ಬಾಲಿವುಡ್ ನಟಿ ಕತ್ರೀನಾ ಕೈಫ್ ತಮ್ಮ ಮೃದು ಸ್ವಭಾವದಿಂದ ಅಭಿಮಾನಿಗಳ ಮನ ಗೆದ್ದಿದ್ದಾಳೆ. ಫ್ಯಾನ್ಸ್ಗಳ ಹುಚ್ಚಾಟಕ್ಕೂ ನಯವಾಗಿ ಪ್ರತಿಕ್ರಿಯೆ ನೀಡುವ ಮೂಲಕ ಪರದೆ ಹಿಂದೆಯೂ ತನ್ನ ವ್ಯಕ್ತಿತ್ವವನ್ನ ತೋರ್ಪಡಿಸಿದ್ದಾಳೆ. ಸಾಮಾಜಿಕ ಜಾಲತಾಣದಲ್ಲಿ ಇವರ ನಡೆಗೆ ಭಾರಿ ಪ್ರಶಂಸೆ ವ್ಯಕ್ತವಾಗಿದೆ.
ಅಂಗರಕ್ಷಕರು ದೂರ ತಳ್ಳಿದ್ರೂ ಬಿಡದ ಫ್ಯಾನ್‌.. ಸೆಲ್ಫಿಗಾಗಿ ಗೋಗರೆದವನಿಗೆ ಕತ್ರೀನಾ ಮಾಡಿದ್ದೇನು?
ಅಭಿಮಾನಿಗಳು ಸೆಲ್ಫಿ ತೆಗೆದುಕೊಳ್ಳಬೇಕು ಎಂಬ ಕಾತುರತೆಯಲ್ಲಿ ಬಾಲಿವುಡ್ ನಟಿ ಕತ್ರೀನಾ ಕೈಫ್ ಜೊತೆ ಕೆಟ್ಟದಾಗಿ ವರ್ತಿಸಿದ್ದಾರೆ ಎನ್ನುವ ವಿಡಿಯೋ ಒಂದು ವೈರಲ್ ಆಗಿದೆ. ಈ ಪರಿಸ್ಥಿತಿಯ ನಡುವೆಯೂ ಕತ್ರೀನಾ ಕೂಲ್ ಆಗಿಯೇ ವರ್ತಿಸಿ ಅಭಿಮಾನಿಗಳ ಮನ ಗೆದ್ದಿದ್ದಾರೆ.
ಬಾಲಿವುಡ್ ನಟಿ ಕತ್ರಿನಾ ಕೈಫ್
ಬ್ಯುಜಿ ಲೈಫ್ನಿಂದ ಹೊರಬಂದ ಕತ್ರೀನಾ ಕೈಫ್ ಇತ್ತೀಚೆಗೆ ಸಾರ್ವಜನಿಕ ಸ್ಥಳದಲ್ಲಿ ಕಾಣಿಸಿಕೊಂಡಿದ್ದಳು. ಇವರನ್ನು ನೋಡಿದ ಫ್ಯಾನ್ಸ್ ಸೆಲ್ಫಿಗಾಗಿ ಸುತ್ತುವರೆದಿದ್ದರು. ಸೆಲ್ಫಿ ತೆಗೆದುಕೊಳ್ಳುವ ಇವರ ಹುಚ್ಚಾಟ ಕಂಡ ಅಂಗರಕ್ಷಕರು ಅವರನ್ನು ತಳ್ಳಾಡುವ ಮೂಲಕ ದೂರ ಸರಿಸಿದ್ದಾರೆ. ಈ ವೇಳೆ ಓರ್ವ ಅಭಿಮಾನಿಯ ಮೊಬೈಲ್ನ ಸಹ ಕಿತ್ತೆಸೆದಿದ್ದಾರೆ. ಇದರಿಂದ ಧೃತಿಗೆಡದ ಫ್ಯಾನ್ಸ್ಗಳು ಮತ್ತೆ ಸೆಲ್ಫಿಗಾಗಿ ಮುಗಿಬಿದ್ದಿದ್ದಾರೆ. ಸೆಲ್ಫಿಗಾಗಿ ಹಾತೊರೆಯುತ್ತಿರವುದನ್ನು ಕಂಡ ಕತ್ರೀನಾ ಕೈಫ್, ಕೂಲ್ ಆಗಿಯೇ ಫೋಸ್ ನೀಡಿದ್ದಾರೆ. ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಪರಿಸ್ಥಿತಿಯನ್ನು ಚೆನ್ನಾಗಿ ನಿಭಾಯಿಸಿದ್ದಕ್ಕಾಗಿ ಕತ್ರೀನಾ ಅಭಿಮಾನಿಗಳು ಅವರನ್ನು ಶ್ಲಾಘಿಸುತ್ತಿದ್ದಾರೆ. ಕೆಲವರು ಅಭಿಮಾನಿಗಳ ಹುಚ್ಚಾಟ ಹೆಚ್ಚಾಗಿದೆ ಎಂದರೆ, ಮತ್ತೆ ಕೆಲವರು ಅವಳು ಕೂಡ ಮನುಷ್ಯಳು, ಅವಳಿಗೂ ತನ್ನದೇ ಆದ ವೈಯಕ್ತಿಕ ಜೀವನ ಇರುತ್ತದೆ. ನಾವು ಅದನ್ನು ಗೌರವಿಸಬೇಕು ಎಂದು ಕಮೆಂಟ್ ಬರೆದಿದ್ದಾರೆ. ಅಭಿಮಾನಿಗಳ ಹುಚ್ಚಾಟ ಇದೇ ಮೊದಲೇನೂ ಅಲ್ಲ ಎಂದೂ ಮತ್ತೊಂದಿಷ್ಟು ಅಭಿಮಾನಿಗಳು ಬರೆದುಕೊಂಡಿದ್ದಾರೆ.