'ಖುದಾ ಹಫೀಜ್'​ ​ಚಿತ್ರ ನೋಡಿದ ನಟ ಹೃತಿಕ್​ ರೋ‍ಷನ್ ಹೇಳಿದ್ದೇನು ಗೊತ್ತಾ?

ಬಾಲಿವುಡ್​ನ​ 'ಖುದಾ ಹಫೀಜ್'​ ಸಿನಿಮಾವನ್ನು ನೋಡಿರುವ ನಟ ಹೃತಿಕ್​ ರೋ‍ಷನ್, ಚಿತ್ರದ ತಂಡವನ್ನು ಹಾಡಿ ಹೊಗಳಿದ್ದಾರೆ. ಚಿತ್ರ ಆ. 14 ರಂದು ಹಾಟ್​ಸ್ಟಾರ್​ ವಿಐಪಿಯಲ್ಲಿ ಬಿಡುಗಡೆಯಾಗಿದ್ದು ನೀವು ನೋಡಿ ಎಂದಿದ್ದಾರೆ.

ಮುಂಬೈ: ವಿದ್ಯುತ್ ಜಮ್ವಾಲ್ ಅಭಿನದ ಆಕ್ಷನ್ ಹಾಗೂ ರೊಮ್ಯಾಂಟಿಕ್ 'ಖುದಾ ಹಫೀಜ್'​ ಚಿತ್ರ ನೋಡಿದ ಬಾಲಿವುಡ್​ ನಟ ಹೃತಿಕ್​ ರೋ‍ಷನ್​, ಸಿನಿಮಾವನ್ನು ಹಾಡಿಹೊಗಳಿದ್ದಾರೆ. ಅಲ್ಲದೆ, ಚಿತ್ರವನ್ನು ಎಲ್ಲರೂ ನೋಡುವಂತೆ ಮನವಿ ಮಾಡಿದ್ದಾರೆ.

ಈ ಬಗ್ಗೆ ಟ್ವೀಟರ್​ನಲ್ಲಿ ವಿಡಿಯೋ ಮಾಡುವ ಮೂಲಕ 'ಖುದಾ ಹಫೀಜ್'​ ಚಿತ್ರವನ್ನು ಶ್ಲಾಘಿಸಿದ ಹೃತಿಕ್​, ಆನ್​ಲೈನ್​ನಲ್ಲಿ ಸಿನಿಮಾ ನೋಡಿರುವುದಾಗಿ ತಿಳಿಸಿದ್ದಾರೆ. 'ಖುದಾ ಹಫೀಜ್'​ ಚಿತ್ರ ಬಹಳ ಚೆನ್ನಾಗಿ ಮೂಡಿಬಂದಿದೆ. ನೋಡಿ ನಿಜವಾಗಿಯೂ ನಾನು ಆನಂದಿಸಿದೆ. ನೀವು ನೋಡಿ ಎಂದಿದ್ದಾರೆ.

ಚಿತ್ರದ ಅದ್ಭುತ ದೃಶ್ಯ ಹಾಗೂ ಹಾಡುಗಳು ನಾನಗೆ ತುಂಬಾ ಇಷ್ಟವಾದವು. ಚಿತ್ರದ ಬಗ್ಗೆ ಇನ್ನುಷ್ಟು ಮಾಹಿತಿ ಪಡೆಯುವ ಕಾತುರತೆ ಹೆಚ್ಚಾಗುತ್ತಿದೆ. ಹಾಗಾಗಿ ಇದೇ ಶನಿವಾರ (ಆ. 22) ಸಂಜೆ 4 ಗಂಟೆಗೆ ಆನ್​ಲೈನ್​ ಮೂಲಕ ಚಿತ್ರದ ತಂಡದೊಂದಿಗೆ ಮಾತನಾಡಲಿದ್ದೇನೆ. ನೀವು ಪಾಲ್ಗೊಳ್ಳಿ ಎಂದಿದ್ದಾರೆ.

'ಖುದಾ ಹಫೀಜ್'​ ಸಿನಿಮಾ ಇದೇ ಆ. 14 ರಂದು ಹಾಟ್​ಸ್ಟಾರ್​ ವಿಐಪಿಯಲ್ಲಿ ಬಿಡುಗಡೆಯಾಗಿದ್ದು ಚಿತ್ರಕ್ಕೆ ಫರುಖ್ ಕಬೀರ್ ಆಕ್ಷನ್ ಕಟ್ ಹೇಳಿದ್ದಾರೆ. ಶಿವಲಿಕಾ ಒಬಾಯ್ ನಾಯಕಿಯಾಗಿ ಕಾಣಿಸಿಕೊಕೊಂಡಿದ್ದಾರೆ.