5G ಸ್ಮಾರ್ಟ್​ಫೋನ್​ಗಾಗಿ ಕಾಯುತ್ತಿರುವವರಿಗೆ ಇಲ್ಲಿದೆ ಗುಡ್​ ನ್ಯೂಸ್​​!

ಸ್ಯಾಮ್​ಸಂಗ್ ಕಂಪನಿ ಕಳೆದ ತಿಂಗಳು ಸ್ಯಾನ್​ಫ್ರಾನ್ಸಿಸ್ಕೋ ಹಾಗೂ ಲಂಡನ್​ನಲ್ಲಿ ನಡೆದ ಕಾರ್ಯಕ್ರಮದಲ್ಲಿ 5G ನೆಟ್​​ವರ್ಕ್ ಸಾಮರ್ಥ್ಯದ ಮೊಬೈಲ್ ಅನಾವರಣ ಮಾಡಿತ್ತು.

ಸಿಯೋಲ್​: ಸ್ಮಾರ್ಟ್​ಫೋನ್ ಬಳಕೆದಾರರಿಗೆ ಗುಡ್ ನ್ಯೂಸ್ ಇಲ್ಲಿದೆ. 5G ನೆಟ್​​ವರ್ಕ್​ ಹೊಂದಿರುವ ಮೊಬೈಲ್​ ಭಾರತಕ್ಕೆ ಯಾವಾಗ ಬರುತ್ತೆ ಅಂತ ಕಾದಿದ್ದವರ ಕಾಯುವಿಕೆ ಸದ್ಯದಲ್ಲೇ ಕೊನೆಗೊಳ್ಳಲಿದೆ.

ಇದೇ ಏಪ್ರಿಲ್​ನಲ್ಲಿ 5G ನೆಟ್​​ವರ್ಕ್ ಹೊಂದಿರುವ ಮೊಬೈಲ್​ ಭಾರತಕ್ಕೆ ಕಾಲಿಡಲಿದೆ ಎಂದು ತಿಳಿದು ಬಂದಿದೆ. ಸ್ಯಾಮ್​ಸಂಗ್ ಕಂಪನಿಯ ಗ್ಯಾಲಕ್ಸಿ ಎಸ್​10 ಮೊಬೈಲ್​ ಭಾರತದಲ್ಲಿ 5G ನೆಟ್​​ವರ್ಕ್ ಸಾಮರ್ಥ್ಯದ ಮೊಬೈಲ್ ಏಪ್ರಿಲ್ ಮಧ್ಯಭಾಗದಲ್ಲಿ ಭಾರತದಲ್ಲಿ ಪರಿಚಯಿಸಲಿದೆ.

ಎಲ್​ಜಿ ಸಹ ಏಪ್ರಿಲ್ ಮಧ್ಯಭಾಗದ ಸಮಯದಲ್ಲಿ 5G ನೆಟ್​​ವರ್ಕ್ ಸಾಮರ್ಥ್ಯದ ಮೊಬೈಲನ್ನು ಭಾರತದಲ್ಲಿ ಬಿಡುಗಡೆ ಮಾಡುವ ಸಾಧ್ಯತೆ ಇದೆ ಎನ್ನಲಾಗಿದೆ.