ಪ್ರೀತಿಪಾತ್ರರೊಡನೆ ಆಚರಿಸೋಣ. ಎಲ್ಲರಿಗೂ ಹ್ಯಾಪಿ ಹೋಳಿ" ಎಂದು ಶುಭ ಕೋರಿದ್ದಾರೆ.

ಇದನ್ನೂ ಓದಿ:ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಬಿಗ್​ಬಾಸ್ ಚೈತ್ರಾ ಕೋಟೂರ್

ಕಳೆದ ವರ್ಷದಲ್ಲಿ ಇದೇ ಸಮಯದಲ್ಲಿ, ಪ್ರಿಯಾಂಕಾ ನಿಕ್ ಅವರೊಂದಿಗೆ ಭಾರತದಲ್ಲಿದ್ದರು ಮತ್ತು ಇಶಾ ಅಂಬಾನಿಯವರ ಹೋಳಿ ಪಾರ್ಟಿಯಲ್ಲಿ ಭಾಗವಹಿಸಿದ್ದರು.

ಪ್ರಿಯಾಂಕಾ ಅವರು ಇತ್ತೀಚೆಗೆ ಬಾಲಿವುಡ್ ಚಿತ್ರವೊಂದರಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂದು ಬಹಿರಂಗಪಡಿಸಿದ್ದಾರೆ. ಅಲ್ಲದೇ ನ್ಯೂಯಾರ್ಕ್​ನಲ್ಲಿ ಭಾರತೀಯ ಆಹಾರ ಪದ್ಧತಿಯುಳ್ಳ ಹೋಟೆಲ್​ವೊಂದನ್ನು ತೆರೆದಿದ್ದಾರೆ.