ಕಿರುತೆರೆ ಮೂಲಕ ಬಣ್ಣದ ಲೋಕಕ್ಕೆ ಕಾಲಿಟ್ಟ ಮೋನಿ, ಅಕ್ಷಯ್ ಕುಮಾರ್ ಅವರ 'ಗೋಲ್ಡ್' ಚಿತ್ರದ ಮೂಲಕ ಬಾಲಿವುಡ್ಗೆ ಎಂಟ್ರಿ ಕೊಟ್ಟರು. ಇದಾದ ನಂತರ ನವಾಜುದ್ದೀನ್ ಸಿದ್ಧಕಿ ಮುಖ್ಯಭೂಮಿಕೆಯಲ್ಲಿ ಕಾಣಿಸಿಕೊಳ್ಳುತ್ತಿರುವ 'ಬೋಲೆ ಚೂಡಿಯಾನ್' ಸಿನಿಮಾಗೆ ನಾಯಕಿಯಾಗುವ ಅವಕಾಶ ಪಡೆದುಕೊಂಡ್ರು. ಆದರೆ, ಇದೀಗ ಚಿತ್ರತಂಡ ಈಕೆಗೆ ಕೊಕ್ ನೀಡಿದೆ. ಮೋನಿಗೆ ವೃತ್ತಿಪರತೆಯಿಲ್ಲ ಹಾಗೂ ಬೇಜವಾಬ್ದಾರಿಯಿಂದ ವರ್ತಿಸುತ್ತಾರೆ ಎಂದು ನಿರ್ಮಾಪಕ ರಾಜೇಶ್ ಭಾಟಿಯಾ ಆರೋಪಿಸಿ, ತಮ್ಮ ಚಿತ್ರದಿಂದ ಹೊರಹಾಕಿದ್ದಾರೆ.
ಯಶ್ ಜತೆ ಕುಣಿದ ಬಾಲಿವುಡ್ ನಟಿಗೆ ಆಘಾತ! - ನಟಿ
ಬಾಲಿವುಡ್ ನಟಿ ಮೋನಿ ರಾಯ್ಗೆ 'ಬೋಲೆ ಚೂಡಿಯಾನ್' ಚಿತ್ರದಿಂದ ಗೆಟ್ಪಾಸ್ ಸಿಕ್ಕಿದೆ. ನಾಯಕಿ ಪಾತ್ರದಿಂದ ಚಿತ್ರತಂಡ ಈ ಗ್ಲಾಮರ್ ಗೊಂಬೆಯನ್ನು ಕೈ ಬಿಟ್ಟಿದೆ.
ಚಿತ್ರಕೃಪೆ : ಇನ್ಸ್ಟಾಗ್ರಾಂ
ರಾಜೇಶ್ ಮಾಡಿರುವ ಆರೋಪವನ್ನು ಮೋನಿರಾಯ್ ಅವರ ವಕ್ತಾರ ಅಲ್ಲಗಳೆದಿದ್ದಾರೆ. ಅಷ್ಟೇ ಅಲ್ಲದೇ ರಾಜೇಶ್ ಅವರ ಮೇಲೆಯೇ ಮರು ಆರೋಪ ಮಾಡಿ ಅವರಿಗೆನೇ ವೃತ್ತಿಪರತೆಯ ಕೊರತೆ ಇದೆ ಆಪಾದಿಸಿದ್ದಾರೆ.
ಮೋನಿರಾಯ್ ಕನ್ನಡ ನಟ ಯಶ್ ಅವರ 'ಕೆಜಿಎಫ್' ಚಿತ್ರದ ಹಿಂದಿ ಅವತರಣೆಯ 'ಗಲಿ ಗಲಿ' ಐಟಂ ಸಾಂಗ್ವೊಂದಕ್ಕೆ ಹೆಜ್ಜೆ ಹಾಕಿದ್ದರು. ಕಳೆದ ವರ್ಷ ಬಿಡುಗಡೆಯಾಗಿದ್ದ ಈ ಚಿತ್ರದ ಬ್ಲಾಕ್ಬಸ್ಟರ್ ಆಗಿದೆ.