ವಾಷಿಂಗ್ಟನ್ (ಅಮೆರಿಕ):ಮಂಗಳ ಗ್ರಹದಲ್ಲಿ ವಾಸಿಸುವ ಭಾಗವಾಗಿ ಮಂಗಳನ ಅಂಗಳವನ್ನು ಕೃತಕವಾಗಿ ಪುನರ್ ರೂಪಿಸಲಾಗಿದೆ. ಈ ಆವಾಸಸ್ಥಾನದಲ್ಲಿ ಮೊದಲ ಒಂದು ವರ್ಷದ ಅನಲಾಗ್ ಮಿಷನ್ ಅನ್ನು ಪ್ರಾರಂಭಿಸಲು ನಾಸಾದ ನಾಲ್ಕು ಸ್ವಯಂ ಸೇವಕರನ್ನು (ಗಗನಯಾತ್ರಿಗಳು) ಲಾಕ್ ಮಾಡಲಾಗುತ್ತದೆ. ಸಿಎಚ್ಪಿಇಎ ಅಥವಾ ಕ್ರ್ಯೂ ಹೆಲ್ತ್ ಅಂಡ್ ಪರ್ಫಾರ್ಮೆನ್ಸ್ ಎಕ್ಸ್‌ಪ್ಲೋರೇಶನ್ ಅನಲಾಗ್ ಇದು ಹೂಸ್ಟನ್‌ನಲ್ಲಿರುವ ಏಜೆನ್ಸಿಯ ಜಾನ್ಸನ್ ಬಾಹ್ಯಾಕಾಶ ಕೇಂದ್ರದಲ್ಲಿ ಈ ಕಾರ್ಯಾಚರಣೆ ನಡೆಯಲಿದೆ.
ಈ ಮಿಷನ್ ಮೂರು ಯೋಜಿತ ಒಂದು ವರ್ಷದ ಮಂಗಳ ಮೇಲ್ಮೈ ಸಿಮ್ಯುಲೇಶನ್‌ಗಳಲ್ಲಿ ಮೊದಲನೆಯದು. ಈ ಸಮಯದಲ್ಲಿ ಸಿಬ್ಬಂದಿ ಸದಸ್ಯರು 3D ಮುದ್ರಿತ, 1,700 ಚದರ ಅಡಿ ಆವಾಸಸ್ಥಾನದಲ್ಲಿ ಮಾರ್ಸ್ ಡ್ಯೂನ್ ಆಲ್ಫಾ ಎಂದು ಕರೆಯಲ್ಪಡುವ ಒಂದು ವರ್ಷದವರೆಗೆ ವಾಸಿಸುತ್ತಾರೆ. ಜೊತೆಗೆ ಅಲ್ಲಿ ಕಾರ್ಯನಿರ್ವಹಿಸಲಿದ್ದಾರೆ.
ನಾಲ್ಕು ಗಗನಯಾತ್ರಿಗಳು ಯಾರು?:ಈ ನಾಲ್ಕು ಸದಸ್ಯರಲ್ಲಿ ಜೀವಶಾಸ್ತ್ರಜ್ಞ ಕೆಲ್ಲಿ ಹ್ಯಾಸ್ಟನ್, ರಾಸ್ ಬ್ರಾಕ್‌ವೆಲ್, ರಚನಾತ್ಮಕ ಇಂಜಿನಿಯರ್, ನಾಥನ್ ಜೋನ್ಸ್, ವೈದ್ಯ ಮತ್ತು ಸೂಕ್ಷ್ಮ ಜೀವವಿಜ್ಞಾನಿ ಆಂಕಾ ಸೆಲಾರಿಯು ಸೇರಿದ್ದಾರೆ. ಸಿಮ್ಯುಲೇಶನ್ ಸಮಯದಲ್ಲಿ, ಈ ಸದಸ್ಯರು ಸಿಮ್ಯುಲೇಟೆಡ್ ಬಾಹ್ಯಾಕಾಶ ನಡಿಗೆ, ರೋಬೋಟಿಕ್ ಕಾರ್ಯಾಚರಣೆ, ಆವಾಸಸ್ಥಾನ ನಿರ್ವಹಣೆ, ವೈಯಕ್ತಿಕ ನೈರ್ಮಲ್ಯ, ವ್ಯಾಯಾಮ ಮತ್ತು ಬೆಳೆ ಬೆಳವಣಿಗೆ ಸೇರಿದಂತೆ ವಿವಿಧ ರೀತಿಯ ಮಿಷನ್ ಚಟುವಟಿಕೆಗಳನ್ನು ನಿರ್ವಹಿಸುತ್ತಾರೆ. ಕಾರ್ಯಸಾಧ್ಯವಾಗುವಂತೆ ಮಂಗಳ ಅಂಗಳದಲ್ಲಿ ವಾಸ್ತವಿಕವಾಗಿರಲು, ಸಿಬ್ಬಂದಿಯು ಸಂಪನ್ಮೂಲ ಮಿತಿಗಳು, ಪ್ರತ್ಯೇಕತೆ ಮತ್ತು ಸಲಕರಣೆಗಳ ವೈಫಲ್ಯದಂತಹ ಪರಿಸರ ಒತ್ತಡಗಳನ್ನು ಎದುರಿಸಬೇಕಾಗುತ್ತದೆ.
ಸಿಎಚ್ಪಿಇಎ ಪ್ರಧಾನ ತನಿಖಾಧಿಕಾರಿ ಗ್ರೇಸ್ ಡೌಗ್ಲಾಸ್ ಮಾಹಿತಿ:ಈ ಸಿಬ್ಬಂದಿಯ ಆರೋಗ್ಯ ಮತ್ತು ಕಾರ್ಯಕ್ಷಮತೆಯ ಮೇಲೆ ಮಂಗಳ ಗ್ರಹಕ್ಕೆ ದೀರ್ಘಾವಧಿಯ ಕಾರ್ಯಾಚರಣೆಗಳ ಸಂಭಾವ್ಯ ಪರಿಣಾಮಗಳ ಬಗ್ಗೆ ನಮಗೆ ಹೆಚ್ಚಿನ ಒಳನೋಟವನ್ನು ನೀಡಲು ಅರಿವಿನ ಹಾಗೂ ಭೌತಿಕ ಕಾರ್ಯಕ್ಷಮತೆಯ ಡೇಟಾವನ್ನು ಸಂಗ್ರಹಿಸಲು ಸಿಮ್ಯುಲೇಶನ್ ನಮಗೆ ಅನುಮತಿಸುತ್ತದೆ ಎಂದು ಸಿಎಚ್ಪಿಇಎ ಪ್ರಧಾನ ತನಿಖಾಧಿಕಾರಿ ಗ್ರೇಸ್ ಡೌಗ್ಲಾಸ್ ತಿಳಿಸಿದ್ದಾರೆ.