ಮೊಮ್ಮಗಳು ಪಿಯಾನೊ ನುಡಿಸುವ ವಿಡಿಯೋ ಹಂಚಿಕೊಂಡ ಅಮಿತಾಬ್​ ಬಚ್ಚನ್

ಮೊಮ್ಮಗಳು ನವ್ಯಾ ನವೇಲಿ ನಂದ ಪಿಯಾನೊ ನುಡಿಸಿರುವ ವಿಡಿಯೋವೊಂದನ್ನು ಬಾಲಿವುಡ್ ಹಿರಿಯ ನಟ ಅಮಿತಾಬ್ ಬಚ್ಚನ್ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

ಮುಂಬೈ (ಮಹಾರಾಷ್ಟ್ರ): ಬಾಲಿವುಡ್ ಬಿಗ್​ ಬಿ ಅಮಿತಾಬ್​ ಬಚ್ಚನ್​ ತಮ್ಮ ಮೊಮ್ಮಗಳು ನವ್ಯಾ ನವೇಲಿ ನಂದ ಅವರ ಸ್ಪೆಷಲ್ ಎನ್ನಿಸುವ ವಿಡಿಯೋ ಹಂಚಿಕೊಂಡಿದ್ದಾರೆ.

ನವ್ಯಾ ಪಿಯಾನೋ ನುಡಿಸಿರುವ ವಿಡಿಯೋ ಹಂಚಿಕೊಂಡಿರುವ ಬಿಗ್​ ಬಿ, ಆಕೆ ನನ್ನ ಹೆಮ್ಮೆ. ನನಗೆ ಡಿಜಿಟಲ್​ ವಿಚಾರದಲ್ಲಿ ಸಹಾಯ ಮಾಡುವುದೂ ಅವಳೇ. ಹೆಣ್ಣು ಮಕ್ಕಳು ಕುಟುಂಬಕ್ಕೆ ಆಸ್ತಿಯಲ್ಲ ಎಂದು ಯಾರು ಹೇಳುವರು? ಎಂದು ಬರೆದುಕೊಂಡಿದ್ದಾರೆ.

ಬಚ್ಚನ್ ಶೇರ್ ಮಾಡಿರುವ ಈ ವಿಡಿಯೋ ಕೆಲವೇ ಗಂಟೆಗಳಲ್ಲಿ 2 ಲಕ್ಷಕ್ಕೂ ವೀಕ್ಷಣೆ ಪಡೆದಿದೆ. ಬಿಗ್​ಬಿ ಅಭಿಮಾನಿಗಳು, ಸೆಲೆಬ್ರಿಟಿಗಳು ಸೇರಿದಂತೆ ಹಲವು ಜನರು ವಿಡಿಯೋ ನೋಡಿ ಕಮೆಂಟ್ ಮಾಡಿದ್ದಾರೆ. ಇದಕ್ಕೆ ನವ್ಯಾ ಕೂಡ ರಿಯಾಕ್ಟ್ ಮಾಡಿದ್ದು, 'ಲವ್​​ಯೂ ನಾನಾ' ಎಂದಿದ್ದಾರೆ.

ಅಮಿತಾಬ್ ಬಚ್ಚನ್ ಪುತ್ರಿ ಶ್ವೇತಾ ಬಚ್ಚನ್ ನಂದ ಮತ್ತು ಉದ್ಯಮಿ ನಿಖಿಲ್ ನಂದಾ ಅವರ ಮಗಳು ನವ್ಯಾ ನಂದ ಕಳೆದ ವರ್ಷ ನ್ಯೂಯಾರ್ಕ್‌ನ ಫೋರ್ಡ್‌ಹ್ಯಾಮ್ ವಿಶ್ವವಿದ್ಯಾಲಯದಿಂದ ಪದವಿ ಶಿಕ್ಷಣ ಪಡೆದಿದ್ದಾರೆ.