ಬಾಲಿವುಡ್ ನಟಿ ನೇಹಾ ಧೂಪಿಯಾ ಬೇಬಿ ಶವರ್ ಫೋಟೋ ಶೂಟ್!

ಎರಡನೇ ಮಗು ನಿರೀಕ್ಷೆಯಲ್ಲಿರುವ ಬಾಲಿವುಡ್ ನಟಿ ನೇಹಾ ಧೂಪಿಯಾ ಬೇಬಿ ಶವರ್ ಫೋಟೋ ಶೂಟ್ ಮಾಡಿಸಿಕೊಂಡಿದ್ದಾರೆ.

ಹೈದರಾಬಾದ್:ಬಾಲಿವುಡ್ ನಟಿ ಮತ್ತು ರೋಡೀಸ್ ಗ್ಯಾಂಗ್ ನಾಯಕಿ ನೇಹಾ ಧೂಪಿಯಾ ಎರಡನೇ ಮಗುವಿಗೆ ಗರ್ಭಿಣಿಯಾಗಿದ್ದಾರೆ. ಪತಿ ಅಂಗದ್ ಬೇಡಿ ಜತೆ ಬೇಬಿ ಶವರ್​ ಶೂಟ್​ ಮಾಡಿದ್ದು, ಇನ್​ಸ್ಟಾದಲ್ಲಿ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ.

ನೇಹಾ ಅವರ ವಿಡಿಯೋಗಳನ್ನು ಛಾಯಾಗ್ರಾಹಕ ಪ್ರಸಾದ್ ನಾಯಕ್​ ಚಿತ್ರೀಕರಿಸಿದ್ದು, ಇನ್​ಸ್ಟಾದಲ್ಲಿ ಹಂಚಿಕೊಂಡಿದ್ದಾರೆ. ವಿಡಿಯೋಗೆ "#bts the balancing act between being pregnant and stilettos #dreamteam @angadbedi @prasadnaaik @gumanistylists @florianhurel."(ಗರ್ಭಿಣಿರು ಸ್ಟಿಲೆಟೋಸ್​ ಧರಿಸಿ ಬ್ಯಾಲೆನ್ಸ್​ ಮಾಡುವುದು) ಎಂದು ಬರೆದುಕೊಂಡಿದ್ದಾರೆ.

ಬೇಬಿ ಶವರ್​ ಶೂಟಿಂಗ್​ ವೇಳೆ ನೇಹಾ ಧೂಪಿಯಾ,ಕ್ಲಾಸಿಕ್ ಬ್ಲ್ಯಾಕ್​ ಡ್ರೆಸ್​ ಧರಿಸಿದ್ದು, ಅದಕ್ಕೆ ಹೊಂದುವ ಸ್ಟಿಲೆಟೊಗಳನ್ನು ಧರಿಸಿದ್ದಾರೆ. ಶೀಘ್ರದಲ್ಲೇ ತಮ್ಮ ಎರಡನೇ ಮಗುವಿನ ನಿರೀಕ್ಷೆ ಇರುವುದಾಗಿ ದಂಪತಿ ಘೋಷಿಸಿದ್ದಾರೆ. ವಿಡಿಯೋದಲ್ಲಿ ನೇಹಾ ಮೊದಲ ಮಗಳು ಮೆಹರ್ ಕೂಡ ಕಾಣಿಸಿಕೊಂಡಿದ್ದಾಳೆ.

ಈ ಹಿಂದೆ ನೇಹಾ ಅವರು ಯೋಗಾಭ್ಯಾಸ ಮಾಡುವ ವಿಡಿಯೋವೊಂದನ್ನು ಹಂಚಿಕೊಂಡಿದ್ದರು. ಅವರು ಗರ್ಭಿಣಿಯಾಗುವ ಮುನ್ನ ಎಲ್ಲಾ ರೀತಿಯ ವ್ಯಾಯಾಮ ಮಾಡುತ್ತಿದ್ದುದಾಗಿ ಹೇಳಿದ್ದರು. ದೆಹಲಿಯಲ್ಲಿ ಈ ಜೋಡಿ 2018 ರಲ್ಲಿ ವಿವಾಹವಾದರು.