ತಾವು ಪ್ರೀತಿಸೋ ಹುಡುಗಿಯಿಂದ ಬ್ರದರ್ ಅಂತಾ ಕರೆಸಿಕೊಳ್ಳೋದಕ್ಕೆ ಯಾವ ಹುಡುಗರಿಗೆ ತಾನೇ ಇಷ್ಟ ಹೇಳಿ ? ಒಂದು ವೇಳೆ ಆ ಹುಡುಗಿ 'ಅಣ್ಣಾ' ಅಂತಾ ಕರೆದಿದ್ದೇಯಾದಲ್ಲಿ ಒಂದು ಕ್ಷಣ ಆ ಭಗ್ನ ಪ್ರೇಮಿಯ ಹೃದಯಕ್ಕೆ ಕರೆಂಟ್ ಶಾಕ್ ಹೊಡೆದಂತಾಗೋದು ಪಕ್ಕಾ. ಇಂತಹ ಸಂದಿಗ್ಧ ಪರಿಸ್ಥಿತಿಯೊಂದು ಬಾಲಿವುಡ್ ನಟ ಸಲ್ಮಾನ್ ಖಾನ್ಗೆ ಎದುರಾಗಿದೆ.
ಬಾಲಿವುಡ್ ಕ್ಯಾಟ್ ಕತ್ರಿನಾ ಕೈಫ್ ಹಾಗೂ ಸುಲ್ತಾನ್ ಸಲ್ಮಾನ್ ಖಾನ್ ಸದ್ಯ ಮಾಜಿ ಲವರ್ಸ್. ಈ ಹಿಂದೆ ಪ್ರೀತಿಯ ಕಡಲಲ್ಲಿ ತೇಲುತ್ತಿದ್ದ ಈ ಜೋಡಿ ಈಗ ಗುಡ್ ಫ್ರೆಂಡ್ಸ್. ತಮ್ಮಲ್ಲಿ ಒಡಮೂಡಿದ್ದ ಪ್ರೀತಿಗೆ ಫುಲ್ ಸ್ಟಾಪ್ ಹಾಕಿ, ಜಸ್ಟ್ ಫ್ರೆಂಡ್ಸ್ ಆಗಿರೋ ಸಲ್ಲು ಹಾಗೂ ಕತ್ರಿನಾ ಸದ್ಯ ಭರತ್ ಚಿತ್ರದಲ್ಲಿ ನಟಿಸುತ್ತಿದ್ದಾರೆ.
ಈಗಾಗಲೇ ಈ ಚಿತ್ರದ ಮೂರು ಸಾಂಗ್ಗಳು ರಿಲೀಸ್ ಆಗಿವೆ. ಇಂದು ಮುಂಜಾನೆ ಮತ್ತೊಂದು ಸಾಂಗ್ ಬಿಡುಗಡೆಗೆ ಸಲ್ಮಾನ್ ಹಾಗೂ ಕತ್ರಿನಾ ಕೈಫ್ ಒಟ್ಟಿಗೆ ಹಾಜರಾಗಿದ್ದರು. ಕಾರ್ಯಕ್ರಮದಲ್ಲಿ ಸಲ್ಲು ಭಾಯ್ ಜತೆ ನಟಿಸುತ್ತಿರುವ ಭರತ್ ಚಿತ್ರದಲ್ಲಿ ನಿಮ್ಮ ರೋಲ್ ಏನು ಎಂದು ಮಾಧ್ಯಮಗಳು ಕತ್ರಿನಾ ಅವರನ್ನು ಪ್ರಶ್ನಿಸಿದರು. ಈ ವೇಳೆ ಮಧ್ಯೆ ಪ್ರವೇಶಿಸಿದ ಸಲ್ಮಾನ್ ಖಾನ್, ಭಾಯ್ ನಿಮಗೆ ಮಾತ್ರ, ಅವಳಿಗಲ್ಲ; ಎಂದು ಪಂಚ್ ಕೊಟ್ಟರು. ಸಲ್ಲು ಅವರ ಈ ಮಾತಿಗೆ ಪಕ್ಕದಲ್ಲಿಯೇ ನಿಂತಿದ್ದ ಕತ್ರಿನಾ ಮುಖದಲ್ಲಿ ನಗುವಿನ ಕಡಲು ಉಕ್ಕುತ್ತಿತ್ತು. ಹೊಟ್ಟೆ ಹುಣ್ಣಾಗುವಂತೆ ನಕ್ಕು ಬಿಟ್ರು ಕ್ಯಾಟ್.
ಇಷ್ಟಕ್ಕೆ ಸುಮ್ಮನಾಗದ ಮಾಧ್ಯಮದರು ಹಾಗಾದರೆ ಅವರು ( ಕತ್ರಿನಾ) ನಿಮ್ಮನ್ನು ಏನಂತಾ ಕರೀಬೇಕು ಎಂದು ಮರುಪ್ರಶ್ನಿಸಿದರು. ಇದಕ್ಕೆ ನಗುತ್ತಲೇ ಉತ್ತರಿಸಿದ ಸಲ್ಮಾನ್, 'ಮೇರಿ ಜಾನ್' ಎಂದು ಸಂಬೋಧಿಸಲಿ ಎಂದರು.
